திருச்சி மாநகராட்சி : 65 வார்டுகளுக்கு 718 பேர் வேட்புமனு தாக்கல் செய்துள்ளனர்
திருச்சி மாவட்டத்தை பொறுத்தவரை 401 வார்டுகளுக்கு மொத்தம் 2, 284 பேர்கள் வேட்புமனு தாக்கல் செய்துள்ளனர்.
தமிழ்நாடு மாநில தேர்தல் ஆணையம், அனைத்து மாநகராட்சிகள், நகராட்சிகள், பேரூராட்சிகளுக்கான தேர்தல்கள் குறித்த அறிவிப்பை கடந்த 26 ஆம் தேதி வெளியிட்டது. இதன்படி திருச்சி மாவட் டத்தில், திருச்சி மாநகராட்சி, மணப்பாறை, துவாக்குடி, துறையூர், லால்குடி, முசிறி ஆகிய 5 நகராட்சிகள், பாலகிருஷ்ணம்பட்டி, கல்லக்குடி, காட்டுப்புத்தூர், கூத்தைப்பார், மண்ணச்சநல்லூர், மேட்டுப்பாளையம், பொன்னம்பட்டி, புள்ளம்பாடி, பூவாளுர், ச.கண்ணனூர், சிறுகமணி, தொட்டியம், தாத்தையங்கார்பேட்டை, உப்பிலியபுரம் ஆகிய 14 பேரூராட்சிகளுக்கு தேர்தல் நடைபெறவுள்ளது. இதனை தொடர்ந்து கடந்த மாதம் 28 ஆம் தேதி முதல் வேட்புமனு தாக்கல் தொடங்கி 4 ஆம் தேதியுடன் முடிந்தது. திருச்சி மாவட்டத்தை பொருத்தவரை நகர்ப்புற உள்ளாட்சி தேர்தலுக்காக 20 தேர்தல் நடத்தும் அலுவலர்கள், 53 உதவி தேர்தல் நடத்தும் அலுவலர்கள் நியமிக்கப்பட்டுள்ளனர். திருச்சி மாநகராட்சியில் 5 நகராட்சிகள் மற்றும் 14 பேரூராட்சிகள் என 401 வார்டுகளில் 1, 262 வாக்குசாவடி மையம் அமைக்கப்பட்டுள்ளது. திருச்சி மாவட்டத்தில் மொத்த வாக்காளர்களின் எண்ணிக்கை 10,58,674 பேர்கள் உள்ளனர். இதில் ஆண்கள் 512632 பேர்களும் , பெண்கள் 545867 பேர்களும், மூன்றாம் பாலினம் 175 பேர்களும் உள்ளனர்.
நகர்ப்புற உள்ளாட்சித் தேர்தல் வருகிற 19ம் தேதியும் நடைபெற உள்ளது. இதனை தொடர்ந்து வேட்புமனு தாக்கல் செய்ய வேட்பாளர்கள் அதிக அளவில் ஆர்வமாக வேட்புமனு தாக்கல் செய்தனர். திருச்சி மாநகராட்சியில் 65 பேர் பதவிக்கு 718 பேர் போட்டியிட உள்ளனர். நகர்ப்புற உள்ளாட்சித் தேர்தல் வேட்புமனு தாக்கல் இறுதி நாளான நேற்று 384 பேர் வேட்புமனு தாக்கல் செய்துள்ளனர். மேலும் 65 வார்டு உறுப்பினர் பதவிக்கு 718 பேர் வேட்புமனு தாக்கல் செய்துள்ளனர். நகராட்சியில் 676 பேரும் பேரூராட்சியில் 896 பேரும் மனுதாக்கல் செய்துள்ளனர். திருச்சி மாவட்டத்தில் மாநகராட்சி, நகராட்சி, பேரூராட்சிகளில் மொத்தம் 2,284 பேர் மனுதாக்கல் செய்துள்ளனர் என்பது குறிப்பிடதக்கது.
திருச்சி மாவட்டத்தை பொறுத்தவரை வேட்பு மனு தாக்கல் தொடங்கிய முதல் நாள் யாரும் வேட்பு மனுதாக்கல் செய்யவில்லை, பின்பு தமிழகத்தில் முக்கிய பிரதான கட்சிகளான அதிமுக, திமுக, பாஜக, காங்கிரஸ், மதிமுக, விசிக, இரு கம்யூனிஸ்ட் கட்சி, விஜய் மக்கள் இயக்கம் என அனைவரும் வேட்பாளர்களை இறுதி செய்தபிறகு வேட்புமனு தாக்கல் செய்தனர். மேலும் சுயேட்சை வேட்பாளர்கள் அனைவரும் அடுத்த அடுத்த நாட்களில் வேட்புமனு தாக்கல் செய்ய தொடங்கினர். இந்நிலையில் வேட்புமனு தாக்கல் செய்ய வருபவர்கள் இரண்டு பேர்கள் மட்டும் அனுமதிக்கபடும் என்று தேர்தல் ஆணையம் தெரிவித்துள்ளனர். இதனை தொடர்ந்து தேர்தல் விதிமுறைகளை கட்டாயமாக கடைபிடிக்கபடுகிறதா என கண்காணிப்பு அதிகாரிகள் தொடர்ந்து ஆய்வில் ஈடுபட்டனர். மேலும் வேட்புமனு தாக்கல செய்யும் இடங்களை ஆய்வு செய்த மாவட்ட தேர்தல் நடத்தும் அலுவலர் சிவராசு இதுவரை மாவட்டத்தில் தேர்தல் விதிமுறைகளை மீறியதாக புகார்கள் எதுவும் வரவில்லை என்றார். புகார்கள் வரும்பட்சத்தில் சட்டரீதியாக நடவடிக்கை எடுக்கபடும் என்றார்.
தலைப்பு செய்திகள்
ட்ரெண்டிங் செய்திகள்
