மே 19 முதல் 10, 11ஆம் வகுப்பு மார்க் ஷீட்; 20 முதல் விடைத்தாள் நகல்- பெறுவது எப்படி?

துணைத் தேர்விற்கு பள்ளி மாணவர்கள்‌ தாங்கள்‌ பயின்ற பள்ளிகள்‌ வாயிலாகவும்‌, தனித் தேர்வர்கள்‌ அரசுத் தேர்வுகள்‌ இயக்கக சேவை மையங்களிலும்‌ 22.05.2025 முதல்‌ 06.06.2025 வரை விண்ணப்பிக்கலாம்‌.

மாணவர்கள் | கோப்புப்படம்

Source : சிறப்பு ஏற்பாடு

10 மற்றும் 11ஆம் வகுப்பு மாணவர்களுக்கு மே 19ஆம் தேதி முதல் தற்காலிக மதிப்பெண் சான்றிதழ் வழங்கப்படும் என்றும் மே 20 முதல் விடைத்தாள் கோரி விண்ணப்பிக்கலாம் எனவும் அரசுத் தேர்வுகள் இயக்ககம் அறிவித்துள்ளது.

2025ஆம் கல்வி ஆண்டுக்கான 10ஆம் வகுப்புப் பொதுத்தேர்வு முடிவுகள் இன்று (மே 16) வெளியான நிலையில், இதில் 93.80% தேர்ச்சி விகிதம் பதிவாகி உள்ளது. இவர்களுக்கான மதிப்பெண் பட்டியல், விடைத்தாள் நகல் ஆகியவை வெளியிடப்படும் தேதி குறித்த விவரம் வெளியாகி உள்ளது. அதேபோல துணைத் தேர்வு குறித்த அறிவிப்பும் வெளியிடப்பட்டுள்ளது. 

இதுகுறித்து டிஜிஇ எனப்படும் அரசுத் தேர்வுகள் இயக்ககம் கூறி உள்ளதாவது:

மார்ச்‌ / ஏப்ரல்‌ – 2025-ல் நடைபெற்ற பத்தாம்‌ வகுப்பு மற்றும்‌ மேல்நிலை முதலாமாண்டு (+1) பொதுத்தேர்வு தற்காலிக மதிப்பெண்‌ சான்றிதம்‌ / மதிப்பெண்‌ பட்டியல்‌ வழங்குதல்‌/விடைத்தாள்‌ நகல்‌ கோரி விண்ணப்பித்தல்‌ / ஜூலை 2025 துணைத்தேர்வுகள்‌ நடத்துதல்‌ குறித்த அறிவிப்புகளை வெளியிட்டுள்ளது. ‌

பத்தாம்‌ வகுப்பு மாணாக்கர்களுக்கு மேல்நிலைக் கல்விக்கு விண்ணப்பிக்கத்‌ தேவையான தற்காலிக மதிப்பெண்‌ சான்றிதழ்‌ (Provisional Certificate) மற்றும்‌ மேல்நிலை முதலாமாண்டு (+1) மாணாக்கர்களுக்கு மதிப்பெண்‌ பட்டியல் (Statement of Marks) ஆகியவற்றை 19.05.2025 முதல்‌ www.dge.tn.gov.in இணையதளத்தில்‌பதிவிறக்கம்‌ செய்து கொள்ளலாம்‌.

மே 20 முதல் 24 வரை விண்ணப்பிக்கலாம்

பத்தாம்‌ வகுப்பு மற்றும்‌ மேல்நிலை முதலாமாண்டு மாணாக்கர்கள்‌ தங்களது விடைத்தாள்‌ நகல்‌ கோரி (copy of Answer sheets) 20.05.2025 முதல்‌ 24.05.2025 வரை தாங்கள்‌ பயின்ற பள்ளியின்‌ வாயிலாக விண்ணப்பிக்கலாம்‌.

* தேர்வில்‌ தேர்ச்சி பெறாத /வருகை புரியாத மாணாக்கர்களின்‌ எதிர்கால நலன் கருதி பத்தாம்‌ வகுப்பு மற்றும்‌ மேல்நிலை முதலாமாண்டு துணைத் தேர்வினை 04.07.2025 முதல்‌ நடத்திட திட்டமிடப்பட்டுள்ளது. இத்தேர்விற்கான கால அட்டவணை 16.05.2025 அன்று வெளியிடப்படும்‌.

துணைத் தேர்வுக்கு விண்ணப்பிப்பது எப்படி?

* துணைத் தேர்விற்கு பள்ளி மாணாக்கர்கள்‌ தாங்கள்‌ பயின்ற பள்ளிகள்‌ வாயிலாகவும்‌ தனித் தேர்வர்கள்‌ அரசுத் தேர்வுகள்‌ இயக்கக சேவை மையங்களிலும்‌ 22.05.2025 முதல்‌ 06.06.2025 வரை விண்ணப்பிக்கலாம்‌ என்று அரசுத் தேர்வுகள் இயக்ககம் தெரிவித்துள்ளது.

கூடுதல் விவரங்களுக்கு: https://www.dge.tn.gov.in/