JEE Main Admit Card: ஜேஇஇ மெயின் தேர்வு ஹால் டிக்கெட் வெளியீடு; டவுன்லோடு செய்வது எப்படி?

மத்தியக் கல்வி நிறுவனங்களில் பொறியியல் படிப்பதற்கான நுழைவுத் தேர்வான ஜேஇஇ மெயின் தேர்வு 2ஆவது அமர்வுக்கான ஹால்டிக்கெட் jeemain.nta.nic.in என்ற இணையதளத்தில் வெளியாகி உள்ளது.

Updated at : 04 Apr 2023 01:41 PM (IST)

ஜேஇஇ மெயின் தேர்வு

மத்தியக் கல்வி நிறுவனங்களில் பொறியியல் படிப்பதற்கான நுழைவுத் தேர்வான ஜேஇஇ மெயின் தேர்வு 2ஆவது அமர்வுக்கான ஹால்டிக்கெட் jeemain.nta.nic.in என்ற இணையதளத்தில் வெளியாகி உள்ளது.

மத்திய அரசின் கல்வி நிறுவனங்களான என்.ஐ.டி., ஐ.ஐ.டி., ஐ.ஐ.ஐ.டி. ஆகியவற்றில் உள்ள படிப்புகளில் சேருவதற்கு ஜே.இ.இ. தேர்வு நடத்தப்படுகிறது. இந்தத் தேர்வு 2 கட்டங்களாக, ஜேஇஇ மெயின், அட்வான்ஸ்டு என்று பிரித்து நடத்தப்படுகிறது.

அதன்படி, நுழைவுத் தேர்வு தொடர்பான அறிவிப்பை தேசியத் தேர்வுகள் முகமை (என்.டி.ஏ.) அண்மையில் வெளியிட்டது. இந்த தேர்வு தேசிய கல்விக் கொள்கையின் அடிப்படையில் அசாம், பெங்காலி, கன்னடம், மலையாளம், ஒடிசா, பஞ்சாபி, தமிழ், தெலுங்கு, உருது, இந்தி, ஆங்கிலம், குஜராத்தி ஆகிய மொழிகளில் நடத்தப்பட்டு வருகிறது. இந்த மொழிகள் தாண்டி பிற மொழித் தேர்வர்கள், ஆங்கிலத்தில் தேர்வை எழுதும் வசதி செய்யப்பட்டுள்ளது.

ஜேஇஇ மெயின் தேர்வுக்கு 8.6 லட்சம் மாணவர்கள் விண்ணப்பித்த நிலையில், 8.22 லட்சம் மாணவர்கள் தேர்வை எழுதினர். முதல் அமர்வுக்கான தேர்வு முடிவுகள் பிப்ரவரி மாதத்தில் வெளியாகின. 2ஆவது அமர்வுக்கான தேர்வு ஏப்ரல் 6ஆம் தேதி தொடங்க உள்ளது. இந்தத் தேர்வை எழுத 9.4 லட்சம் மாணவர்கள் விண்ணப்பித்துள்ளனர். இவர்களுக்காக இந்தியா முழுவதும் 330 நகரங்களிலும் இந்தியாவுக்கு வெளியே 15 நகரங்களிலும் தேர்வு மையங்கள் அமைக்கப்பட்டுள்ளன.

ஹால் டிக்கெட் வெளியீடு

ஜேஇஇ மெயின் தேர்வுக்கான ஹால் டிக்கெட் வெளியாகி உள்ளது. இதை தேசியத் தேர்வுகள் முகமை வெளியிட்டுள்ளது. அதைத் தேர்வர்கள் டவுன்லோடு செய்வது எப்படி என்று பார்க்கலாம்.

* தேர்வர்களுக்கு ஏற்படும் சிரமங்களைத் தவிர்க்க, 3 வெவ்வேறு இணையதள முகவரிகள் அளிக்கப்பட்டுள்ளன.

* இது தொடர்பான கூடுதல் விவரங்களை https://jeemain.nta.nic.in/ என்ற இணையதளத்தில் தெரிந்து கொள்ளலாம்.

* இதில் உள்ள 3 முகவரிகளில் ஏதேனும் ஒன்றை தேர்வர்கள் க்ளிக் செய்ய வேண்டும். அதில் தேர்வர்கள் தங்களின் பதிவு எண் மற்றும் பிறந்த தேதி ஆகியவற்றைப் பதிவிட வேண்டும்.

* அதில் தோன்றும் 2023ஆம் ஆண்டுக்கான ஜேஇஇ மெயின் தேர்வுக்கான ஹால் டிக்கெட்டைத் தேர்வர்கள் பதிவிறக்கம் செய்துகொள்ளலாம்.

ஜே.இ.இ. தேர்வு ஆண்டுதோறும் நான்கு கட்டங்களாகத் தேசியத் தேர்வுகள் முகமையால் தேர்வு நடத்தப்பட்டு வருவது குறிப்பிடத்தக்கது.

முழு விவரங்களைக் காண: https://cdnbbsr.s3waas.gov.in/s3f8e59f4b2fe7c5705bf878bbd494ccdf/uploads/2023/04/2023040335.pdf என்ற இணைப்பை க்ளிக் செய்ய வேண்டும்.

தொலைபேசி எண்: 011-40759000

இ- மெயில் முகவரி: jeemain@nta.nic.in

விண்ணப்பக் கட்டணம் மற்றும் தேர்வு மையங்கள் குறித்து அறிய https://examinationservices.nic.in/JEEMain23/Registration/Instruction.aspx என்ற இணைப்பை க்ளிக் செய்ய வேண்டும்.

இதையும் வாசிக்கலாம்: 12ஆம் வகுப்பு, 10ஆம் வகுப்பு பாடங்களின் மாதிரி வினாத் தாளைக் காண: https://tamil.abplive.com/topic/question-bank என்ற இணைப்பை க்ளிக் செய்யவும்.

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.