தங்கம் விலை ரூ.34 ஆயிரத்தை தாண்டியது

சென்னையில் தங்கத்தின் விலை சவரனுக்கு ரூ.34 ஆயிரத்து 136 ரூபாய்க்கு விற்பனை செய்யப்படுகிறது. தங்கம் மீண்டும் ரூ.34 ஆயிரத்திற்கும் அதிகமாக விற்கப்படுவதால் பொதுமக்கள் வேதனை அடைந்துள்ளனர்.

gold

சென்னையில் நேற்று ஒரு கிராம் தங்கத்தின் விலை ரூ.4 ஆயிரத்து 238 ரூபாய்க்கு விற்கப்பட்டது. இந்தநிலையில், இன்று கிராமுக்கு ரூ.29 அதிகரித்து ரூ.4 ஆயிரத்து 267க்கு தங்கம் விற்பனை செய்யப்பட்டது. இதேபோல, நேற்று ஒரு சவரன் ரூ.33,904-க்கு விற்பனை செய்யப்பட்ட தங்கம் இன்று ரூ.232 அதிகரித்து ரூ.34 ஆயிரத்து136 ரூபாய்க்கு விற்பனை செய்யப்படுகிறது.

இதேபோல, வெள்ளியின் விலையும் இன்றும் உயர்ந்து காணப்படுகிறது. நேற்று ஒரு கிராம் ரூ.68.70 விற்பனை செய்யப்பட்ட வெள்ளி, இன்று ரூ.1.30 அதிகரித்து ரூ.70-க்கு விற்கப்படுகிறது. இதேபோல. நேற்று ஒரு கிலோ ரூ.68,700-க்கு விற்கப்பட்ட வெள்ளி இன்று ரூ.70 ஆயிரத்திற்கு விற்கப்படுகிறது. தங்கம் விலை மீண்டும் ரூ.34 ஆயிரத்தை தாண்டியுள்ளது.