Crime: நடுரோட்டில் சுட்டுக்கொல்லப்பட்ட நடிகை; நாடகமாடிய கணவர் கைது...! நடந்தது என்ன..?

மேற்கு வங்கத்தில் ஜார்க்கண்ட் நடிகை சுட்டுக் கொல்லப்பட்ட வழக்கில் புதிய திருப்பமாக அவரது கணவர் கைது செய்யப்பட்டுள்ளார்.

கொலை செய்யப்பட்ட நடிகை ரியா குமாரி

Crime : மேற்கு வங்கத்தில் வழிப்பறி கொள்ளையர்களால், ஜார்க்கண்ட்  நடிகை சுட்டுக் கொல்லப்பட்டது அதிர்ச்சியை ஏற்படுத்தி உள்ளது.

ஜார்க்கண்ட் மாநிலத்தை சேர்ந்தவர் நடிகை ரியா குமாரி. இவரது கணவர் பிரகாஷ் குமார். இவர் படத்தயாரிப்பாளர் ஆவார். இந்த தம்பதிக்கு 2 வயதில் ஒரு மகள் உள்ளார். இவர்கள் நேற்று காரில் மேற்கு வங்காளத்தின் தலைநகரமான கொல்கத்தாவுக்கு சென்று கொண்டிருந்தனர்.

அப்போது, பக்னன் காவல்நிலையத்திற்குட்பட்ட மகிஷ்ரேகா என்ற இடத்தில் அவர்களது காரை 3 பேர் கொண்ட மர்ம நபர்கள  மறித்தனர். பிரகாஷ் குமாரை கொள்ளையர்கள் கடுமையாக தாக்கியதாக கூறப்படுகிறது.  இதை அடுத்து, அவரது கணவரை ரியா குமாரி மீட்க முயற்சித்தார்.

நடிகை சுட்டுக்கொலை

அப்போது, ரியா குமாரியை கொள்ளை கும்பல் துப்பாக்கியால் சுட்டுவிட்டு அந்த இடத்தில் இருந்து தப்பிச் சென்றனர். பின்பு, ரத்த வெள்ளத்தில் கிடந்த ரியா குமாரியை அவரது கணவர் காரில் கொண்டு சென்று மருத்துவமனையில் அனுமதித்தார்.  அங்கு, மருத்துவர்கள் பரிசோதனை செய்ததில் அவர் ஏற்கனவே இறந்துவிட்டதாக தெரிவித்தனர்.

இதுகுறித்து போலீசார் கூறியதாவது, நடிகை ரியா குமாரி தன் குடும்பத்தினருடன் ஹவுரா நெடுஞ்சாலையில் காரில் சென்ற போது, வழிமறித்த மூன்று கொள்ளையர்கள் ரியா குமாரியை சுட்டுக் கொலை செய்தனர். மேலும் ரியா குமாரியின் கணவர் மற்றும் அக்கம் பக்கத்தினரிடம் விசாரணை நடத்தி, தப்பியோடிய கொள்ளையர்களை தேடி வருவதாக தெரிவித்தனர்.

திடீர் திருப்பம்

ரியா குமாரி கொலை வழக்கு தொடர்பாக போலீசார் தீவிரமாக விசாரணை நடத்தி வந்தனர்.  அப்போது ரியா குமாரின் குடும்பத்தினர் கணவரான பிரகாஷ் குமார் மீது சந்தேகம்  இருப்பதாக குற்றம்சாட்டி காவல்நிலையத்தில் புகார் அளித்தனர். அதில் குமாரியை துன்புறுத்தியதாக பிரகாஷ் குமார், அவரது முன்னாள் மனைவி, இரண்டு சகோதரர்கள் மீது புகார் அளித்துள்ளனர்.

#UPDATE | West Bengal: Deceased Riya Kumari's husband Prakash Singh has been arrested in an incident where she was shot dead. He'll be produced in court: Howrah Rural Superintendent of Police Swati Bhangalia

— ANI (@ANI) December 29, 2022

போலீசார் அவரிடம் தொடர்ந்து விசாரணை நடத்தியதில் முன்னுக்கு பின் முரணமாக பதிலளித்துள்ளதால், பிரகாஷ் குமாரை போலீசார் கைது செய்துள்ளனர். தொடர்ந்து பிரகாஷ் குமாரிடன் இந்த சம்பவம் தொடர்பாக விசாரணை நடத்தி வருகின்றனர்.

---

மேலும் படிக்க