10th Result School Wise: 10 ஆம் வகுப்பு பொதுத்தேர்வு முடிவுகள்: தேர்ச்சி விகிதத்தில் அரசுப்பள்ளிகளை முந்திய தனியார் பள்ளிகள்!

TN 10th Results 2024 School Wise Pass Percentage: 10 ஆம் வகுப்பு பொதுத்தேர்வு முடிவுகள் வெளியான நிலையில் அரசு, அரசு உதவிபெறும், தனியார் பள்ளிகளின் தேர்ச்சி விகிதம் பற்றி விரிவாக பார்க்கலாம்.

10 ஆம் வகுப்பு தேர்வு முடிவுகள்

 

10 ஆம் வகுப்பு பொதுத்தேர்வு முடிவுகள் வெளியான நிலையில் அரசு பள்ளிகள் 87.90 சதவீதம் தேர்ச்சி பெற்றுள்ளது. 

1.	அரசு பள்ளிகள்	87.90%
2.	அரசு உதவு பெறும் பள்ளிகள்	91.77%
3.	தனியார் சுயநிதி பள்ளிகள்	97.43%
4.	இருபாலர் பள்ளிகள்	91.93%
5.	பெண்கள் பள்ளிகள்	93.80
6.	ஆண்கள் பள்ளிகள்	83.17%

தமிழகத்தில் மாநில பாடத்திட்டத்தின் கீழ் பயின்ற 10-ம் வகுப்பு மாணவர்களுக்கான பொதுத்தேர்வுகள், கடந்த மார்ச் மாதம் 26ம் தேதி தொடங்கி ஏப்ரல் 8 ஆம் தேதி வரை நடைபெற்றது. இதில் 12,616 பள்ளிகளைச் சேர்ந்த  8,94,264 மாணவ, மாணவியர் எழுதினர். மாணவிகளின் எண்ணிக்கை: 4,47,061 மாணவர்களின் எண்ணிக்கை: 4,47,203

அதோடு, 28 ஆயிரத்து 827 தனித்தேர்வர்கள், 235 சிறைவாசிகள் பொதுத்தேர்வை எழுதினர். இந்த தேர்வானது, 4 ஆயிரத்து 107 மையங்களில் நடைபெற்றது. இதையடுத்து விடைத்தாள்களை திருத்தும் பணிகள் அனைத்தும் நிறைவடைந்த நிலையில், இன்று காலை 9.30 மணியளவில் சென்னை டி.பி.ஐ  வளாகத்தில் இருக்கும் அரசு தேர்வுகள் மையத்தில் 10 ஆம் வகுப்பு பொதுத்தேர்வு முடிவுகள் வெளியிடப்பட்டுள்ளது.

முடிவுகளை, http://tnresults.nic.in  அல்லது http://dge.tn.gov.in  ஆகிய இணையதள முகவரிகள் வாயிலாக மாணவர்கள் வீட்டிலிருந்தபடியே தெரிந்துகொள்ளலாம். அதேபோல்,  மாணவர்கள் ஏற்கனவே பதிவு செய்துள்ள செல்போன் எண்ணுக்கு தேர்வு முடிவுகள் குறுஞ்செய்தி மூலம் அனுப்பி வைக்கப்பட்டது.

9 லட்சத்து 10 ஆயிரத்து 24 பேரில் 8.18 லட்சம் மாணவர்கள் தேர்ச்சி பெற்றுள்ளனர். கடந்த ஆண்டு 10ம் வகுப்புபொதுத்தேர்வில் 91.39% மாணாக்கர்கள் தேர்ச்சி பெற்று இருந்த நிலையில், நடப்பாண்டில் 91.55 சதவிகிதம் பேர் தேர்ச்சி பெற்றுள்ளனர். கடந்த ஆண்டை காட்டிலும் 0.16 % கூடுதலாக தேர்ச்சி பெற்றுள்ளனர்.