மோடி முதல் விஜய் வரை.. எந்த தலைவர்கள் எங்கு பிரச்சாரம்? இதோ முழு விவரம்

TN Election 2026 Campaign Today: தேர்தலுக்கு இன்னும் ஒரு வாரமே உள்ள நிலையில், தமிழ்நாட்டில் எந்த கட்சித் தலைவர்கள் எங்கு பரப்புரை செய்கின்றனர்? என்பதை கீழே காணலாம்.

பிரதமர் மோடி - முதலமைச்சர் மு.க.ஸ்டாலின் - விஜய்

Source : twitter

TN Election 2026 Campaign Today: தமிழ்நாட்டில் சட்டமன்ற தேர்தல் வரும் 23ம் தேதி நடைபெற உள்ளது. வாக்குப்பதிவிற்கு இன்னும் ஒரு வார காலமே இருப்பதால் ஒவ்வொரு கட்சியினரும் தீவிர பரப்புரையில் ஈடுபட்டு வருகின்றனர்.

இந்த சூழலில், இன்று எந்த அரசியல் கட்சித் தலைவர் எங்கு பரப்புரை மேற்கொள்கின்றனர் என்பதை கீழே விரிவாக காணலாம்?

1. பிரதமர் மோடி:

பிரதமர் மோடி பாஜக இடம்பிடித்துள்ள அதிமுக கூட்டணிக்கு ஆதரவாக இன்று மதியம் 3 மணிக்கு நாகர்கோயிலில் பரப்புரை மேற்கொள்கிறார். மேலும், நாகர்கோயிலில் சாலைவலமும் வருகிறார்.

2.மு.க.ஸ்டாலின்:

முதலமைச்சர் மு.க.ஸ்டாலின் இன்று மாலை 5 மணிக்கு தருமபுரியில் பரப்புரையில் ஈடுபடுகிறார். இன்று காலை பாலக்கோட்டில் நடைபயிற்சி மேற்கொண்டு வாக்கு சேகரித்தார். இரவு 7 மணிக்கு சேலம் கோட்டை மைதானத்தில் பரப்புரை

3. சீமான்:

நாம் தமிழர் ஒருங்கிணைப்பாளர் சீமான் புதுக்கோட்டை, ஆலங்குடி, பட்டுக்கோட்டை, பேராவூரணி, மன்னார்குடி, ஒரத்தநாடு, திருத்துறைப்பூண்டி, வேதாரண்யத்தில் பரப்புரை செய்கிறார்.

4. விஜய்:

தவெக தலைவர் விஜய் இன்று மாலை 4 மணிக்கு சென்னை தி.நகரில் பரப்புரையில் ஈடுபடுகிறார். பின்னர், சேப்பாக்கம் திருவல்லிக்கேணி மற்றும் எழும்பூர் தொகுதியில் பரப்புரை செய்கிறார்.

5. உதயநிதி ஸ்டாலின்:

துணை முதலமைச்சர் உதயநிதி ஸ்டாலின் ஒட்டப்பிடாரம், கோவில்பட்டி, வாசுதேவநல்லூர், ஸ்ரீவில்லிபுத்தூர், சாத்தூர், விருதுநகர், திருமங்கலம் ஆகிய இடங்களில் பரப்புரை செய்கிறார்.

6. வைகோ:

மதிமுக பொதுச்செயலாளர் சீர்காழியில் பரப்புரை செய்கிறார்.

7. பிரேமலதா விஜயகாந்த்:

தேமுதிக பொதுச்செயலாளர் பிரேமலதா விஜயகாந்த் விருத்தாச்சலம் தொகுதியில் போட்டியிடுகிறார்.

8. சண்முகம்:

மார்க்சிஸ்ட் மாநில செயலாளர் சண்முகம் திருவொற்றியூர், ஆவடியில் பரப்புரை மேற்கொள்கிறார்.

9. கனிமொழி:

துறைமுகம், எழும்பூர், மயிலாப்பூர் தொகுதியில் கனிமொழி பரப்புரையில் ஈடுபடுகிறார்.

10. அன்புமணி ராமதாஸ்:

பாமக தலைவர் அன்புமணி ராமதாஸ் அரூர் தொகுதியின் கம்பைநல்லூர், பாப்பிரெட்டிபட்டி தொகுதியின் கடத்தூர், தர்மபுரி தொகுதியின் நல்லம்பள்ளி, இண்டூர்,  பாலக்கோட்டில் பரப்புரை மேற்கொள்கிறார்.

11.திருமாவளவன்:

விசிக தலைவர் திருமாவளவன் குறிஞ்சிப்பாடி தொகுதியில் பரப்புரை செய்கிறார். 

எடப்பாடி பழனிசாமி உள்ளிட்ட அதிமுக தலைவர்கள் பிரதமர் மோடி பங்கேற்கும் பரப்புரை பொதுக்கூட்டத்தில் பங்கேற்று பேசுகின்றனர்.