Crime: கோணி பையில் சிதைந்த நிலையில் கிடந்த சிறுமி உடல்.. என்ன நடந்தது? பதறவைக்கும் சம்பவங்கள்..

இது குறித்து பெற்றோரிடம் தெரிவிப்பதாக சிறுமி கூறியபோது, ​​அவர்கள் தான் அணிந்திருந்த ஆடையால் கழுத்தை நெரித்து கொன்றுள்ளனர்.

டெல்லியில் சிறுமிக்கு நேர்ந்த கொடூரம்

டெல்லியில் 14 வயது சிறுமி இரண்டு  பேரால் பாலியல் வன்கொடுமை செய்யப்பட்டு கொலை செய்யப்பட்ட நிலையில், ஒரு கடையில் சடலமாக  கண்டெடுக்கப்பட்டார்.

வடக்கு டெல்லி மாவட்டம் நரேலா பகுதியில் 14 வயது சிறுமி இரண்டு பேரால் கூட்டு பாலியல் வன்கொடுமை செய்யப்பட்டு கொலை செய்யப்பட்டதாக கூறப்படுகிறது. கடந்த சனிக்கிழமை நரேலா தொழிற்பேட்டை பகுதியில் மூடப்பட்ட கடை ஒன்றில் அவரது உடல் கண்டெடுக்கப்பட்டது. இருவரில் ஒருவர்  கைது செய்யப்பட்டுள்ளார்.

107 பேரை விசாரித்து, ஏழு குழுக்களை அமைத்த பிறகு, குற்றம் சாட்டப்பட்டவர்களில் ஒருவரைக் கைது செய்ய முடிந்தது என்று காவல்துறை துணை ஆணையர்  பிரிஜேந்திர குமார் யாதவ் கூறினார்.

என்ன நடந்தது?

கடந்த பிப்ரவரி 12 ஆம் தேதி, 14 வயது சிறுமி தனது வீட்டில் இருந்து காணாமல் போனார். அவரது பெற்றோரும் சகோதரரும் சிறுமியை தேடினார்கள். ஆனால், மூன்று நாட்களாகியும் அவரை கண்டுபிடிக்க முடியாததால் போலீசில் புகார் அளித்தனர். போலீசார் விசாரணை நடத்தி கடத்தல் வழக்கு பதிவு செய்தனர்.

சனிக்கிழமையன்று, நரேலா தொழிற்பேட்டையில் உள்ள சன்னோத் கிராமத்தில் உள்ள கடைக்காரர் ஒருவரிடமிருந்து காவல்துறைக்கு அழைப்பு வந்தது. அவர் சில நாட்களுக்குப் பிறகு ஜான்சியிலிருந்து திரும்பியதாகவும், தனது கடையில் இருந்து துர்நாற்றம் வீசுவதைக் கண்டு காவல்துறைக்கு தகவல் கொடுத்தார்.

போலீஸ்  சம்பவ இடத்திற்கு விரைந்து சென்று கடையில் கோணி பைகளில் மாட்டு சாணத்தின் குவியலின் கீழ் காணாமல் போன சிறுமியின் சிதைந்த உடலை மீட்டனர்.

உணவு கொடுத்து சிறுமியை ஏமாற்றியுள்ளனர்

குற்றம் சாட்டப்பட்டவர்கள் சிறுமிக்கு உணவு தருவதாகக் கூறி ஏமாற்றியுள்ளார். அவர்கள் மது அருந்திக் கொண்டிருந்தபோது, ​​சிறுமி வீட்டிற்கு வெளியே பார்த்தபோது, ​​அவரை அழைத்ததாக போலீஸார் தெரிவித்தனர். பின்னர் இருவரும் சிறுமியை பாலியல் வன்கொடுமை செய்ததாக போலீசார் தெரிவித்தனர்.

இது குறித்து பெற்றோரிடம் தெரிவிப்பதாக சிறுமி கூறியபோது, ​​அவர்கள் தான் அணிந்திருந்த ஆடையால் கழுத்தை நெரித்து கொன்றுள்ளனர்.

டெல்லியில் உள்ள சன்னோத் கிராமத்தில் ஒரு அறையில் கூலி வேலை செய்யும் தந்தை, தாய் மற்றும் அவரது சகோதரருடன் சிறுமி வசித்து வந்தார் என்பது குறிப்பிடத்தக்கது. 
குற்றம்சாட்டப்பட்ட இருவர் உத்தரபிரதேசத்தில் உள்ள ஹர்தோய் பகுதியை பூர்வீகமாக கொண்டவர்கள். இருவரும் டெல்லியில் வசித்து வந்தனர்.

மற்றொரு நபரை போலீசார் வலைவீசி தேடி வருகின்றனர். சிறுமிக்கு நேர்ந்த சம்பவம் அந்தப் பகுதியில் அதிர்ச்சியை ஏற்படுத்தியுள்ளது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைதள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண