Crime: மனைவியை விட்டுப் பிரிந்ததால் வாலிபர் விபரீத முடிவு - குளித்தலையில் பரிதாபம்

கரூர் மாவட்டம், கிருஷ்ணராயபுரம் மஞ்சமேடு பகுதியை சேர்ந்தவர் கோகுல கண்ணன் சென்ட்ரிங் தொழிலாளி. இவருக்கு கடந்த 5 வருடங்களுக்கு முன்பு திருமணமாகி சோனியா என்ற மனைவியும், ஒரு பெண் குழந்தையும் உள்ளது.

குளித்தலை அரசு மருத்துவமனை வளாகம்.

குடும்ப பிரச்சனையில் வாலிபர் விஷம் குடித்து தற்கொலை.

 

 

குளித்தலையில் குடும்ப பிரச்சனையில் வாலிபர் விஷம் குடித்து தற்கொலை செய்து கொண்டார். இது குறித்து போலீஸ் தரப்பில் கூறப்படுவதாவது,

குடும்ப பிரச்சினை

கரூர் மாவட்டம், கிருஷ்ணராயபுரம் மஞ்சமேடு பகுதியை சேர்ந்தவர் கோகுல கண்ணன் (வயது 27). சென்ட்ரிங் தொழிலாளி. இவருக்கு கடந்த 5 வருடங்களுக்கு முன்பு திருமணமாகி சோனியா என்ற மனைவியும், ஒரு பெண் குழந்தையும் உள்ளது. இந்தநிலையில் குடும்ப பிரச்சனை காரணமாக கோகுலகண்ணன் தனது மனைவியை விட்டு பிரிந்து கடந்த 3 ஆண்டுகளாக தனியாக வாழ்ந்து வந்துள்ளார். இதனால் அவர் அதிகமான வருத்தத்துடன் இருந்து வந்துள்ளதாக கூறப்படுகிறது.

 

 

இந்தநிலையில் கோகுலகண்ணன் குளித்தலையில் உள்ள ஒருகோவிலில் விளக்கு போடுவதற்காக குளித்தலை காவேரி நகர் பகுதியில் உள்ள உறவினர் ஒருவர் வீட்டில் கடந்த 10 நாட்களாக தங்கி இருந்து வந்துள்ளார்.

 

 

தற்கொலை

இந்தநிலையில் உறவினர் வீட்டில் யாரும் இல்லாத போது கோகுலகண்ணன் பூச்சி மருந்தை (விஷம்) குடித்துவிட்டு மயங்கி கிடந்தார். இதை கண்ட அவரது உறவினர்கள் அவரை மீட்டு சிகிச்சைக்காக குளித்தலை அரசு மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இதையடுத்து அவரது உடல் பிரேத பரிசோதனைக்கு அனுப்பி வைக்கப்பட்டது. இந்த தற்கொலை குறித்த புகாரின் பேரில் குளித்தலை போலீசார் வழக்குப்பதிந்து விசாரணை நடத்தி வருகின்றனர்.