மேலும் அறிய

TANCET 2026: எம்இ, எம்பிஏ, எம்சிஏ படிப்புகளில் சேரணுமா? டான்செட், சீட்டா தேர்வுகளுக்கு விண்ணப்பிக்க இன்றே கடைசி!

TANCET 2026 Registration: டான்செட், சீட்டா நுழைவுத் தேர்வுகளை எழுத விண்ணப்பப் பதிவு மார்ச் 16ஆம் தேதி தொடங்கிய நிலையில், இதற்கு விண்ணப்பிக்க இன்றே (ஏப்ரல் 10ஆம் தேதி) கடைசித் தேதி ஆகும்.

Written By : க.சே.ரமணி பிரபா தேவி | Updated at : 10 Apr 2026 11:58 AM (IST)

டான்செட், சீட்டா தேர்வு

தமிழகத்தில் உள்ள அரசு, தனியார் பொறியியல் கல்லூரிகள், கலை அறிவியல் கல்லூரிகளில் கற்பிக்கப்படும் முதுநிலைப் படிப்புகளில் சேர தமிழ்நாடு பொது நுழைவுத் தேர்வு நடத்தப்படுகிறது. இந்தத் தேர்வு டான்செட் (TANCET) என்று அழைக்கப்படுகிறது. பொறியியல் முதுகலைப் படிப்புகளான எம்.இ., எம்டெக், எம்ஆர்க், மேலாண்மை முதுகலையான எம்பிஏ, கணினி முதுகலைப் படிப்பான எம்சிஏ போன்ற படிப்புகளில் சேர இந்த டான்செட் தேர்வு நடத்தப்படுகிறது.

தேர்வு எப்போது?

இந்தத் தேர்வை ஆண்டுதோறும் அண்ணா பல்கலைக்கழகம் நடத்தி வருகிறது. 2026ஆம் ஆண்டில் நடைபெறும் டான்செட், சீட்டா தேர்வுகள் மே மாதம் 9 மற்றும் 10ஆம் தேதிகளில் நடைபெறும் என்று தெரிவிக்கப்பட்டுள்ளது.

டான்செட் தேர்வு மே 9ஆம் தேதி நடைபெற உள்ளது. அன்று காலை 10 முதல் 12 மணி வரை எம்.சிஏ படிப்பிற்கான நுழைவுத் தேர்வு நடைபெறும். அதேநாள் மதியம் 2.30 மணி முதல் 4.30 மணி வரை எம்.டெக்., எம்.இ, எம்.ஆர்க்., எம்.பிளான். படிப்புகளுக்கான நுழைவுத் தேர்வு நடைபெறுகிறது. அதே நேரத்தில் மே 10ஆம் தேதி சீட்டா படிப்புகளுக்கான நுழைவுத் தேர்வு நடைபெறுகிறது.

இந்த நிலையில் 2026ஆம் ஆண்டுக்கான டான்செட், சீட்டா நுழைவுத் தேர்வுகளை எழுத விண்ணப்பப் பதிவு மார்ச் 16ஆம் தேதி தொடங்கிய நிலையில், இதற்கு விண்ணப்பிக்க இன்றே (ஏப்ரல் 10ஆம் தேதி) கடைசித் தேதி ஆகும்.

தேர்வுக் கட்டணம் எவ்வளவு?

டான்செட் தேர்வு

பொதுப் பிரிவு- ரூ.1000

எஸ்சி, எஸ்டி, எஸ்சிஏ பிரிவு - ரூ.500

சீட்டா தேர்வு (CEETA-PG)

பொதுப் பிரிவு- ரூ.1000

எஸ்சி, எஸ்டி, எஸ்சிஏ பிரிவு - ரூ.500

யாரெல்லாம் விண்ணப்பிக்க முடியாது?

தொலைதூரக் கல்வித் திட்டத்தின் மூலம் B.E, B.Tech., Degree தேர்ச்சி பெற்றவர்கள் இந்தத் தேர்விற்கு விண்ணப்பிக்க முடியாது என அண்ணா பல்கலைக்கழகம் தெரிவித்து உள்ளது குறிப்பிடத்தக்கது.

இதுதொடர்பான விரிவான விவரங்களை https://tancet.annauniv.edu/tancet/Information%20Brochure%202026.pdf என்ற அறிவிக்கையில் காணலாம். https://tancet.annauniv.edu/tancet/ALL.pdf என்ற இணைப்பில் டான்செட் தேர்வு குறித்த விவரங்கள் அளிக்கப்பட்டு உள்ளன.

கூடுதல் தகவல்களுக்கு: 044-22358289 / 044-22358314 (10.00 AM to 6.00 PM)

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.

Published at : 10 Apr 2026 11:58 AM (IST)

Tags :

TANCET CEETA