Gold and silver rate today :தங்கம் விலை சவரனுக்கு 2,880 ரூபாய் குறைந்தது.! 3 நாளில் அதிரடி மாற்றம்- நகைப்பிரியர்கள் குஷி

Gold and silver rate today : தங்கத்தின் விலையானது கடந்த சில நாட்களாக தொடர்ந்து குறைந்து வருவது நகைப்பிரியர்களுக்கு மகிழ்ச்சியை கொடுத்துள்ளது. இந்த நிலையில் இன்று

Gold and silver rate today

Source : freepik

ஏறி இறங்கும் தங்கம் விலை

தங்கத்தின் விலையானது கடந்த சில மாதங்களாக தினந்தோறும் அதிகரித்து வந்தது. இதன் காரணமாக நகை விலையானது புதிய உச்சத்தை தொட்டதால் நகைப்பிரியர்கள் அதிர்ச்சி அடைந்தனர். அதிலும் ஒரே நாளில் ஒரு சவரனுக்கு 16ஆயிரம் ரூபாய் அதிகரித்து திக்குமுக்காட வைத்தது. இதற்கு முக்கிய காரணமாக டாலரில் வர்த்தகம் நடைபெற்று வரும் நிலையில், பல நாடுகள் தங்கள் நாட்டின் பண மதிப்பை அதிகரிக்கும் வகையில் தங்கத்தை அதிகளவு கொள்முதல் செய்ய தொடங்கியது. இதனால் தங்கத்தின் விலையானது புதிய உச்சத்தை தொட்டது. 

இதனையடுத்து அடுத்த சில நாட்களிலேயே 1.34 லட்சத்தில் இருந்த தங்கத்தின் விலையானது குறைய தொடங்கி தற்போது 1.20 லட்சத்திற்கு விற்பனையாகி வருகிறது. இந்த நிலையில் மேலும் மேலும் தங்கம் விலை குறைய தொடங்கியுள்ளது. இதற்கு காரணமாக பொருளாதார வல்லுநர்கள் கூறுகையில்,  ரொக்கமாக பணம் இல்லாத காரணத்தால் தங்கத்தை வாங்க ஆள் இல்லாத்தே தங்கம் விலை குறைய காரணம் என கூறுகின்றனர். 

தங்கம் விலை நிலவரம்

• பிப்ரவரி 9- கிராம் ஒன்றுக்கு 100 ரூபாய் குறைந்து 14,950 ரூபாய்க்கும், சவரனுக்கு 800 ரூபாய் குறைந்து 1,19,600 ரூபாய்க்கு விற்பனை.
• பிபரவரி 10- கிராம் ஒன்றுக்கு 100 ரூபாய் அதிகரித்து 15,050 ரூபாய்க்கும், சவரனுக்கு 800 ரூபாய் உயர்ந்து 1,20,400 ரூபாய்க்கும் விற்பனை.
• பிப்ரவரி 11- கிராம் ஒன்றுக்கு 70 ரூபாய் உயர்ந்து 15,120 ரூபாய்கு விற்பனையாகிறது. சவரனுக்கு 560 ரூபாய் உயர்ந்து 1,20,960 ரூபாய்க்கு விற்பனை செய்யப்படுகிறது.
• பிப்ரவரி 12 - கிராம் ஒன்றுக்கு 150 ரூபாய் குறைந்து 14,970 ரூபாய்க்கும், சவரனுக்கு 1,200 ரூபாய் குறைந்து 1,19,960 ரூபாய்க்கு விற்பனை
• பிப்ரவரி 13 -  கிராம் ஒன்றுக்கு 70 ரூபாய் குறைந்து 14,900ரூபாய்க்கும், சவரனுக்கு 560 ரூபாய் குறைந்து 1,19,200 ரூபாய்க்கு விற்பனை

இன்றைய தங்கம், வெள்ளி விலை என்ன.?

தங்கம் விலை இன்றும் குறைந்துள்ளது. அந்த வகையில் கிராம் ஒன்றுக்கு 140 ரூபாய் குறைந்து 14,760 ரூபாய்க்கும், சவரனுக்கு 1,120 ரூபாய் சரிந்து 1,18,080 ரூபாய்க்கு விற்பனையாகிறது. 

அதேநேரம் வெள்ளியின் விலையானது கிராம் ஒன்றுக்கு 10 ரூபாய் குறைந்து 280 ரூபாய்க்கும், கிலோ பார் வெள்ளி 2.80 லட்சம் ரூபாய்க்கு விற்பனையாகிறது.