Ambasamudram: சுயேச்சைகள் இல்லாத தொகுதி! அம்பாசமுத்திரத்தில் ‘ஃபைனல்’ ஆன 5 பேர் யார்? சட்டமன்ற தேர்தல் 2026
TN Election 2026: குறைந்த எண்ணிக்கையிலான வேட்பாளர்கள் மற்றும் சுயேட்சை வேட்பாளர்கள் போட்டியிடாத தொகுதியாக அம்பாசமுத்திரம் மாறியுள்ளது.
தமிழ்நாடு சட்டமன்ற தேர்தலில் போட்டியிடும் இறுதி வேட்பாளர் பட்டியில் இன்று வெளியான நிலையில் அம்பாசமுத்திரம் தொகுதியில் குறைந்த எண்ணிக்கையிலான வேட்பாளர்கள் போட்டியிடுவதாக தேர்தல் ஆணையம் அறிவித்துள்ளது.
தமிழநாடு சட்டமன்ற தேர்தல் 2026:
வருகிற ஏப்ரல் 23 ஆம் தேதி தமிழக சட்டமன்றத்திற்கான தேர்தல் நடைப்பெற உள்ளது, இந்த தேர்தலில் திமுக, அதிமுக ஆகிய பிரதான கட்சிகள் கூட்டணியுடன் களமிறங்குகிறது. சீமானின் நாம் தமிழர் மற்றும் நடிகர் விஜயின் தவெக கட்சி ஆகியவை தனித்து போட்டியிடுகின்றன, இந்த தேர்தலுக்கான வேட்புமனு தாக்கல் 4 நாட்கள் நடைப்பெற்ற பெற்றன.
வேட்புமனு சரிபார்ப்பு:
தேர்தலில் போட்டியிட விண்ணப்பித்த வேட்பாளர்களின் வேட்பு மனுக்கள் மீதான சரிபார்ப்பு ஏப்ரல் 7 முதல் 9 ஆம் தேதி வரை நடைப்பெற்றது. மொத்தம் 15765 வேட்பாளர்கள் விண்ணப்பித்த நிலையில் 10222 வேட்பாளர்களின் மனு ஏற்கப்பட்டது. 3045 வேட்பாளர்களின் மனுக்கள் நிராகரிக்கப்பட்டன. மேலும் வேட்பாளர்கள் தங்கள் வேப்புமனுக்களை திரும்பப்பெற இன்றே கடைசி நாள் என்பதால் 664 வேட்புமனுக்கள் திரும்பப்பெறப்பட்ட நிலையில் 2106 வேட்பாளர்கள் தமிழ்நாட்டில் உள்ள 234 தொகுதிகள் போட்டியிட உள்ளனர்.
குறைந்த வேட்பாளர்கள் போட்டியிடும் தொகுதி:
தமிழ்நாட்டின் தென் மண்டலத்தில் உள்ள தொகுதியான அம்பாசமுத்திரத்தில் 5 வேட்பாளர்களே களத்தில் உள்ளனர். இந்த தொகுதியில் மொத்தம் 38 வேட்பாளர் விண்ணப்பித்திருந்தனர். இதில் 6 வேட்பாளர்கள் விண்ணப்பங்கள் ஏற்கப்பட்டது. இதில் ஒரு வேட்பாளர் தனது வேட்புமனுவை இன்று திரும்ப பெற்ற நிலையில் தற்போது அந்த 5 வேட்பாளர்களே போட்டியிடுகின்றனர். இதன் மூலம் குறைந்த எண்ணிக்கையிலான வேட்பாளர்கள் மற்றும் சுயேட்சை வேட்பாளர்கள் போட்டியிடாத தொகுதியாக அம்பாசமுத்திரம் மாறியுள்ளது.
போட்டியிடும் வேட்பாளர்கள் விவரம்:
- வி.பி துரை- காங்கிரஸ்
- டாக்டர். இசக்கி சுப்பையா - அதிமுக
- எஸ்.ராஜகோபால் - தவெக
- இசை கண்ணன் - பகுஜன் சாமஜ் வாதி
- டாக்டர்.வி. சிவசங்கரன் - நாம் தமிழர் கட்சி
தேர்தல் முடிவுகள்:
இந்த தேர்தலுக்கான முடிவுகள் வரும் மே 4 ஆம் தேதி அறிவிக்கப்படவுள்ளது. ஆளும் கட்சியான திமுக தனித்து 168 தொகுதிகளிலும், அதிமுக 169 தொகுதிகளிலும், நாம் தமிழர் தனித்து 234 தொகுதிகளிலும், தவெக 233 தொகுதிகளிலும் போட்டியிடுகின்றன, இதில் தவெக எடப்பாடி வேட்பாளரின் மனு நிராகரிக்கப்பட்டது என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
