திரைப்படத்தை மிஞ்சிய கொடுமை.. காஞ்சிபுரத்தில் 16 வயது சிறுமிக்கு பாலியல் வன்கொடுமை

ஆட்டோ ஓட்டுனர்கள் மூன்று பேர் மீது வழக்கு பதிவு செய்யப்பட்ட நிலையில் இருவரை கைது செய்து காஞ்சிபுரம் அனைத்து மகளிர் காவல் நிலைய காவல்துறையினர் சிறையில் அடைத்தனர்

கைதானவர்கள்

Source : ABP NADU

காஞ்சிபுரத்தைச் சேர்ந்த 16 வயது சிறுமியை பலமுறை பாலியல் வன்கொடுமை செய்தது தொடர்பாக ஆட்டோ ஓட்டுனர்கள் மூன்று பேர் மீது வழக்கு பதிவு செய்யப்பட்ட நிலையில் இருவரை கைது செய்து காஞ்சிபுரம் அனைத்து மகளிர் காவல் நிலைய காவல்துறையினர் சிறையில் அடைத்தனர்.

காஞ்சிபுரம் மாநகராட்சி உட்பட்ட பகுதியில் ஹவுஸ் கீப்பிங் பணிகளை மேற்கொண்டு வருபவருக்கு மகள் மற்றும் ஒரு மகன் உள்ளனர்.

இந்நிலையில் அவரது மகள் அருகிலுள்ள தனியார் செவிலியர் பயிற்சி கல்லூரியில் தற்போது முதலாம் ஆண்டு படித்து வருவதாகவும், கடந்த சில தினங்களுக்கு முன்பு திடீரென அவருக்கு உடல்நல குறைவு ஏற்பட்டதன் காரணமாக அவரது தாயார் காஞ்சிபுரம் அரசு மருத்துவமனைக்கு அழைத்துச் சென்று சிகிச்சை பெற்றார்.

அவரைப் பரிசோதித்த மருத்துவர்கள் அவர் கர்ப்பமாக உள்ளதாக அவரது தாயாரிடம் கூறிய நிலையில், இதுகுறித்து அரசு மருத்துவமனை காவல் நிலைய காவலர்கள் , அனைத்து மகளிர் காவல் நிலையத்திற்கு இது குறித்த தகவல் அளித்தனர். அதன் பேரில் காஞ்சிபுரம் அனைத்து மகளிர் காவல் துறையினர் விசாரணை மேற்கொண்டு வந்த நிலையில் சிறுமியின் தாயார் மீனா இதுகுறித்து மகளிடம் விசாரணை மேற்கொண்டு அதன் பேரில் புகார் அளித்தார். 

அவ்வகையில் சிறுகாவேரிப்பாக்கம் பகுதியை சேர்ந்த குலசேகரன், ஒலி முகமது பேட்டையை சேர்ந்த ரீத்திஷ் மற்றும் காஞ்சிபுரத்தை சேர்ந்த வெங்கட் ஆகிய மூன்று பேரும் இச்சிறுமியை அவ்வப்போது ஆட்டோவில் வெளிப்பகுதியில் கூட்டி சென்று பலமுறை அழைத்து தனி தனியாக சென்று பாலியல் வன்கொடுமை செய்துள்ளனர்.

இதன் பேரில் காஞ்சிபுரம் அனைத்து மகளிர் காவல் துறையினர் குலசேகரன் மற்றும் ரித்திஷி கைது செய்து இது தொடர்பாக வழக்கு பதிவு செய்து காஞ்சிபுரம் நீதிமன்றத்தில் ஆஜர் படுத்தி சிறையில் அடைத்தனர். மேலும் தலைமறைவாகியுள்ள வெங்கட்டை தேடி வருகின்றனர்..