திண்டிவனம் அருகே ரயில் முன் பாய்ந்து வாலிபர் தற்கொலை

திண்டிவனம் அருகே காதல் தோல்வி காரணமாக ரயில் முன் பாய்ந்து வாலிபர் தற்கொலை

ரயில் முன் பாய்ந்து வாலிபர் தற்கொலை

புதுவையில் இருந்து விழுப்புரம் நோக்கி பயணிகள் ரயில் சென்றது. அப்போது மயிலம் அருகே தென்பசார் ரயில்வே கேட் அருகே வந்தபோது அந்த பகுதியில் உள்ள ரயில்வேகேட் மூடப்பட்டது. இதனையடுத்து அங்கு மோட்டார் சைக்கிளில் வாலிபர் ஒருவர் வந்தார். அவர் மோட்டார் சைக்கிளை நிறுத்திவிட்டு ரயில் வரும்போது ரயில் முன் பாய்ந்து தற்கொலை செய்து கொண்டார். இதை அந்த வழியாக சென்றவர்கள் பார்த்து அதிர்ச்சி அடைந்து இதுகுறித்து மயிலம் போலீசாருக்கு தகவல் தெரிவித்தனர். தகவல் அறிந்த மயிலம் போலீசார் சம்பவ இடத்திற்கு விரைந்து சென்று உடலை மீட்டு திண்டிவனம் ரயில்வே போலீசாரிடம் ஒப்படைத்தனர்.

ரயில்வே போலீசார் வாலிபரின் உடலை பிரேத பரிசோதனைக்காக திண்டிவனம் அரசு மருத்துவ மனையில் சேர்த்தனர். இதுகுறித்து ரயில்வே போலீசார் வழக்கு பதிவு செய்து வாலிபரின் மோட்டார் சைக்கிளில் இருந்த ஆவணங்களை வைத்து விசாரணை நடத்தனர். விசாரணையில் அந்த வாலிபர் வானூர் அருகே கொஞ்சிமங்கலம் பகுதியைச் சேர்ந்த ஆறுமுகம் (வயது 28) என்பது தெரியவந்தது. ரயில் முன்பாய்ந்து வாலிபர் தற்கொலைக்கான காரணம் என்ன என்பது குறித்து போலீசார் விசாரணை நடத்தி வருகின்றனர். போலீசார் முதற்கட்ட விசாரணையில் காதல் தோல்வி காரணமாக ரயில் முன் பாய்ந்து தற்கொலை செய்து கொண்டது தெரியவந்தது.

மன உளைச்சலோ, தற்கொலை எண்ணமோ மேலிடும்போது உரிய ஆலோசனை பெற்றால் புதிய வாழ்க்கை அவர்களுக்காக காத்துக்கொண்டிருக்கிறது. அதற்காகவே சினேகா போன்ற தன்னார்வ தொண்டு நிறுவனங்கள் சேவை ஆற்றி வருகின்றன. அவர்களை தொடர்பு கொண்டு இலவசமாக ஆலோசனை பெறலாம். சினேகா தன்னார்வ தொண்டு நிறுவனம், எண்; 11, பார்க் வியூவ் சாலை, ஆர்.ஏ. புரம், சென்னை - 600 028. தொலைபேசி எண் - (+91 44 2464 0050, +91 44 2464 0060