CSE 2025: ஐஏஎஸ் ஆகலாமா? யூபிஎஸ்சி சிவில் சர்வீஸ் தேர்வு தேதி அறிவிப்பு; இன்று முதல் பிப்.11 வரை விண்ணப்பிக்கலாம்- எப்படி?
CSE 2025 Date: சிவில் சர்வீஸ் தேர்வுக்குத் தேர்வர்கள் இன்று முதல் பிப்ரவரி 11ஆம் தேதி வரை விண்ணப்பிக்கலாம். 979 காலி இடங்களை நிரப்ப இந்தத் தேர்வு நடத்தப்படுகிறது.
Civil Services Examination (CSE) 2025: இந்திய ஆட்சிப் பணிகளில் சேர நடத்தப்படும் சிவில் சர்வீஸ் தேர்வு தேதிகளை இன்று யூபிஎஸ்சி அறிவித்துள்ளது. இதற்குத் தேர்வர்கள் இன்று முதல் பிப்ரவரி 11ஆம் தேதி வரை விண்ணப்பிக்கலாம். 979 காலி இடங்களை நிரப்ப இந்தத் தேர்வு நடத்தப்படுகிறது. மே 25ஆம் தேதி முதல்நிலைத் தேர்வு நடத்தப்பட உள்ளதாகத் தெரிவிக்கப்பட்டு உள்ளது.
3 கட்டங்களாக நடைபெறும் தேர்வு
நாடு முழுவதும் மத்திய அரசின் ஆட்சிப் பணிகளில் சேர யூபிஎஸ்சி பல்வேறு வகையான போட்டித் தேர்வுகளை நடத்துகிறது. இந்தத் தேர்வில், ஐஏஎஸ், ஐபிஎஸ், ஐஎஃப்எஸ் உள்ளிட்ட பணியிடங்களுக்காக நடத்தப்படும் சிவில் சர்வீஸ் தேர்வு முக்கியமானதாகவும் மதிப்பு வாய்ந்ததாகவும் கருதப்படுகிறது. இந்தத் தேர்வு முதல்நிலை, முதன்மைத் தேர்வு, நேர்காணல் என 3 கட்டங்களாக நடத்தப்படுகிறது. இதில் எந்தத் தேர்வில் தோல்வி அடைந்தாலும் மீண்டும் முதலில் இருந்து எழுத வேண்டும்.
ஆகஸ்ட் மாதம் வெளியான அட்டவணை
முன்னதாக 2024 ஏப்ரல் மாதம் 25ஆம் தேதி ஆண்டு அட்டவணை வெளியிடப்பட்ட நிலையில், ஆகஸ்ட் மாதத்தில் திருத்தப்பட்ட அட்டவணை வெளியிடப்பட்டது. தேர்வர்கள் https://upsc.gov.in/sites/default/files/RevisedAnnualCalendar-2025-Engl-220824.pdf என்ற இணைப்பை க்ளிக் செய்து, எந்தெந்த தேதிகளில் என்னென்ன தேர்வுகள் என்பதை அறிந்துகொள்ளலாம்.
இந்த நிலையில் 2025ஆம் ஆண்டு முதல்நிலைத் தேர்வு நடைபெறும் தேதி அறிவிக்கப்பட்டு உள்ளது. இதன்படி, மே 25ஆம் தேதி முதல்நிலைத் தேர்வு நடத்தப்பட உள்ளது. இதற்கான விண்ணப்பப் பதிவு இன்று (ஜன.22) தொடங்கி உள்ளது. தேர்வர்கள் பிப்.11 வரை விண்ணப்பிக்கலாம். பிப்ரவரி 18ஆம் தேதி வரை விண்ணப்பப் படிவங்களில் திருத்தங்கள் மேற்கொள்ளலாம்.
விண்ணப்பிப்பது எப்படி?
- தேர்வர்கள் http://upsconline.gov.in என்ற இணைப்பை க்ளிக் செய்யவும்.
- தொடர்ந்து ஒரு முறை விண்ணப்பப் பதிவு (OTR) தளத்தில் விண்ணப்பிக்க வேண்டும்.
- ஏற்கெனவே விண்ணப்பித்தவர்கள், தேவையான விவரங்களைப் பூர்த்தி செய்ய வேண்டும்.
- தொடர்ந்து விண்ணப்பக் கட்டணத்தைச் செலுத்தி விண்ணப்பிக்கலாம்.
https://upsc.gov.in/content/important-notice-cse-and-ifos-examination-2025 என்ற இணைப்பில் தேர்வு தொடர்பான விவரங்கள் அனைத்தும் கொடுக்கப்பட்டு உள்ளன.
தேர்வர்களின் உதவிக்கு
தேர்வர்கள் ஏதேனும் உதவி, சந்தேகம், விளக்கம் ஆகியவற்றைத் தீர்க்க யூபிஎஸ்சி மையத்தின் சி வாயிலுக்கு நேரடியாகச் சென்று காணலாம். அல்லது, 011- 23385271 / 011-23381125 / 011- 23098543 என்ற தொலைபேசி எண்களைத் தொடர்பு கொள்ளலாம்.
கூடுதல் விவரங்களுக்கு: www.upsc.gov.in
தலைப்பு செய்திகள்
ட்ரெண்டிங் செய்திகள்
