Gold Rate 21st April: நடுத்தர குடும்பங்களின் கனவில் கதகளி ஆடும் தங்கம்.. இன்றைய விலை தெரியுமா.?
சென்னையில் ஆபரணத் தங்கத்தின் விலை கிராம் ரூ.9,000-த்தையும், சவரன் ரூ.72,000-த்தையும் கடந்துள்ளதால், பொதுமக்கள் பெரும் அதிர்ச்சி அடைந்துள்ளனர்.
சென்னையில் ஆபரணத் தங்கத்தின் விலை தினந்தோறும் மாற்றியமைக்கப்பட்டு வரும் நிலையில், கடந்த 16-ம் தேதி முதல் தொடர்ந்து ஏறுமுகத்தில் இருந்த தங்கத்தின் விலை, இன்று அதிரடியாக கிராம் 9 ஆயிரம் ரூபாயையும், சவரன் 72 ஆயிரம் ரூபாயையும் கடந்துள்ளதுள்ளதால், பெரும் அதிர்ச்சி ஏற்பட்டுள்ளது.
தொடர்ந்து அதிரடி விலை ஏற்றத்தில் உள்ள தங்கம்
தங்கத்தின் விலை சமீப காலமாக அதிரடியாக உயர்ந்து வருகிறது. கடந்த 16-ம் தேதி சவரன் 70 ஆயிரத்தை கடந்து, 70,520 ரூபாயாக உயந்தது. ஒரு கிராம் 8,815 ரூபாயாக இருந்தது. 17-ம் தேதி அதிரடியாக கிராமிற்கு 105 ரூபாய் உயர்ந்து கிராம் 8,920 ரூபாய்க்கு விற்பனையானது. ஒரு சரவன் 840 ரூபாய் உயர்ந்து 71 ஆயிரத்தை கடந்து 71,360 ரூபாய்க்கு விற்கப்பட்டது.
18-ம் தேதி கிராமிற்கு 25 ரூபாய் உயர்ந்து ஒரு கிராம் 8,945 ரூபாய்க்கும், சவரனுக்கு 200 ரூபாய் உயர்ந்து 71,560 ரூபாய்க்கும் விற்பனையானது. பின்னர் 19, 20 தேதிகளில் அதே விலையில் நீடித்த தங்கம், 21-ம் தேதியான இன்று கிராம் 9 ஆயிரம் ரூபாயையும், சவரன் 72 ரூபாயையும் தாண்டியதால் பொதுமக்கள் அதிர்ச்சியடைந்துள்ளனர்.
புதிய வரலாற்று உச்சத்தில் தங்கம் விலை
அதன்படி சென்னையில் இன்று தங்கம் ஒரு கிராம் 70 ரூபாய் உயர்ந்து 9,015 ரூபாயாக விற்பனையாகிறது. ஒரு சவரன் தங்கம் 560 ரூபாய் உயர்ந்து, சவரன் 72,120 ரூபாய்க்கு என்ற வரலாறு காணாத உச்ச விலையில் விற்கப்படுகிறது.
கிராமிற்கு 1 ரூபாய் உயர்ந்த வெள்ளி
வெள்ளியின் விலை கடந்த 15-ம் தேதியிலிருந்து, நேற்று, அதாவது 20-ம் தேதி வரை, கிராம் 110 ரூபாயாகவும், ஒரு கிலோ பார் வெள்ளி 1 லட்சத்து 10 ஆயிரம் ரூபாயாகவும் விற்பனையாகி வந்தது.
இந்த நிலையில், இன்று(21.04.25) கிராமிற்கு ஒரு ரூபாய் உயர்ந்து, கிராம் 111 ரூபாய்க்கு விற்கப்படுகிறது. ஒரு கிலோ பார் வெள்ளி 1 லட்சத்து 11 ஆயிரம் ரூபாயாகவும் உள்ளது.
தங்கம் மற்றும் வெள்ளியின் விலை தொடர் உயர்வை சந்தித்து வரலாறு காணாத உச்ச விலைகளை எட்டி வருவது, பொதுமக்கள், குறிப்பாக நடுத்தர வர்கத்தினரிடையே பெரும் கலக்கத்தை ஏற்படுத்தி வருகிறது. வரும் நாட்களிலும் விலை தொடர்ந்து உயருமோ என்ற அச்சமும் அவர்களிடையே எழுந்துள்ளது.
தலைப்பு செய்திகள்
ட்ரெண்டிங் செய்திகள்
