TVK Bussy Anand Assets: தவெக விஜயின் தளபதி; புஸ்ஸி ஆனந்த் எனும் முனுசாமி சொத்து மதிப்பு- இத்தனை கோடி ரூபாயா?

TVK Bussy Anand Affidavit: புஸ்ஸி ஆனந்தின் மொத்த சொத்து மதிப்பு– ரூ.2.04 கோடி என்றும் அவரின் மனைவி அர்லின்லுமா-விடம் – 1.61 கோடி ரூபாய் மதிப்பில் சொத்துகள் உள்ளதாகவும் தெரிவிக்கப்பட்டுள்ளது.

புஸ்ஸி ஆனந்த்

Source : சிறப்பு ஏற்பாடு

தவெக தலைவர் விஜயின் தளபதியும் அக்கட்சியின் பொதுச் செயலாளருமான புஸ்ஸி ஆனந்தின் சொத்து மதிப்பு விவரம் வெளியாகி உள்ளது.

தவெகவைத் தொடங்க வித்திட்டவர்களில் முக்கியமானவர் புஸ்ஸி ஆனந்த். தலைவர் விஜயின் தளகர்த்தல் ஆனந்த் என்றால் அதில் மிகை ஏதுமில்லை. புதுச்சேரியில் புஸ்ஸி என்னும் தொகுதியில் போட்டியிட்டு வென்றதால், இவர் புஸ்ஸி ஆனந்த் என்று அழைக்கப்படுகிறார். இவரின் இயற்பெயர் முனுசாமி.

தி நகரில் களமிறங்கும் புஸ்ஸி

தவெக 234 தொகுதிகளிலும் 2026ஆம் ஆண்டு சட்டமன்றத் தேர்தலில் தனித்துக் களம் காண்கிறது. இந்த நிலையில் புஸ்ஸி ஆனந்த் தி நகரில் விசில் சின்னத்தில் போட்டியிடுகிறார். இதற்காக வேட்புமனுத் தாக்கல் செய்த புஸ்ஸி, தனது பிரமாணப் பத்திரத்தை தாக்கல் செய்தார். அதில் அவரின் சொத்து மதிப்புகள் வெளியாகி உள்ளன.

இதன்படி, புஸ்ஸி ஆனந்தின் மொத்த சொத்து மதிப்பு– ரூ.2.04 கோடி என்றும் அவரின் மனைவி அர்லின்லுமா-விடம் – 1.61 கோடி ரூபாய் மதிப்பில் சொத்துகள் உள்ளதாகவும் தெரிவிக்கப்பட்டுள்ளது.

நகைகள் எவ்வளவு?

ஆனந்த் 11 சவரன் அதாவது 88 கிராம் தங்க நகைகளை வைத்துள்ளார். அவரின் மனைவி அர்லின்லுமா-விடம் 155 சவரன் அதாவது 1240 கிராம் தங்கம் உள்ளதாக பிரமாணப் பத்திரத்தில் தெரிவிக்கப்பட்டுள்ளது. அதேபோல ஆனந்தின் கையில் ரொக்கம் ஆக ரூ.1,50,000 உள்ளதாம்.

இவரின் மொத்த சொத்து மதிப்பு - ரூ.2.04 கோடி என்றும் மனைவியிடம் – 1.61 கோடி ரூபாய் மதிப்பில் சொத்துகள் உள்ளதாகவும் தெரிவிக்கப்பட்டுள்ளது.

நிலங்கள் உள்ளதா?

புஸ்ஸி ஆனந்தின் பெயரில் விவசாய, விவசாயம் அல்லாத நிலங்கள் எதுவும் இல்லை. எனினும் அவரின் மனைவி பெயரில் 4 இடங்களில் நிலங்கள் வாங்கப்பட்டுள்ளன. குறிப்பாக பஹூர், வில்லியனூர், அரியான்குப்பம் ஆகிய பஞ்சாயத்துக்குள் இடங்கள் உள்ளன. அதேபோல மனைவி பெயரில் வணிக கட்டிடமும் வாங்கப்பட்டுள்ளது. வீட்டையும் மனைவி பெயரிலேயே வாங்கி உள்ளார் புஸ்ஸி.

என்னென்ன வாகனங்கள்?

டொயாட்டோ இன்னோவா

மாருதி ஸ்விஃப்ட்

ஹோண்டா ஆக்டிவா

கடனே அதிகம்

எனினும் புஸ்ஸி ஆனந்தின் பெயரில் கடன்கள் உள்ளன. தவெக தலைவர் விஜயிடம் ரூ.3 கோடி கடன், அருள் என்பவரிடம்  6 லட்சம் ரூபாய், மணிகண்டன் என்பவரிடம் 5 லட்சம் என மொத்தம் 3 கோடியே 11 லட்சம் ரூபாய் கடன் பெற்றுள்ளார் புஸ்ஸி ஆனந்த். அதேபோல அவரின் மனைவி பெயரில் 47 லட்சம் ரூபாய் கடன் வங்கியில் பெறப்பட்டுள்ளது.

புஸ்ஸி ஆனந்த், தன் மீது சில வழக்குகள் நிலுவையில் இருப்பதாகவும் தெரிவித்துள்ளார்.

இதையும் படிக்க

TVK Vijay Affidavit: 500 சவரன் தங்கம், வெள்ளி, ரூ.537 கோடி பணம், கார்கள்… தவெக விஜய் சொத்து மதிப்பு தெரியுமா?