TN RTE Admission 2026:தனியார் பள்ளிகளில் இலவச மாணவர் சேர்க்கை; தொடங்கிய ஆர்டிஇ பதிவு- விண்ணப்பிப்பது எப்படி?

Tamil Nadu RTE 2026 Admission: தனியார் பள்ளிகளில் இலவசமாகப் படிப்பதற்கான விண்ணப்பப் பதிவு இன்று தொடங்கி உள்ளது. மாணவர்கள் இதற்கு ஒரு மாத காலத்துக்கு அதாவது மே 18ஆம் தேதி வரை விண்ணப்பிக்கலாம்.

Written By : க.சே.ரமணி பிரபா தேவி | Updated at : 20 Apr 2026 06:41 PM (IST)

Tamil Nadu RTE Admission 2026 registration process begins know Steps to apply Documents needed TN RTE Admission 2026:தனியார் பள்ளிகளில் இலவச மாணவர் சேர்க்கை; தொடங்கிய ஆர்டிஇ பதிவு- விண்ணப்பிப்பது எப்படி?

இலவச மாணவர் சேர்க்கை

Source : તસવીર સોશિયલ મીડિયા

ஆர்டிஇ எனப்படும் குழந்தைகளுக்கான இலவச மற்றும் கட்டாயக் கல்வி உரிமைச் சட்டம், 2009 (RTE Act) -இன் கீழ் 2026- 27ஆம் கல்வி ஆண்டிற்கான மாணவர் இன்று (ஏப்ரல் 20) தொடங்கி உள்ளது. விண்ணப்பிக்கத் தகுதி வாய்ந்த பெற்றோர்கள் இதற்கு மே 18ஆம் தேதி வரை விண்ணப்பிக்கலாம்.

மத்திய அரசு கொண்டு வந்த ஆர்டிஇ சட்டத்தின்படி வாய்ப்பு மறுக்கப்பட்ட மற்றும் நலிவடைந்த பிரிவினரின் குழந்தைகளுக்கு எல்கேஜி அல்லது ஒன்றாம் வகுப்பில் குறைந்த பட்சம் 25% இட ஒதுக்கீடு வழங்கப்பட்டு வருகின்றது. அனைத்துச் சிறுபான்மை அல்லாத தனியார் சுயநிதிப் பள்ளிகளில் இந்த இட ஒதுக்கீடு கட்டாயம் ஆக்கப்பட்டுள்ளது. இந்த மாணவர்களுக்கு செலவாகும் தொகையை, அரசே தனியார் பள்ளிகளுக்குச் செலுத்தி விடும்.

மத்திய, மாநில அரசுகளின் கூட்டு நிதிப் பங்களிப்பில் இந்தத் திட்டம் செயல்பட்டு வருகிறது. இந்த நிலையில் தனியார் பள்ளிகளில் இலவசமாகப் படிப்பதற்கான விண்ணப்பப் பதிவு இன்று தொடங்கி உள்ளது. மாணவர்கள் இதற்கு ஒரு மாத காலத்துக்கு அதாவது மே 18ஆம் தேதி வரை விண்ணப்பிக்கலாம்.

இதற்கு விண்ணப்பிக்க என்னென்ன ஆவணங்கள் தேவை?

1. மாணவரின் புகைப்படம் (150 px X 175 px)

2. பிறப்புச் சான்றிதழ்

3. பெற்றோர் அல்லது பாதுகாவலரின் ஆதார் / ரேஷன் அட்டை

4. நலிந்த பிரிவினருக்கான வருமானச் சான்றிதழ்

5. பின்தங்கிய பிரிவினருக்கான சாதிச் சான்றிதழ்

6. பின்தங்கிய பிரிவினருக்கான சிறப்புப் பிரிவுச் சான்றிதழ்

விண்ணப்பிப்பது எப்படி?

பெற்றோர்கள் https://rteadmission.tnschools.gov.in/reg-personal என்ற இணைப்பை க்ளிக் செய்ய வேண்டும்.

அதில் கேட்டுள்ள விவரங்களைப் பூர்த்தி செய்து விண்ணப்பிக்க வேண்டியது முக்கியம்.

வேறு ஏதேனும் சந்தேகங்கள் இருந்தால் https://rteadmission.tnschools.gov.in/assets/data/RTE%20APPLICATION%20FORM_2024_25.pdf என்ற யூசர் மேனுவலைப் படித்து அறியலாம். இதில் விண்ணப்பிப்பது எப்படி என்ற விவரங்கள் படிப்படியாகக் கொடுக்கப்பட்டுள்ளன.

அதேபோல https://rteadmission.tnschools.gov.in/rte-schoollist என்ற இணைப்பில் 38 மாவட்டங்களில் உள்ள தனியார் பள்ளிகளின் விவரங்கள் அளிக்கப்பட்டுள்ளன. இதில் தங்கள் இருப்பிடத்துக்கு அருகாமையில், அதாவது 1 கிலோ மீட்டர் சுற்றளவுக்குள் உள்ள பள்ளியைத் தேர்வு செய்து பெற்றோர்கள் விண்ணப்பிக்கலாம்.

சந்தேகங்களுக்கு:

தொலைபேசி எண்: 14417

இ மெயில் முகவரி: rtetnqueries@gmail.com

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.