Delhi: சிறுமியை 20 முறை கத்தியால் குத்தி கொலை செய்த இளைஞர்... கண்டும் காணாமல் கடந்து சென்ற மக்கள்! டெல்லியில் அதிர்ச்சி

டெல்லியில் 16 வயது சிறுமியை, இளைஞர் ஒருவர் 20 முறை கத்தியால் குத்தி கொலை செய்த சம்பவம் அதிர்ச்சியை ஏற்படுத்தியுள்ளது.

சிறுமியை கொலை செய்த இளைஞர்

Delhi crime : டெல்லியில் 16 வயது சிறுமியை, இளைஞர் ஒருவர் 20 முறை கத்தியால் குத்தி கொலை செய்த சம்பவம் பெரும் அதிர்ச்சியை ஏற்படுத்தியுள்ளது. 

டெல்லியில் நிகழ்ந்த ஷ்ரத்தா கொலை வழக்கு நாடு முழுவதும் அதிர்ச்சி அலைகளை ஏற்படுத்தியது. லிவ்-இன் ரிலேஷன்ஷிப்பில் இருந்த ஷ்ரத்தாவை அவரது காதலன் ஆப்தாப் கொலை செய்து, அவரின் உடலை 35 பாகங்களாக வெட்டி எறிந்த சம்பவம் பெரும் அதிர்ச்சியை ஏற்படுத்தியிருந்தது. இந்நிலையில், தற்போது மற்றொரு சம்பவம் டெல்லியில் அரகேறியுள்ளது.

20 முறை கத்தியால் குத்திய கொடூரம்

டெல்லியில் ஷஹபாத் டெய்ரி என்ற பகுதியில் 16 வயது சிறுமியை சாஹில் என்ற 20 வயது இளைஞர் சரமாரியாக தாக்கியுள்ளார். இந்த சம்பவம் தொடர்பாக சிசிடிவி காட்சிகள் இணையத்தில் வெளியாகி வைரலாகி வருகிறது. அதாவது, நேற்று மாலை ஷஹபாத் டெய்ரி பகுதியில் உள்ள ஒரு தெருவில் அந்த சிறுமியும், இளைஞரும் பேசிக் கொண்டிருந்ததாக தெரிகிறது.

அப்போது அவர்களுக்கு இடையே வாக்குவாதம் ஏற்பட்டது. அதன்பிறகு இளைஞர் சாஹில் தான் வைத்திருந்த கத்தியை எடுத்து அந்த சிறுமியை குத்தியுள்ளார். அதன்பிறகு ஆத்திரம்  தாங்காமல் மீண்டும் அந்த சிறுமியை ஈவு இரக்கமின்றி சுமார் 20 முறை கொடூரமாக குத்தியுள்ளார். இதனால் அந்த சிறுமி சம்பவ இடத்திலேயே பரிதாபமாக உயிரிழந்துள்ளார். 

வேடிக்கை பார்த்த மக்கள்

அதன்பிறகு, அந்த இடத்தில் சற்று தூரம் சென்ற இளைஞர், மீண்டும் ஆத்திரம் தீராததால் மீண்டும்  ஓடி வந்து அருகில் கிடந்த கல்லை எடுத்து அந்த சிறுமி  மீது போட்டுள்ளார். இதற்கிடையில் அந்த தெருவில் இருக்கும் அனைவரும் வேடிக்கை பார்த்தப்படியே இருந்துள்ளனர். அந்த இளைஞர் சிறுமியை கொடூரமாக தாக்கிக் கொண்டிருக்கும்போது ஒருவர் கூட அதை தடுக்காமல் வேடிக்கை பார்த்தப்படி நின்றுள்ளது பேரதிர்ச்சியை ஏற்படுத்துகிறது. 

A 16-year-old girl stabbed to death by her boyfriend, identified as 20-year-old Sahil in Shahbad Dairy PS limits of Delhi. Sahil and the deceased were in a relationship but yesterday they had a quarrel. The deceased was planning to attend her friend's son's birthday when the…

— ANI (@ANI) May 29, 2023

அதன்பின்பு, அக்கம் பக்கத்தில் உள்ளவர்கள் இது குறித்து போலீசாருக்கு தகவல் தெரிவித்தனர். உடனே தகவல் அறிந்து சம்பவ இடத்திற்கு வந்த போலீசார் சிறுமியின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். இதன் பின்பு இந்த சம்பவம் தொடர்பாக போலீசார் வழக்குப்பதிவு செய்து சிறுமியை கொடூரமாக ஈவு இரக்கமின்றி தாக்கிய சாஹில் என்ற இளைஞரை தேடி வருகின்றனர்.  

காரணம் என்ன?

இந்த சம்பவம் குறித்து போலீசார் கூறுகையில்,”16 வயது சிறுமியும், 20 வயதான இளைஞர் சாஹிலும் ஒருவரைக்கொருவர் விரும்பி உள்ளதாக தெரிகிறது. இந்நிலையில், அந்த சிறுமி தனது நண்பரின் பிறந்தநாளுக்கு நேற்று சென்றுள்ளார். அப்போது பிறந்தநாள் நிகழ்ச்சி முடிந்து மாலை வீட்டிற்கு திரும்பும்போது, இளைஞர் சாஹிலை சந்தித்துள்ளார்.

அதாவது, சம்பவந்தன்று இருவருக்கும் தகராறு ஏற்பட்டதாக தெரிகிறது. அதில்  தான் இளைஞர் சாஹில் ஆத்திரமடைந்து, அந்த சிறுமியை 20 முறை கத்தியால் குத்தி கொலை செய்துள்ளதாக தெரிகிறது” என்று தெரிவித்தனர். இந்த சம்பவம் தொடர்பான வீடியோ இணையத்தில் வெளியாகி அனைவரையும் அதிர்ச்சிக்குள்ளாகியுள்ளது.