”காசு மேலே காசு வந்து...” - 2023ல் இந்தியர்களுக்கு சம்பள உயர்வா? என்ன சொல்கிறது அறிக்கை?

பணவீக்க விகிதத்தைக் கழித்து, பெயரளவு ஊதிய வளர்ச்சியாக அளவிடப்படும் உண்மையான சம்பளம் கிட்டத்தட்ட 1.5% குறையும் என்று ஈசிஏ அறிக்கை வெளியிட்டுள்ளது,

இந்திய ரூபாய்

இந்தியா மற்றும் சில ஆசிய நாடுகளில் வரும் ஆண்டில் சம்பள உயர்வு ஏறுமுகமாக இருக்கலாம் என சர்வே முடிவுகள் தெரிவிக்கின்றன.

ஈசிஏ இன்டர்நேஷனல் என்னும் தொழிலாளர் ஆலோசனை நிறுவனம் வெளியிட்டுள்ள அறிக்கையின்படி, "2023ம் ஆண்டில் தொடர்ந்து இரண்டாவது ஆண்டாக, உயர்ந்து வரும் பணவீக்கம் சம்பள உயர்வில் பெரும் பின்னடைவை ஏற்படுத்தக்கூடும். ஆனால் இதனால் மோசமாக பாதிக்கப்படும் நாடுகள் ஐரோப்பாவை சேர்ந்தவை. உலகளவில் 37 சதவிகித நாடுகள் மட்டுமே உண்மையான ஊதிய உயர்வை அறிவிக்கும் என்றும் அதில் இந்தியாவும் ஒன்று" என்றும் தெரியவந்துள்ளது.

பணவீக்க விகிதத்தைக் கழித்து, பெயரளவு ஊதிய வளர்ச்சியாக அளவிடப்படும் உண்மையான சம்பளம் கிட்டத்தட்ட 1.5% குறையும் என்று ஈசிஏ அறிக்கை வெளியிட்டுள்ளது, 2000ம் ஆண்டு தொடங்கப்பட்ட கணக்கெடுப்பின்படி. 2022ல், இங்கிலாந்து ஊழியர்கள் பொருளாதார அடிப்படையிலான அவர்களின் மிகப்பெரிய பாதிப்பை சந்திப்பார்கள் என்றும் 3.5 சதவிகித சராசரி பெயரளவு ஊதிய உயர்வு இருந்தபோதிலும், 9.1 சதவிகித சராசரி பணவீக்கத்தின் காரணமாக உண்மையான ஊதியம் 2022ல் 5.6 சதவிகிதமாகக் குறைந்தன என்றும் அவை 2023ல் மேலும் 4 சதவிகிதமாக வீழ்ச்சியடையும் என்றும் தெரிய வந்துள்ளது.

அமெரிக்காவில் இந்த ஆண்டு 4.5 சதவிகிதம் என்கிற உண்மையான காலச் சரிவு அடுத்த ஆண்டு வீழ்ச்சியடைந்த பணவீக்கத்தால் மாற்றியமைக்கப்படும் என்று எதிர்பார்க்கப்படுகிறது. இது ஊழியர்களுக்கு 1 சதவிகித சம்பளமாக அவர்களது சம்பளக் கணக்குகளில் பிரதிபலிக்கும். உண்மையான சம்பளம் உயரும் என்று முன்னறிவிக்கப்பட்ட முதல் 10 நாடுகளில் எட்டு நாடுகளில் ஆசிய நாடுகள் உள்ளன. இந்தியா முதலிடத்தில் 4.6 சதவிகிதத்துடனும், வியட்நாம் 4.0 சதவிகிதம் மற்றும் சீனா 3.8 சதவிகிதமும் உயர்ந்துள்ளது. இதுதவிர பிரேசிலின் 3.4 சதவிகித அதிகரிப்பு மற்றும் சவூதி அரேபியாவின் 2.3 சதவிகித முன்னேற்றத்துடன் இந்த நாடுகள் முதல் ஐந்து இடங்களைப் பிடித்துள்ளன.

ஈசிஏ இன்டர்நேஷனலின் ஆசிய பிராந்திய இயக்குனர் லீ குவான் கூறுகையில் "எங்கள் கணக்கெடுப்பு 2023 ஆம் ஆண்டில் உலகளவில் தொழிலாளர்களுக்கு மற்றொரு கடினமான ஆண்டைக் குறிக்கிறது. கணக்கெடுக்கப்பட்ட நாடுகளில் மூன்றில் ஒரு பங்கு மட்டுமே உண்மையான ஊதிய உயர்வு இருக்கும் என்று கணிக்கப்பட்டுள்ளது, இருப்பினும் இது 2022ஐ விட சிறந்தது. 

ஈசிஏ நிறுவனத்தின் சம்பளப் போக்குகள் தொடர்பான கணக்கெடுப்பு, 68 நாடுகள் மற்றும் நகரங்களில் உள்ள 360க்கும் மேற்பட்ட பன்னாட்டு நிறுவனங்களிடமிருந்து சேகரிக்கப்பட்ட தகவல்களின் அடிப்படையில் உருவாக்கப்பட்டுள்ளது" என்றார். 

2023ல் சம்பள உயர்வைக் காண வழிமேல் விழிவைத்து எதிர்பார்த்திருக்கும் முதல் 10 நாடுகள்:

இந்தியா (4.6 சதவிகிதம்
வியட்நாம் (4.0 சதவிகிதம்
சீனா (3.8 சதவிகிதம்
பிரேசில் (3.4 சதவிகிதம்
சவுதி அரேபியா (2.3 சதவிகிதம்
மலேசியா (2.2 சதவிகிதம்
கம்போடியா (2.2 சதவிகிதம்
தாய்லாந்து (2.2 சதவிகிதம்
ஓமன் (2.0 சதவிகிதம்
ரஷ்யா (1.9 சதவிகிதம்