Gold Smuggling: ஒரே இரவில் 3 விமானங்கள்.!  தங்க கடத்தலில் இறங்கிய 25 பேர்: சுற்றி வளைத்து தூக்கிய அதிகாரிகள்.! நடந்தது எங்கு? 

Chennai Airport Gold Smuggled: சென்னை விமான நிலையத்தில், 20 கிலோ கடத்தல் தங்கத்தை  மத்திய வருவாய் புலனாய்வுத்துறை அதிகாரிகள் பறிமுதல் செய்த சம்பவம் பெரும் பரபரப்பை ஏற்படுத்தியுள்ளது.

தங்க கடத்தல் ( செயற்கை நுண்ணறிவு படம் )

Source : AI

ஒரே இரவில் 3 விமானங்களில், 25 பேர் தங்க கடத்தல் செயல்பாடுகளில் ஈடுபட்டுள்ள சம்பவம் பெரும் அதிர்ச்சியை ஏற்படுத்தியுள்ளது.

புலனாய்வுத் துறைக்கு ரகசிய தகவல்:

சென்னையில் உள்ள அண்ணா பன்னாட்டு விமான நிலையத்தில் , தங்கம் கடத்தல் நடத்த திட்டமிட்டு இருப்பதாக, மத்திய வருவாய் புலனாய்வு துறையினருக்கு ரகசிய தகவல் வந்திருக்கிறது. மேலும், சிங்கப்பூரிலிருந்து வரும் விமானத்தில் தங்கம் கடத்தப்படுவதாகவும் அதிகாரிகளுக்கு தகவல் கிடைத்திருக்கிறது. 

இதையடுத்து, நேற்று மத்திய வருவாய் புலனாய்வு துறையினர் , சென்னை பன்னாட்டு விமான நிலையத்திற்கு வருகை புரிந்து ரகசியமாக கண்காணிப்பில் இறங்கினர். 

3 விமானங்கள்:

அப்போது, நேற்றைய தின இரவில் சுமார் 11 மணியளவில், சிங்கப்பூரிலிருந்து சென்னைக்கு வந்த விமானத்தில் வந்த பயணிகளிடம், அதிகாரிகள் சோதனை நடத்தினர். அப்போது, சந்தேகத்திற்கு உரிய வகையில் வந்த பயணிகளிடம் தனியாக வைத்து சோதனை நடத்தினர்.

இதையடுத்து, சிங்கப்பூரில் இருந்த வந்த இண்டிகோ விமானம் வந்தடைந்தது. அந்த பயணிகளிடமும், சந்தேகத்துக்கிடமான பயணிகளை சோதனை நடத்தினர். 

இதனை தொடர்ந்து , சிங்கப்பூரில் இருந்து இண்டிகோ என்ற மற்றொரு விமானமும் வந்தடைந்தது.அதிலும், சந்தேகத்திற்கிடமான சில பயணிகளை சோதனை நடத்தினர். 

25 பேர் கைது:

மூன்று விமானங்களில் வந்த 25 பயணிகளை தனியாக அழைத்து சோதனை நடத்தியதில் , அவர்கள் தங்க கடத்தலில் ஈடுபட்டது தெரிய வந்தது. 25 பேரில் 8 பேர் பெண் பயணிகள் அடங்குவர் என்றும் தகவல் கிடைத்துள்ளது. இவர்களில் தமிழ்நாடு மற்றும் ஆந்திராவைச் சேர்ந்தவர்கள் என்றும் தெரியவந்துள்ளது. 

மொத்தமாக 20 கிலோ எடை கொண்ட 24 கேரட் தங்கம் பறிமுதல் செய்யப்பட்டதாகவும் , மொத்தமாக கடத்தி வரும் போது மாட்டி விடக்கூடாது என்பதற்காக , 3 விமானங்களில் கடத்தல் சம்பவத்தில் ஈடுபட்டதாக தகவல் தெரிவிக்கின்றன. 

இதையடுத்து , 25 பேர் கைது செய்யப்பட்டு, அவர்களிடம் தொடர் விசாரணை நடைபெற்று வரும் நிலையில், 25 பேரை குருவிகளாக தங்க கடத்தலில் , சென்னை கடத்தல் கும்பல் சிலர் ஈடுபடுத்தியதாகவும் தகவல் வெளியாகியுள்ளது.

சென்னை விமான நிலையத்தில் பரபரப்பு: 

இந்த விவகாரத்தில், சென்னை பன்னாட்டு விமான நிலையத்தில் உள்ள சுங்கத்துறை அதிகாரிகள் உள்ளிட்ட அதிகாரிகள் யாருக்காவது தொடர்பு இருக்கிறதா, என்ற கோணத்திலும் மத்திய வருவாய் புலனாய்வுத்துறை அதிகாரிகள் விசாரணை நடத்தி வருகின்றனர். 

சென்னை பன்னாட்டு விமான நிலையத்தில், நேற்றைய தினம் ஒரே இரவில் , 3 விமானங்களில் 25 பேர் திட்டம் போட்டு தங்கம் கடத்தலில் ஈடுபட்டுள்ள சம்பவம் பெரும் பரபரப்பை ஏற்படுத்தியுள்ளது.