CBSE 12th Result 2026: 12ஆம் வகுப்பு தேர்வு முடிவு எப்போ? விடைத்தாள் மதிப்பீட்டில் குளறுபடி? சர்ச்சைக்கு சிபிஎஸ்இ முற்றுப்புள்ளி!

CBSE Class 12th Result 2026: மே மூன்றாம் வாரத்தில் பிளஸ் 2 தேர்வு முடிவுகள் வெளியாகலாம்- சிபிஎஸ்இ தேர்வுக் கட்டுப்பாட்டாளர்.

Written By : க.சே.ரமணி பிரபா தேவி | Updated at : 30 Apr 2026 12:15 PM (IST)

CBSE Class 12th Result Date 2026 Exam Controller Responds To Rumours, Shares Expected Timeline CBSE 12th Result 2026: 12ஆம் வகுப்பு தேர்வு முடிவு எப்போ? விடைத்தாள் மதிப்பீட்டில் குளறுபடி? சர்ச்சைக்கு சிபிஎஸ்இ முற்றுப்புள்ளி!

மாணவர்கள் | கோப்புப்படம்

Source : PTI

2026ஆம் ஆண்டுக்கான 12ஆம் வகுப்பு பொதுத்தேர்வு முடிவுகள் இன்று வெளியாகும் நாளை வெளியாகும் விரைவில் வெளியாகும் என்று ஊகங்கள் எழுந்த நிலையில், தேர்வு முடிவு வெளியாகும் தேதி குறித்தும் விடைத்தாள் மதிப்பீட்டில் குளறுபடி உள்ளதா என்பது சிபிஎஸ்இ விளக்கம் அளித்துள்ளது. இதன்மூலம் தேர்வு தொடர்பான சர்ச்சைகளுக்கு முற்றுப்புள்ளி வைக்கப்பட்டுள்ளது.

தேர்வு எப்போது?

2026ஆம் ஆண்டுக்கான சிபிஎஸ்இ 12ஆம் வகுப்பு பொதுத்தேர்வுகள் பிப்ரவரி 17 முதல் ஏப்ரல் 10ஆம் தேதி வரை நடைபெற்றது. இந்தத் தேர்வு நாடு முழுவதும் பல்வேறு மையங்களிலும் 26 வெளிநாடுகளிலும் நடந்தது. சுமார் 18.5 லட்சம் மாணவ, மாணவிகள் பிளஸ் 2 தேர்வை எழுதி இருந்தனர். விடைத்தாள் திருத்தும் பணிகள் முதல்முறையாக டிஜிட்டல் முறையில் நடைபெற்றன. இந்தப் பணியில் குளறுபடி ஏற்பட்டதாகத் தகவல் வெளியானது.

அதேபோல வெகு விரைவில் 12ஆம் வகுப்புப் பொதுத்தேர்வு முடிவுகள் வெளியாகும் என்றும் கூறப்பட்டது. எனினும் இந்த 2 தகவல்களையும் சிபிஎஸ்இ மறுத்துள்ளது.

தேர்வு முடிவுகள் எப்போது?

இதுகுறித்து சிபிஎஸ்இ தேர்வுகள் கட்டுப்பாட்டு அலுவலர் சன்யம் பரத்வாஜ் கூறும்போது, ''டிஜிட்டல் முறை மதிப்பீட்டில் குளறுபடி ஏற்பட்டதாக வெளியான தகவலில் எள்ளளவும் உண்மையில்லை.

விடைத்தாள் திருத்தும் பணிகள் முழுமையாக நிறைவடைந்த நிலையில், மதிப்பெண்களை இணையதளத்தில் பதிவேற்றும் இறுதிக்கட்டப் பணிகள் நடந்து வருகின்றன. மே மூன்றாம் வாரத்தில் பிளஸ் 2 தேர்வு முடிவுகள் வெளியாகலாம்'' என்று தெரிவித்துள்ளார்.

தேர்வு முடிவுகளை எங்கே காணலாம்?

மாணவர்கள் cbseresults.nic.in, cbse.nic.in மற்றும் results.cbse.nic.in ஆகிய சிபிஎஸ்இ-ன் இணைய தளங்களை க்ளிக் செய்து, தங்களின் விவரங்களை உள்ளிட்டு, தெரிந்து கொள்ளலாம்.

இணைய தள சர்வர் முடங்கும் சூழல் ஏற்பட்டால், டிஜி லாக்கர் செயலி, உமாங் செயலி, குறுஞ்செய்தி, ஐவிஆர்எஸ் ஆகியவற்றின் வழியாகவும் 12ஆம் வகுப்புத் தேர்வு முடிவுகளை அறிந்துகொள்ளலாம்.

கடந்த காலங்களில் தேர்ச்சி விகிதம் எப்படி?

2025: 88.39 %
2024: 87.98 %
2023: 87.33 %
2022: 92.71 %
2021: 99.37 %
2020: 88.78 %

வழக்கமாக மே 2ஆம் வாரத்தில் சிபிஎஸ்இ பொதுத்தேர்வு முடிவுகள் வெளியாகும். கடந்த 2025ஆம் ஆண்டு 10, 12 என இரு வகுப்பு தேர்வு முடிவுகளும் மே 13ஆம் தேதி வெளியிடப்பட்டன. அதேபோல 2026ஆம் ஆண்டு 10ஆம் வகுப்பு பொதுத்தேர்வு முடிவுகள் ஏப்ரல் 15 வெளியானது குறிப்பிடத்தக்கது.

இதையும் படிக்க

ICSE, ISC Result 2026: வெளியான தேர்வு முடிவுகள்; ஐசிஎஸ்இ, ஐஎஸ்இ 10, 12ஆம் வகுப்பு மதிப்பெண்களை பார்ப்பது எப்படி?

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.