TN Election 2026: முந்தும் திமுக.. குழப்பத்தில் நிற்கும் அதிமுக கூட்டணி.. மதுரை தெற்கு வெற்றி யாருக்கு?

TN Election 2026 : மதுரை தெற்கு தொகுதியில் திமுக கூட்டணியில் மதிமுக சார்பில் தற்போதைய சட்டமன்ற உறுப்பினர் புதூர் பூமிநாதனும், அதிமுக கூட்டணி சார்பில் பாஜகவின் இராமசீனிவாசனும் களத்தில் நிற்கின்றனர்.

தமிழ்நாடு தேர்தல் 2026

Source : Twitter

தமிழ்நாடு சட்டமன்ற தேர்தலுக்கு இன்னும் ஒரு நாள் மட்டுமே உள்ள நிலையில் அரசியல் கட்சி தலைவர்கள் அனைவரும் தீவிர வாக்குசேகரிப்பில் ஈடுப்பட்டு வருகின்றனர். அந்த மதுரை தெற்கு தொகுதியில் பலத்த போட்டி நிலவி வரும் யாருக்கு வெற்றி வாய்ப்பு உள்ளது என்பதை காண்போம்

திமுக கூட்டணி: 

மதுரை தெற்கு தொகுதியில் திமுக கூட்டணியில் மதிமுக சார்பில் தற்போதைய சட்டமன்ற உறுப்பினர் புதூர் பூமிநாதனும், அதிமுக கூட்டணி சார்பில் பாஜகவின் இராமசீனிவாசனும் களத்தில் நிற்கின்றனர்.

பூமிநாதனை பொறுத்த வரையில் மதுரை தெற்கு தொகுதி முழுவதும் நன்கு அறிமுகமானவர் மட்டுமல்ல அனைத்து கட்சியினர் பொதுமக்களின் அன்பை பெற்றவர்.  கடந்த 5 ஆண்டுகளில் ஏராளமான மக்கள் நலபணிகளை தொகுதியில் செயல்படுத்தி உள்ளார். பல ஆண்டுகளாக பட்டா கிடைக்காமல் இருந்த 3 ஆயிரத்திற்கும் மேற்பட்டவர்களுக்கு பட்டா வாங்கி கொடுத்துள்ளார்.

தனது தொகுதியில் எந்த மக்கள் நலப்பணி நடந்தாலும் முதல் ஆளாக வந்து இருப்பார். தினசரி தொகுதிக்குள்ளே அவரை காண முடியும் அதேபோல எவரும் எளிதில் அணுக கூடியவர் என்பது மக்களின் கருத்தாக உள்ளது.

குழப்பத்தில் பாஜக: 

நீண்ட நெடிய அரசியலுக்கு சொந்த காரரான பூமிநாதன் பரப்புரையிலும்  முந்தி நிற்க பாஜக கூடாரத்தில் குழப்பம் நிலவுகிறது.

மதுரை தெற்கு தொகுதி செளராஷ்டிரா சமூகத்தை சேர்த்தவரான மகாலட்சுமிக்கு தான் என்ற கூறப்பட்டு அவரும் தீவிர தேர்தல் பணியில் ஈடுபட்டு வந்த நிலையில் , இறுதி நேரத்தில் இராமசீனிவாசன் போட்டியில் வந்தது செளராஷ்டிரா மக்களிடையே அதிருப்தியை ஏற்படுத்தியதோடு , அவர்கள் ஒன்று கூடி செளராஷ்டிர வேட்பாளருக்கு அவர்களது வாக்கு என முடிவு செய்து இருப்பதும், நாதக, தவெக சார்பில் செளராஷ்டாரா சமூகத்தை சேர்ந்தவர்கள் வேட்பாளராக இருப்பது இராமசீனிவாசனுக்கு பின்னடைவாக உள்ளது.

அதுபோக பூமிநாதன் சட்டமன்ற உறுப்பினராக வருவது தொகுதிக்கும் நல்லது நமது அரசியலுக்கும் நல்லது என அதிமுகவினரும் நினைப்பதால் அவர்களும் பெரிதாக தேர்தல் வேலையில் ஈடுபடவில்லை என்று கூறப்படுகிறது.

வெற்றி வாய்ப்பு யாருக்கு?

தொகுதி மக்களின் ஆதரவு, உள்ளூர் வேட்பாளர் என மதிமுக வேட்பாளர் பூமிநாதன் இந்த முறை 25000 வாக்குகள் வித்தியாசத்தில் வெற்றி உறுதி என்கின்றனர் திமுக & கூட்டணி கட்சியினர்.

மதுரை தெற்கில் திமுக கூட்டணிக்கே அதிக வெற்றி வாய்ப்பு என்றும் சொல்ல்ப்படும் நிலையில் யாருக்கு அந்த வெற்றிக்கனி செல்லப்போகிறது என்பதை மே 4 ஆம் தேதி தெரிந்துவிடும்