TN 10th Hall Ticket: 10ஆம் வகுப்பு பொதுத்தேர்வு: நாளை முதல் ஹால்டிக்கெட்- பெறுவது எப்படி?

Tamil Nadu 10th Hall Ticket 2024: பத்தாம் வகுப்பு பொதுத்தேர்வு எழுத உள்ள தனித் தேர்வர்கள் நாளை முதல் (பிப்ரவரி 24) தேர்வுக்கூட நுழைவுச் சீட்டுகளை பதிவிறக்கம் செய்யலாம்.

மாணவர்கள் | கோப்புப்படம்

பத்தாம் வகுப்பு பொதுத்தேர்வு எழுத உள்ள தனித் தேர்வர்கள் நாளை முதல் (பிப்ரவரி 24) தேர்வுக்கூட நுழைவுச் சீட்டுகளை பதிவிறக்கம் செய்யலாம் என அரசுத் தேர்வுகள் இயக்ககம் அறிவிப்பு வெளியிட்டுள்ளது.

இதுகுறித்து அரசுத்‌ தேர்வுகள்‌ இயக்ககம்‌ கூறி உள்ளதாவது:

’’நடைபெற உள்ள 2024ஆம் ஆண்டு மார்ச்‌/ ஏப்ரல்‌ மாதத்தில் நடைபெற உள்ள பத்தாம்‌ வகுப்பு பொதுத் தேர்வுக்கு, ஆன்‌லைன்‌ மூலம்‌ விண்ணப்பித்த தனித்தேர்வர்கள்‌ (தட்கல்‌ உட்பட) தேர்வுக்கூட நுழைவுச் சீட்டுகளை நாளை 24.02.2024 (சனிக்கிழமை) பிற்பகல்‌ 2 மணி முதல்‌ பதிவிறக்கம்‌ செய்து கொள்ளலாம்‌. https://www.dge.tn.gov.in/ என்ற இணையதளத்துக்குச் சென்று ஹால் டிக்கெட்டைப் பெறலாம்.

பத்தாம்‌ வகுப்பு பொதுத்‌ தேர்வு எழுதும்‌ தனித்தேர்வர்களுக்கான தேர்வுக்கூட நுழைவுச்‌ சீட்டுகளை பதிவிறக்கம்‌ செய்யும்‌ முறை

தனித் தேர்வர்கள் www.dge.tn.gov.in என்ற இணையதளத்திற்குச்‌ சென்று "HALL TICKET" என்ற வாசகத்தினை க்ளிக் செய்தால்‌ ஒரு பக்கம் தோன்றும்‌. அதில் உள்ள SSLC PUBLIC EXAMINATION MARCH / APRIL-2024 - HALL TICKET DOWNLOAD" என்ற வாசகத்தினை க்ளிக் செய்யவும். அதில் தோன்றும்‌ பக்கத்தில்‌, தங்களது விண்ணப்ப எண் (Application Number) / நிரந்தரப்‌ பதிவெண்‌ மற்றும்‌ பிறந்த தேதியினைப் பதிவு செய்து, தேர்வுக்கூட நுழைவுச் சீட்டினை பதிவிறக்கம்‌ செய்து கொள்ளலாம்‌.

செய்முறைத்‌ தேர்வுகளுக்கு எப்போது?

மார்ச்‌/ ஏப்ரல்‌ 2024 பத்தாம்‌ வகுப்பு பொதுத்தேர்வு அறிவியல்‌ பாட செய்முறைத்‌ தேர்வுகள் (Science Practical Examinations) 26.02.2024 முதல்‌ 28.02.2024 வரை, அறிவியல்‌ பாட செய்முறை பயிற்சி வகுப்புகள்‌ நடைபெற்ற பள்ளிகளிலேயே நடைபெற உள்ளன. அறிவியல்‌ பாட செய்முறைத் தேர்வுக்கான தேதி குறித்த விவரத்தை தனித்தேர்வர்கள்‌ செய்முறைப்‌ பயிற்சி பெற்ற பள்ளி தலைமை ஆசிரியரை அணுகி அறிந்துக்கொள்ள வேண்டும்‌. உரிய தேர்வுக்கூட அனுமதிச் சீட்டின்றி எந்த ஒரு தேர்வரும்‌ தேர்வெழுத அனுமதிக்கப்பட மாட் டார்கள்‌.

மார்ச்‌/ ஏப்ரல்‌ 2024 பொதுத் தேர்விற்கான கால அட்டவணையை, https://www.dge.tn.gov.in/ என்ற இணையதளத்திற்கு சென்று அறிந்துகொள்ளலாம்‌.

பொதுத் தேர்வு எப்போது?

10ஆம் வகுப்பு மாணவர்களுக்கு இன்று (பிப்ரவரி 23) செய்முறைத் தேர்வுகள் தொடங்கி உள்ளன. இவர்களுக்கு 29ஆம் தேதி வரை செய்முறைத் தேர்வுகள் நடைபெற உள்ளன. இவர்களுக்கான பொதுத்தேர்வு மார்ச் 26ஆம் தேதி தொடங்கி ஏப்ரல் 8ஆம் தேதி வரை நடைபெற உள்ளது. மக்களவைத் தேர்தலைக் கருத்தில் கொண்டு, முன்கூட்டியே தேர்வு நடைபெற உள்ளது. 

கூடுதல் தகவல்களுக்கு: https://www.dge.tn.gov.in/