Gold Silver Rate Jan.20th: ஷாக் மேல் ஷாக் கொடுக்கும் தங்கம்; இன்று ஒரே நாளில் ரூ.3,600 உயர்வு; வெள்ளி கிராம் ரூ.22 அதிகரிப்பு
தங்கத்தின் விலை நாளுக்கு நாள் பொதுமக்களுக்கு அதிர்ச்சையை கொடுத்து வருகிறது. இன்று ஒரே நாளில் சவரனுக்கு ரூ.3,600 உயர்ந்துள்ளது. இதேபோல், வெள்ளி விலையும் கிராமிற்கு ரூ.22 உயர்ந்து ஷாக் கொடுத்துள்ளது.
சென்னையில் ஆபரணத் தங்கத்தின் விலை பொதுமக்களுக்கு பேரதிர்ச்சி கொடுத்துள்ளது. இன்று ஒரே நாளில் சவரனுக்கு 3,600 ரூபாய் விலை உயர்ந்து, சவரன் 1.11 லட்சம் ரூபாயை கடந்துள்ள நிலையில், மறுபுறம் வெள்ளியின் விலையும் கிராமிற்கு 22 ரூபாய் உயர்ந்து மக்களை கவலையடையச் செய்துள்ளது. தங்கம் மற்றும் வெள்ளியின் இன்றைய விலை நிலவரத்தை பார்க்கலாம்.
ரூ.1.11 லட்சத்தை தாண்டிய தங்கம் விலை
தங்கத்தின் விலை கடந்த வாரத்தின் தொடக்கத்தில், அதாவது 12-ம் தேதி விலை உயர்ந்து, ஒரு கிராம் 13,120 ரூபாய்க்கும், ஒரு சவரன் 1,04,960 ரூபாய் என்ற புதிய உச்ச விலையிலும் விற்பனை செய்யப்பட்டது. தொடர்ந்து, 13-ம் தேதி மேலும் விலை உயர்ந்து, புதிய வரலாற்று உச்ச விலையை அடைந்தது. அதன்படி, கிராமிற்கு 50 ரூபாய் விலை உயர்ந்து, ஒரு கிராம் 13,170 ரூபாய்க்கும், சவரனுக்கு 400 ரூபாய் விலை உயர்ந்து, ஒரு சவரன் 1,05,360 ரூபாய்க்கும் விற்கப்பட்டது..
இந்நிலையில், 14-ம் தேதி கிராமிற்கு 110 ரூபாயும், சவரனுக்கு 880 ரூபாயும் விலை உயர்ந்து அதிர்ச்சி அளித்தது. அதன்படி, ஒரு கிராம் 13,280 ரூபாய்க்கும், ஒரு சவரன் 1,06,240 ரூபாய் என்ற வரலாற்று புதிய உச்ச விலையிலும் விற்பனை செய்யப்பட்டது. இதைத் தொடர்ந்து, பொங்கல் பண்டிகை நாளான 15-ம் தேதி, மேலும் விலை உயர்ந்த தங்கம், ஒரு கிராம் 13,290 என்ற உச்ச விலையையும், ஒரு சவரன் தங்கம் வரலாற்று உச்ச விலையாக, 1,06,320 ரூபாயை எட்டியது.
இதைத் தொடர்ந்து, 16-ம் தேதி கிராமிற்கு 60 ரூபாய் விலை குறைந்த தங்கம், ஒரு கிராம் 13,230 ரூபாய்க்கும், சவரனுக்கு 480 ரூபாய் விலை குறைந்து, ஒரு சவரன் 1,05,840 ருபாய்க்கும் விற்கப்பட்டது. பின்னர், வார இறுதியில், அதாவது சனிக்கிழமையான 17-ம் தேதி மீண்டும் ஏறுமுகத்திற்கு சென்று, ஒரு கிராம் 13,280 ரூபாய்க்கும், ஒரு சவரன் 1,06,240 ரூபாய்க்கும் விற்கப்பட்டது. 18-ம் தேதியும் அதே விலையில் நீடித்தது.
இந்நிலையில், இந்த வாரத்தின் தொடக்கத்தில், அதாவது 19-ம் தேதியான நேற்று, மேலும் அதிரடியாக விலை உயர்ந்தது. அதன்படி, ஒரு கிராம் 13,450 ரூபாயாகவும், ஒரு சவரன் 1,07,600 ரூபாயாகவும் எகிறிது.
இன்று பேரதிர்ச்சி அளித்த தங்கம் - விலை என்ன.?
இந்த சூழலில், இன்று ஒரே நாளில், தங்கத்தின் வலை 3,600 ரூபாய் அதிகரித்து பேரதிர்ச்சி அளித்துள்ளது. காலையில் சவரனுக்கு 1,280 ரூபாய் விலை உயர்ந்து, ஒரு சவரன் 1,08,880 ரூபாய்க்கும், ஒரு கிராம் 160 ரூபாய் விலை உயர்ந்து 13,610 ரூபாய்க்கும் விற்பனையானது.
இந்நிலையில், மாலையில் அதிரடியாக கிராமிற்கு மேலும் 290 ரூபாய் விலை உயர்ந்து, ஒரு கிராம் 13,900 ரூபாய்க்கும், சவரனுக்கு மேலும் 2,320 ரூபாய் விலை உயர்ந்து, ஒரு சவரன் 1,11,200 ரூபாய்க்கும் விற்பனை செய்யப்படுகிறது.
வெள்ளி விலையும் அதிர்ச்சி
இதேபோல், வெள்ளியின் விலையும் இன்று ஒரே நாளில் 22 ரூபாய் விலை உயர்ந்து அதிர்ச்சி கொடுத்துள்ளது. சென்ற வாரத்தின் இறுதியில் கிராம் 310 ரூபாயாக இருந்த வெள்ளியின் விலை, இந்த வாரத்தில் தொடக்க நாளில், அதாவது 19-ம் தேதியான நேற்று 8 ரூபாய் விலை உயர்ந்து, ஒரு கிராம் 318 ரூபாய்க்கு விற்பனை செய்யப்பட்டது.
இந்த நிலையில், வெள்ளியின் விலை இன்று காலையில் கிராமிற்கு 12 ரூபாய் அதிகரித்து, ஒரு கிராம் 330 ரூபாய்க்கு விற்பனை செய்யப்பட்டது. இந்த சூழலில், மாலையில் கிராமிற்கு மேலும் 10 ரூபாய் விலை உயர்ந்து, ஒரு கிராம் 340 ரூபாய்க்கும், ஒரு கிலோ பார் வெள்ளி 3 லட்சத்து 40 ஆயிரம் ரூபாய்க்கும் விற்கப்படுகிறது.
தங்கம் மற்றும் வெள்ளி விலை இந்த அளவிற்கு உயர்ந்துள்ளது பொதுமக்களிடையே பெரும் கவலையை ஏற்படுத்தியுள்ளது.
தலைப்பு செய்திகள்
ட்ரெண்டிங் செய்திகள்
