Gold, Silver Price : விநாயகர் சதுர்த்தியில் தங்கம், வெள்ளி விலை எப்படி..? கடைக்கு போகலாமா, வேண்டாமா?
Gold, Silver Price : விநாயகர் சதுர்த்தியான இன்று தங்கம் விலை மாற்றமின்றி விற்பனை செய்யப்பட்டு வருகிறது.
சென்னையில் 22 காரட் ஆபரணத்தங்கம் கிராமிற்கு ரூபாய் 4 ஆயிரத்து 790க்கு விற்கப்படுகிறது. சவரன் தங்கம் ரூபாய் 38 ஆயிரத்து 320க்கு விற்கப்படுகிறது. இந்த நிலையில், விநாயகர் சதுர்த்தியான இன்று தங்கம் விலை மாற்றமின்றி அதே விலையில் விற்கப்படுகிறது. 24 காரட் தங்கம் ரூபாய் 5 ஆயிரத்து 192க்கு விற்கப்படுகிறது. சவரன் தங்கம் ரூபாய் 41 ஆயிரத்து 536க்கு விற்கப்படுகிறது. வெள்ளி 70 காசுகள் குறைந்து ரூபாய் 60.10க்கு விற்கப்படுகிறது. ஒரு கிலோ வெள்ளி ரூபாய் 60 ஆயிரத்து 100க்கு விற்கப்படுகிறது.
இந்தியக் குடும்பங்களில் தங்கத்துக்கு மிகுந்த முக்கியத்துவம் கொடுக்கப்படுகிறது. திருமணங்களின்போது மணமகள் அணியும் தங்க ஆபரணங்களை வாங்குவதற்கு சென்னை புகழ் பெற்ற இடமாக விளங்குகிறது. அதனால் தான் மக்கள் தங்கத்தை ஆபரணமாக வாங்க விரும்புகிறார்கள். தங்கம் என்றைக்குமே ஒரு சேமிப்பாக பார்க்கப்படுகிறது. இன்னொரு முக்கியமான விஷயம் என்னவென்றால் இதர முதலீடுகளைப்போல தங்கத்தில் முதலீடு செய்வதில் எந்த சட்ட சிக்கல்களும் கிடையாது. தரம் மட்டுமே முக்கியம்.
தங்கம் ஒரு சிறு சேமிப்புத் திட்டம். கொஞ்சம் கொஞ்சமாக சேமித்து வந்தால், ஒரு நாளில் அது பெரிய தொகையாக நமக்கு கிடைக்கும். பணமாக சேர்த்து வைத்தால், நாம் செலவு செய்துவிடும் வாய்ப்பு இருக்கிறது. ஆனால், தங்கம், நகைச் சீட்டு என்றால் அவ்வாறு ஆகாது. இல்லையா? தங்கம் மிகப்பெரிய முதலீடு என்பதை நினைவில் கொள்ளுங்கள். நீங்க சேமிக்க தொடங்கியாச்சா?
தலைப்பு செய்திகள்
ட்ரெண்டிங் செய்திகள்
