மேலும் அறிய

NEET Exam: மே 5-ல் நீட் தேர்வு; நாடு முழுவதும் 24 லட்சம் மாணவர்கள் விண்ணப்பம்; தமிழகத்தில் எவ்வளவு?

நீட் தேர்வுக்கு நாடு முழுவதும் 23 லட்சத்து 81,833 பேர் விண்ணப்பித்துள்ளதாக தகவல் வெளியாகி உள்ளது.

By : மாய நிலா | Updated at : 25 Mar 2024 12:26 PM (IST)

நீட் தேர்வு

மருத்துவப் படிப்புகளில் சேர நடத்தப்படும் இளநிலை நீட் தேர்வு மே 5ஆம் தேதி நடைபெற உள்ள நிலையில், தேர்வை எழுத சுமார் 23.8 லட்சம் மாணவர்கள் விண்ணப்பித்துள்ளதாகத் தகவல் வெளியாகி உள்ளது.

நாடு முழுவதும் எம்பிபிஎஸ் (பொது மருத்துவம்), பிடிஎஸ் (பல் மருத்துவம்), பிஎஸ்எம்எஸ் (சித்த மருத்துவம்), ஆயுர்வேதம், யுனானி, ஓமியோபதி உள்பட இளங்கலை மருத்துவப் படிப்புகளுக்கும் முதுகலை மருத்துவப் படிப்புகளுக்கும் தேசிய அளவில் நுழைவுத் தேர்வு நடத்தப்பட்டு வருகிறது. இந்தத் தேர்வு தேசிய தகுதி மற்றும் நுழைவுத் தேர்வு (சுருக்கமாக நீட் தேர்வு) என அழைக்கப்படுகிறது. ஆண்டுக்கு ஒரு முறை நடைபெறும் இந்த நுழைவுத் தேர்வை, என்டிஏ எனப்படும் தேசியத் தேர்வுகள் முகமை நடத்துகிறது.

இதற்கிடையே நீட் தேர்வுக்கான விண்ணப்பப் பதிவு, கடந்த பிப்ரவரி 9-ம் தேதி தொடங்கிய நிலையில், மார்ச் 16-ம் தேதியுடன் முடிவு பெற்றது. இதற்கு நாடு முழுவதும் 23 லட்சத்து 81,833 பேர் விண்ணப்பித்துள்ளதாக தகவல் வெளியாகி உள்ளது.

உ.பி.யில்தான் அதிகம்

இதில் மாணவர்களைக் காட்டிலும் மாணவிகளே அதிகம் உள்ளனர். மாணவர்கள் 10 லட்சத்து 18,593 பேரும், மாணவிகள் 13 லட்சத்து 63,216 பேரும் உள்ளனர். மாற்றுப் பாலின மாணவர்கள் 24 பேரும் விண்ணப்பித்துள்ளனர். மாநிலங்கள் வரிசையில் அதிகபட்சமாக உத்தரப் பிரதேசத்தில் 3 லட்சத்து 39,125 பேர் விண்ணப்பப் பதிவு செய்துள்ளதாகவும் தகவல் வெளியாகி உள்ளது.

தமிழ்நாட்டில் எத்தனை மாணவர்கள் விண்ணப்பம்?

இந்த எண்ணிக்கை தமிழகத்தில் 1,55,216 ஆக உள்ளது. ஒவ்வோர் ஆண்டும் முந்தைய ஆண்டைக் காட்டிலும், நீட் தேர்வெழுத அதிக அளவிலான மாணவர்கள் விண்ணப்பித்து வருகின்றனர்.

2022-ம் ஆண்டு நீட் தேர்வெழுத 18 லட்சத்து 72,343 பேரும், 2023-ம் ஆண்டில் 20 லட்சத்து 87,449 பேரும் தேர்வெழுத விண்ணப்பித்தனர். இந்த நிலையில் 2024ஆம் ஆண்டு, எண்ணிக்கை அதிகரித்து 23 லட்சத்து 81,833 மாணவர்கள் நீட் தேர்வுக்கு முன்பதிவு செய்துள்ளனர் என்பது குறிப்பிடத்தக்கது.

இன்று தொடங்கும் நீட் பயிற்சி

இதற்கிடையே தமிழகம் முழுவதும் அரசு, அரசு உதவிபெறும் பள்ளி மாணவர்கௌக்கு இன்று (மார்ச் 25) முதல், நீட் பயிற்சி கல்வி மாவட்ட அளவில் தொடங்கி நடைபெற உள்ளது. இதில் இரு வேளை உணவுடன், போக்குவரத்துக் கட்டணமும் அளிக்கப்படும் என்று தெரிவிக்கப்பட்டுள்ளது.

கூடுதல் தகவல்களுக்கு: https://exams.nta.ac.in/NEET

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.

Read

Published at : 25 Mar 2024 12:26 PM (IST)

Tags :

NTA NEET NEET UG NEET Exam