JEE Advanced 2026: ஜேஇஇ அட்வான்ஸ்டு தேர்வுக்கு தொடங்கிய பதிவு; விண்ணப்பிப்பது, கட்டணம், தகுதி- முழு விவரம்!

JEE Advanced 2026 Registration: ஜேஇஇ அட்வான்ஸ்டு 2026 பதிவு தொடங்கியது: நேரடி லிங்க், கட்டணம், தகுதி விவரங்கள்

மாணவர்கள் | கோப்புப்படம்

2026ஆம் ஆண்டுக்கான ஜேஇஇ அட்வான்ஸ்டு தேர்வுக்கு விண்ணப்பப் பதிவு தொடங்கியுள்ள நிலையில், விண்ணப்பிப்பது எப்படி, கட்டணம், தகுதி உள்ளிட்ட விவரங்களை விரிவாக கீழே காணலாம்.

ஐஐடிகளில் மாணவர் சேர்க்கைக்கு நடத்தப்படும் ஜேஇஇ அட்வான்ஸ்டு 2026 (JEE Advanced 2026) தேர்வுக்கான பதிவு தற்போது தொடங்கியுள்ளது. தகுதியுடைய மாணவர்கள் அதிகாரப்பூர்வ இணையதளத்தின் மூலம் விண்ணப்பிக்கலாம்.

நேரடி இணைப்பு இதோ

மாணவர்கள் தங்கள் விண்ணப்பங்களை https://jeeadv.nic.in/applicant என்ற அதிகாரப்பூர்வ இணையதளம் வாயிலாக சமர்ப்பிக்கலாம். இதற்கு மே 2ஆம் தேதி இரவு 11.59 மணி வரை அவகாசம் அளிக்கப்பட்டுள்ளது. அதேபோல விண்ணப்பக் கட்டணத்தைத் தேர்வர்கள் மே 4ஆம் தேதி இரவு 11.59 மணி வரை செலுத்தலாம்.

தேர்வு எப்போது?

ஜேஇஇ அட்வான்ஸ்டு 2026 தேர்வு மே 17ஆம் தேதி அன்று நடைபெற உள்ளது. காலை 9 மணி முதல் 12 மணி வரை தாள் 1-ம், மதியம் 2.30 மணி முதல் 5.30 மணி வரை இரண்டாம் தாளும் நடைபெற உள்ளது.

விண்ணப்பக் கட்டணம் எவ்வளவு?

விண்ணப்பதாரர்கள் தங்களது சமூகப் பிரிவைப் பொறுத்து விண்ணப்பக் கட்டணத்தை செலுத்த வேண்டும். பொதுப் பிரிவினர் 3,200 ரூபாய் செலுத்த வேண்டும், அதேபோல எஸ்சி/ எஸ்டி/ மாற்றுத்திறனாளிகள் மற்றும் அனைத்துப் பிரிவு மாணவிகளும் 1800 ரூபாய் செலுத்தினால் போதும்.

இந்தக் கட்டணத்தை நெட் பேங்கிங், கிரெடிட் அல்லது டெபிட் கார்டு மூலமாக ஆன்லைனில் மட்டுமே செலுத்த முடியும்.

யாரெல்லாம் விண்ணப்பிக்கலாம்?

• ஜேஇஇ மெயின் தேர்வில் தேர்ச்சி பெற்று, முதல் 5 லட்சம் தரவரிசைக்குள் வந்த மாணவர்கள் மட்டுமே இந்த அட்வான்ஸ்டுதேர்வுக்குவிண்ணப்பிக்கத்தகுதியுடையவர்கள்.
• விண்ணப்பதாரர்கள் 12-ஆம் வகுப்பு பொதுத் தேர்வில் கணிதம், இயற்பியல், வேதியியல் பாடங்களில் தேர்ச்சி பெற்றிருக்க வேண்டியது கட்டாயமாகும்.

விண்ணப்பிக்கும் முறை

1. https://jeeadv.nic.in/applicant என்ற அதிகாரப்பூர்வ இணையதளத்திற்குச் செல்லவும்.
2. முகப்புப் பக்கத்தில் உள்ள 'JEE Advanced 2026 Registration' என்ற இணைப்பைக் கிளிக் செய்யவும்.
3. லாகின் செய்து, கேட்கப்பட்டுள்ள விவரங்களைச் சரியாக நிரப்பவும்.
4. தேவையான சான்றிதழ்களைப் பதிவேற்றம் செய்து, விண்ணப்பக் கட்டணத்தைச் செலுத்தவும்.
5. இறுதியாக விண்ணப்பத்தைச் சமர்ப்பித்து, எதிர்கால தேவைக்காக அதனைப் பிரிண்ட் அவுட் எடுத்து வைத்துக்கொள்ளவும்.

இதையும் படிக்க

TN RTE Admission 2026:தனியார் பள்ளிகளில் இலவச மாணவர் சேர்க்கை; தொடங்கிய ஆர்டிஇ பதிவு- விண்ணப்பிப்பது எப்படி?