TN Voter List: மொபைலிலேயே வாக்காளர் பட்டியலைச் சரிபார்க்கலாம்! 'Voter Helpline' ஆப் பயன்படுத்துவது எப்படி? முழு விவரம் உள்ளே

TN Voter List 2026: வாக்காளர் பட்டியலில் உங்கள் பெயர் இடம்பெற்றுள்ளதா என்பதை எப்படி தெரிந்துக்கொள்ளலாம் என்பதை கீழே காண்போம். 

வாக்காளர் பட்டியல்

Source : X.com

தமிழ்நாட்டில் சட்டமன்ற தேர்தல் நடைபெற விரைவில் நடைபெற உள்ள நிலையில், இன்று இறுதி வாக்காளர் பட்டியலை தமிழக தலைமைத் தேர்தல் அதிகாரி அர்ச்சன பட்நாயக் வெளியிட்ட நிலையில் வாக்காளர் பட்டியலில் உங்கள் பெயரை மொபைல் ஆப் மூலம் எப்படி கண்டுப்பிடிக்கலாம் என்பதை கீழே காணலாம்

என்னென்ன தேவை?

• உங்கள் வாக்காளர் அடையாள அட்டை எண் (EPIC Number).
• அல்லது உங்கள் பெயர், பிறந்த தேதி மற்றும் தொகுதி விவரங்கள்.

பெயரைச் சரிபார்க்கும் வழிமுறைகள்:

வாக்காளர் பட்டியலில் உங்கள் விவரங்களைத் தேட இரண்டு முக்கிய வழிகள் உள்ளன:

1. இணையதளம் மூலமாக:

• இந்திய தேர்தல் ஆணையத்தின் அதிகாரப்பூர்வ இணையதளமான voters.eci.gov.in என்ற பக்கத்திற்குச் செல்லவும்.
• அதில் 'Search in Electoral Roll' என்ற விருப்பத்தைத் தேர்ந்தெடுக்கவும்.

 மூன்று முறைகளில் தேடலாம்:

• Search by Details: உங்கள் பெயர், தந்தை பெயர், வயது, மாநிலம் மற்றும் மாவட்டத்தைத் டைப் செய்து தேடலாம்.
• Search by EPIC: உங்கள் வாக்காளர் அடையாள அட்டை எண்ணை (EPIC No) உள்ளிட்டு நேரடியாகத் தேடலாம். (இதுவே எளிதான வழி).
• Search by Mobile: உங்கள் பதிவு செய்யப்பட்ட மொபைல் எண்ணிற்கு வரும் OTP மூலம் தேடலாம்.
• விவரங்களை உள்ளிட்ட பிறகு, திரையில் தோன்றும் 'Captcha' குறியீட்டை உள்ளிட்டு 'Search' கொடுக்கவும்.

உங்கள் பெயர் பட்டியலில் இருந்தால், அதன் விவரங்கள் திரையில் தோன்றும். 'View Details' என்பதைக் கிளிக் செய்து உங்கள் வாக்குச்சாவடி எது என்பதையும் தெரிந்து கொள்ளலாம்.

2. 'Voter Helpline' செயலி (App) மூலமாக:

• உங்கள் ஸ்மார்ட்போனில் Voter Helpline செயலியைப் பதிவிறக்கம் செய்யவும்.
• செயலியைத் திறந்து 'Search Your Name in Electoral Roll' என்பதைத் தேர்ந்தெடுக்கவும்.
• EPIC எண் அல்லது தனிப்பட்ட விவரங்களை அளித்து உங்கள் பெயரைக் கண்டறியலாம்.

முக்கிய குறிப்புகள்:

பெயர் இல்லையென்றால்: ஒருவேளை உங்கள் பெயர் பட்டியலில் இல்லை என்றால், படிவம் 6 (Form 6) மூலம் புதிய வாக்காளராகப் பதிவு செய்ய விண்ணப்பிக்கலாம்.

திருத்தங்கள்: பெயரில் பிழை அல்லது முகவரி மாற்றம் இருந்தால், ஆன்லைன் மூலமாகவே திருத்தங்களை மேற்கொள்ள முடியும்.

நினைவில் வைக்கவேண்டியவை: வாக்காளர் அடையாள அட்டை கையில் இருந்தாலும், வாக்காளர் பட்டியலில் பெயர் இருந்தால் மட்டுமே உங்களால் வாக்களிக்க முடியும். எனவே முன்கூட்டியே சரிபார்த்துவிடுவது நல்லது.