Crime: பருத்தி காட்டுக்குள் தனியாக இருந்த பெண் கூட்டு பாலியல் வன்கொடுமை.. கொலை செய்த பிறகும் விடாத காம கொடூரர்கள்!

நாக்பூர் மாநிலம் காபா தாலுகா சுரேவானி கிராமத்தில் ஒரு பெண்ணை மூன்று பேர் சேர்ந்து கூட்டு பாலியல் வன்கொடுமை செய்து, கொலை செய்த சம்பவம் அதிர்ச்சியை ஏற்படுத்தியுள்ளது.

மாதிரிப்படம்

நாக்பூர் மாநிலம் காபா தாலுகா சுரேவானி கிராமத்தில் ஒரு பெண்ணை மூன்று பேர் சேர்ந்து கூட்டு பாலியல் வன்கொடுமை செய்து, கொலை செய்த சம்பவம் அதிர்ச்சியை ஏற்படுத்தியுள்ளது. இது தொடர்பாக காபா காவல்துறையினர் பாலியல் வன்கொடுமை மற்றும் கொலை வழக்கு பதிவு செய்துள்ளனர். 

நடுத்தர வயது பெண் ஒருவர் கடந்த சில நாட்களுக்கு முன்பு தங்களது காட்டில் பருத்தி பறிப்பதற்காக தனியாக சென்றுள்ளார். பெண் தனியாக இருப்பதை கண்டு, ஒரு நபர் அவரை அணுகி, தங்களோடு ஐந்து நிமிடம் தனியாக இருக்க வேண்டும் என்று தெரிவித்துள்ளார். இதற்கு அந்த பெண் எதிர்ப்பு தெரிவிக்கவே, அந்த நபர் மற்றும் அவரது இரண்டு நண்பர்கள் சேர்ந்து அந்த பெண்ணை அடித்து பாலியல் வன்கொடுமை செய்துள்ளனர். 

கோடாரியால் கொலை:

அதன்பிறகும் ஆத்திரம் அடங்காத மூவரும் அருகிலிருந்த கூரிய கோடாரியால் அந்த பெண்ணை தாக்கியுள்ளனர். இதில், அதிர்ச்சியளிக்கும் விஷயம் என்னவென்றால், அந்த பெண் இறந்த பிறகும், அந்த மூவரும் மாறி, மாறி அந்த பெண்ணை பாலியல் வன்கொடுமை செய்துள்ளனர். 

இந்த சம்பவம் குறித்து தகவல் கிடைத்ததும் அருகிலிருந்த காப்பாக்கம் காவல்துறையினர் சம்பவ இடத்திற்கு வந்து அந்த பெண்ணின் உடலை கைப்பற்றி விசாரணை நடத்தினர். தொடர்ந்து, இந்த வழக்கில் காவல்துறையினர் உடனடியாக குற்றச்சாட்டப்பட்ட மூன்று பேரையும் கைது செய்தனர். இது தொடர்பாக போலீசார் மேலும் விசாரணை நடத்தி வருகின்றனர். குற்றம் சாட்டப்பட்டவர்கள் மீது கடும் நடவடிக்கை எடுக்க வேண்டும் என அப்பகுதி மக்கள் கோரிக்கை வைத்து வருகின்றனர். 

பெண்களுக்கு எதிரான வன்முறைகள்:

கடந்தாண்டு தேசிய தலைநகர் டெல்லியில் தினமும் இரண்டு பெண்கள் பாலியல் வன்கொடுமைக்கு உள்ளாக்கப்பட்டதாகவும் நாட்டின் பாதுகாப்பற்ற பெருநகரமாக டெல்லி திகழ்வதாகவும் தேசிய குற்ற ஆவண காப்பகத்தின் சமீபத்திய அறிக்கையில் தெரிவிக்கப்பட்டுள்ளது.

2021 ஆம் ஆண்டில் பெண்களுக்கு எதிரான குற்றங்கள் தொடர்பாக 13,892 வழக்குகள் டெல்லியில் பதிவாகியுள்ளன. இது 2020 ஆம் ஆண்டுடன் ஒப்பிடும்போது 40% அதிகமாகும். அந்த ஆண்டு, 9,782 வழக்குகள் பதிவாகியதாக அறிக்கையில் தெரிவிக்கப்பட்டுள்ளது. டெல்லியில் பெண்களுக்கு எதிராக நடைபெற்ற குற்றங்கள் 19 பெருநகரங்களில் நடந்த மொத்த குற்றங்களில் 32.20 சதவீதம் ஆகும். 

டெல்லியை அடுத்து மும்பையில் 5,543 குற்ற வழக்குகளும் பெங்களூருவில் 3,127 வழக்குகளும் பதிவாகி உள்ளன. 19 நகரங்களில் நடந்த மொத்த குற்றங்களில் மும்பை மற்றும் பெங்களூருவில் முறையே 12.76 சதவீதம் மற்றும் 7.2 சதவீதம் பதிவாகியுள்ளன.

கடந்த 2021ஆம் ஆண்டு, 10 லட்சத்திற்கும் அதிகமான மக்கள்தொகை கொண்ட பிற பெருநகரங்களுடன் ஒப்பிடுகையில், கடத்தல் (3948), கணவர்களால் கொடுமைப்படுத்துதல் (4674) மற்றும் பெண் குழந்தைகள் பாலியல் வன்கொடுமை (833) ஆகிய பிரிவுகளில் பெண்களுக்கு எதிரான குற்றங்களின் எண்ணிக்கையில் டெல்லி அதிக எண்ணிக்கையில் உள்ளது. 

டெல்லியில் 2021 ஆம் ஆண்டில் சராசரியாக தினமும் இரண்டு சிறுமிகள் பாலியல் வன்கொடுமைக்கு உள்ளாக்கபட்டதாக தகவல்கள் தெரிவிக்கின்றன. 2021 ஆம் ஆண்டில், டெல்லியில் பெண்களுக்கு எதிராக 13,982 குற்ற வழக்குகள் பதிவு செய்யப்பட்டுள்ளன. அதே நேரத்தில் 19 பெருநகரங்களில் உள்ள மொத்த குற்றங்களின் எண்ணிக்கை 43,414 ஆகும்.

2021 இல், தேசிய தலைநகரில் 136 வரதட்சணை மரண வழக்குகள் பதிவு செய்யப்பட்டுள்ளன, இது 19 பெருநகரங்களில் ஏற்பட்ட மொத்த இறப்புகளில் 36.26 சதவீதமாகும். அனைத்து பெருநகரங்களிலும் மொத்தம் 8,664 குற்ற வழக்குகள் பதிவாகி உள்ளன. அதில், பெண்கள் கடத்தல் மற்றும் கடத்தல் தொடர்பாக 3,948 வழக்குகள் டெல்லியில் பதிவாகியுள்ளன.

2021 ஆம் ஆண்டில், போக்சோ சட்டத்தின் கீழ் 1,357 குற்ற வழக்குகள் பதிவாகியுள்ளன. 2021 ஆம் ஆண்டில் 833 பெண் குழந்தைகள் பாலியல் வன்கொடுமை வழக்குகள் பதிவாகியுள்ளன. இது பெருநகரங்களில் மிக அதிகமாகும்.