உங்களுக்கான தனி திறமையை வளர்த்துக்கொள்ள வேண்டும் - அமைச்சர் அன்பில் மகேஷ் அட்வைஸ்
உங்களின் திறமைக்கான நாற்காலி, உங்களுக்காக எப்போது காத்துக்கொண்டு இருக்கிறது. இதற்காக தான் முதல்வர் நான் முதல்வன் என்ற திட்டத்தை உருவாக்கியுள்ளார்.
தஞ்சாவூர்: பொதுத்தேர்வில் வாங்கும் மார்க் குறைவாக இருந்தாலும், அதிகமாக இருந்தாலும், உங்களுக்கான தனி திறமையை வளர்த்துக்கொள்ள வேண்டும். பொதுத்தேர்வு முடிவுகள் என்பது ஒருவகையான தேர்வு தானே தவிர, யாரும் பயப்பட கூடாது என்று அமைச்சர் அன்பில் மகேஷ் பொய்யாமொழி தெரிவித்தார்.
தஞ்சாவூரில் நடந்த நிகழ்ச்சிகளில் பள்ளிக்கல்வித்துறை அமைச்சர் அன்பில் மகேஷ் பொய்யாமொழி பங்கேற்றார். பின்னர் அவர் நிருபர்களிடம் கூறியதாவது:
தஞ்சாவூர் மாவட்டத்தில் 6.77 கோடி ரூபாய் மதிப்பீட்டில், கட்டப்பட்ட பல்வேறு துறை சார்ந்த 27 கட்டிடங்கள் திறக்கப்பட்டது. மாணவர்கள் தன்னம்பிக்கையுடன் இருக்க வேண்டும். பொதுதேர்வில் வாங்கும் மார்க் குறைவாக இருந்தாலும், அதிகமாக இருந்தாலும், உங்களுக்கான தனி திறமையை வளர்த்துக்கொள்ள வேண்டும். பொதுத்தேர்வு முடிவுகள் என்பது ஒருவகையான தேர்வு தானே தவிர, யாரும் பயப்பட கூடாது.
உங்களின் திறமைக்கான நாற்காலி, உங்களுக்காக எப்போது காத்துக்கொண்டு இருக்கிறது. இதற்காக தான் முதல்வர் நான் முதல்வன் என்ற திட்டத்தை உருவாக்கியுள்ளார். பொதுத்தேர்வு முடிவுகள் வரும் நாளில், மாணவர்களை வழிநடத்துவதற்காக பயிற்சிகள் ஆசிரியர்களுக்கு வழங்கப்பட்டுள்ளது. மேலும், மாணவர்கள் உயர்கல்வியை தொடர, ஆசிரியர்கள் வழிகாட்டும் ஒவ்வொரு பள்ளியிலும் ஏற்பாடு செய்யபட்டுள்ளது.
அரசு பள்ளி மாணவர்கள் நீட் தேர்வுக்கு ஆர்வம் காட்டவில்லை என்ற தகவல் வெளியானது. இது தொடர்பாக, அதிகாரிகளிடம் விளக்கம் கேட்ட போது, அவர்கள் அறித்த அறிக்கையில், அரசு பள்ளி மாணவர்கள் நீட் எழுதுபவர்களின் எண்ணிக்கை குறையவில்லை. அதிகம் தான் உள்ளது இவ்வாறு அவர் தெரிவித்தார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
