NEET UG 2026: 2026ம் ஆண்டுக்கான நீட் தேர்வு தேதி அறிவிப்பு.. விண்ணப்பிப்பது எப்படி?

NEET UG 2026 Date: இளநிலை, முதுநிலை மருத்துவ படிப்புகளுக்கு நீட் நுழைவுத்தேர்வு ஒவ்வொரு ஆண்டும் நடத்தப்பட்டு வருகிறது. 2026ம் ஆண்டுக்கான இளநிலை மருத்துவ படிப்புக்கான நீட் தேர்வு தேதி அறிவிக்கப்பட்டுள்ளது.

இளநிலை நீட் தேர்வு

Source : X

நாடு முழுவதும் 2026ம் ஆண்டுக்கான நீட் தேர்வு வரும் மே 3 ஆம் தேதி நடைபெறும் என தேசிய தேர்வு முகமை அதிகாரப்பூர்வமாக அறிவித்துள்ளது. 

நாடு முழுவதும் இளநிலை மற்றும் முதுநிலை மருத்துவ படிப்புகளுக்காக நீட் நுழைவுத்தேர்வு ஒவ்வொரு ஆண்டும் நடத்தப்பட்டு வருகிறது. இதில் இளநிலை மருத்துவ படிப்புகளுக்கான நீட் தேர்வானது ஒவ்வொரு ஆண்டும் மே மாதத்தில் நடத்தப்பட்டு ஜூன் மாதத்தில் முடிவுகள் வெளியாகும். அந்த வகையில் நீட் தேர்வு 2026ம் ஆண்டு மே 3ம் தேதி நடத்தப்படும் என தெரிவிக்கப்பட்டுள்ளது. இந்த தேர்வுக்காக இன்று (பிப்ரவரி 8) முதல் மார்ச் 8ம் தேதி வரை விண்ணப்பிக்கலாம் என கூறப்பட்டுள்ளது. 

📢 NEET (UG) 2026 Alert! 🩺
The National Testing Agency (NTA) has officially invited online applications for NEET (UG) 2026.
🗓️ Registration: Feb 08 – Mar 08, 2026
📝 Exam Date: May 03, 2026
🔗 Apply here: https://t.co/a8BvsDQElp
Don't wait until the last minute! #NEET2026 #NTA… pic.twitter.com/EX9JWYT06w

— National Testing Agency (@NTA_Exams) February 8, 2026

இந்தியா முழுவதும் உள்ள அரசு மற்றும் தனியார் கல்வி நிறுவனங்களில் இளங்கலை மருத்துவ படிப்பில் சேர்வதற்காக நீட் தேர்வானது நடத்தப்படுகிறது. 180  கேள்விகளுக்கு நடத்தப்படும் இந்த தேர்வில் ஒவ்வொரு கேள்விகளுக்கு 4 மதிப்பெண்கள் வழங்கப்படும். ஆஃப் லைன் முறையில் நடத்தப்படும் நீட் தேர்வை எழுத பொதுப்பிரிவினருக்கு ரூ.1700, இதற பிரிவினருக்கு ரூ.1600, மாற்றுத்திறனாளிகள் மற்றும் பட்டியலின மாணவர்களுக்கு ரூ.1000, இந்தியாவிற்கு வெளியே தேர்வு மையங்களை தேர்வு செய்பவர்களுக்கு ரூ.9,500 என கட்டணம் நிர்ணயிக்கப்பட்டுள்ளது.

இந்த நீட் தேர்வானது ஆங்கிலம், இந்தி, அசாமி, பெங்காலி, குஜராத்தி, கன்னடம், மலையாளம், மராத்தி, ஒடியா, பஞ்சாபி, தமிழ், தெலுங்கு, உருது ஆகிய 13 மொழிகளில் நடத்தப்படுகிறது. 

விண்ணப்பிப்பது எப்படி?

• இந்த தேர்வானது மே 3ம் தேதி மதியம் 2 மணி முதல் மாலை 5 மணி வரை நடைபெறும். விண்ணப்பித்தவர்கள் மார்ச் 19ம் தேதி முதல் 12ம் ஆம் தேதிக்குள் ஏதேனும் மாற்றங்கள் இருந்தால் மேற்கொள்ளலாம்.
• https://neet.nta.nic.in/ என்ற தேசிய தேர்வு முகமையின் அதிகாரப்பூர்வ வலைத்தளத்தின் உள்ளே செல்லவும்.
• அதில் கீழே Registration for NEET(UG)-2026 என காட்டப்பட்டிருக்கும் ஆப்ஷனை கிளிக் செய்யவும். அதன்பின் உள்ளே சென்றால் Already registered Candidate வழியாக ஏற்கனவே கடந்த முறை தேர்வு எழுதியவர்களுக்கு விண்ணப்பம் எண் மற்றும் பாஸ்வேர்ட்  கொடுக்கப்பட்டிருக்கும். அதனைப் பயன்படுத்தி உள்ளே நுழைந்து விண்ணப்பிக்கலாம்.
• முதல்முறையாக நீட் எழுதப் போகிறவர்கள் Register yourself NEET (UG) 2026 என்ற ஆப்ஷனை கிளிக் செய்து உள் நுழையவும்.அங்கு கொடுக்கப்பட்டிருக்கும் விவரங்களை நிரப்பி சரியான ஆவணங்களை இணைத்து விண்ணப்பக் கட்டணத்தை ஆன்லைன் வழியாக செலுத்தலாம்.
• கட்டணம் செலுத்தப்பட்டதற்கான ரசீதை பதிவிறக்கம் செய்து வைத்துக் கொள்ளலாம். விண்ணப்பித்தவர்களுக்கு ஹால் டிக்கெட் வழங்கும் தேதி விரைவில் அறிவிக்கப்படும் எனவும், தேர்வு முடிந்த பிறகு முடிவுகள் வெளியாகும் தேதி அறிவிக்கப்படும் என கூறப்பட்டுள்ளது.