![ABP Premium](https://cdn.abplive.com/imagebank/Premium-ad-Icon.png)
Gold, Silver Price in Chennai : ஏறுமுகத்துடன் வாரத்தை தொடங்கும் தங்கம்.. இன்றைய விலை நிலவரம்!
சென்னையில் இன்று தங்கம் சவரனுக்கு ரூபாய் 32 அதிகரித்து ரூபாய் 36 ஆயிரத்து 368க்கு விற்கப்படுகிறது.
![Gold, Silver Price in Chennai : ஏறுமுகத்துடன் வாரத்தை தொடங்கும் தங்கம்.. இன்றைய விலை நிலவரம்! gold and silver price today in chennai Gold, Silver Price in Chennai : ஏறுமுகத்துடன் வாரத்தை தொடங்கும் தங்கம்.. இன்றைய விலை நிலவரம்!](https://feeds.abplive.com/onecms/images/uploaded-images/2021/07/19/1adc9961fc18170f1b1c4358952cdd98_original.jpg?impolicy=abp_cdn&imwidth=1200&height=675)
சென்னையில் நேற்று ஆபரணத்தங்கம் 22 கேரட் கிராமிற்கு ரூபாய் 4 ஆயிரத்து 542க்கு விற்கப்பட்டது. இன்று காலை நிவரப்படி, கிராமிற்கு ரூபாய் 4 உயர்ந்து ரூபாய் 4 ஆயிரத்து 546க்கு விற்கப்படுகிறது. சென்னையில் நேற்று சவரன் ரூபாய் 36 ஆயிரத்து 336க்கு விற்கப்பட்டது. இன்று காலை நிலவரப்படி, ரூபாய் 32 அதிகரித்து ரூபாய் 36 ஆயிரத்து 368 ஆக அதிகரித்துள்ளது. அதேபோல, 24 கேரட் தங்கம் கிராமிற்கு ரூபாய் 4 ஆயிரத்து 900க்கும், சவரனுக்கு ரூபாய் 39 ஆயிரத்து 200க்கும் விற்கப்படுகிறது. வெள்ளி கிராமிற்கு ரூபாய் 30 காசுகள் குறைந்து ரூபாய் 72.90க்கு விற்கப்படுகிறது. ஒரு கிலோ வெள்ளி ரூபாய் 72 ஆயிரத்து 900க்கு விற்கப்படுகிறது.
தங்கம் விலை உயர்வு ஏன்?
தங்கம் விலை தொடர்ந்து அதிகரிக்குமா என்பது குறித்து மெட்ராஸ் ஜூவல்லர்ஸ் மற்றும் டைமண்ட் மெர்ச்சன்ட் அசோசியேசன் தலைவர் ஜெயந்திலால் சலானி ஏபிபி நாடுக்கு பேட்டி அளித்தார். அந்தப் பேட்டியில் அவர் கூறுகையில், ‛‛பொருளாதார மந்தமான சூழ்நிலை ஏற்படும்போது, பொருளாதார துறையைச் சேர்ந்த பங்குச் சந்தைகள் சரிவை நோக்கிப்போகும். அப்படிப்பட்ட சூழலில் தங்கத்தின் மீது முதலீடுகள் அதிகரிக்கும். இந்த மாதிரியான சூழ்நிலை தொடர்ந்து நீடித்தால் தங்கம் விலை இன்னும் அதிகரிக்கும். காரணம் முதலீட்டாளர்களிடம் உள்ள ஒரு பீதியால், தங்கத்தின் மீது முதலீடுகள் அதிகரிக்கும். முதலீடுகள் எப்போதெல்லாம் அதிகரிக்கிறதோ, அப்போதெல்லாம் தங்கத்தின் விலை அதிகரிக்கக்கூடும் என்றார்.
![Gold, Silver Price | தங்கம் விலை சவரனுக்கு ரூபாய் 72 குறைவு..!](https://feeds.abplive.com/onecms/images/uploaded-images/2021/07/16/4c1669a12c16ff93a0fc97879f5ccc59_original.jpg)
மேலும், கொரோனாவின் தாக்கம் குறைந்து, பொருளாதாரம் மந்த நிலையில் இருந்து மீண்டு நல்ல நிலைக்கு சென்ற காரணத்தினால், பொருளாதார துறையைச் சேர்ந்த முதலீடுகள், பங்குச்சந்தைகள் அதிகரித்தன. அதன் காரணமாக தங்கம் விலை சரிந்தது. தற்போதைய சூழ்நிலையில் பங்குச்சந்தையில் முதலீடு செய்வதையே முதலீட்டாளர்கள் விரும்புவார்கள். காரணம் எது லாபம் கொடுக்குமோ அதில்தான் அவர்கள் முதலீடு செய்வார்கள். இப்போதைய சூழ்நிலை இதுவே" என்று கூறினார். கொரோனா தொடர்ந்து அதிகரிக்கும்பட்சத்தில், தங்கத்தின் விலையும் தொடர்ந்து உயரும். தங்கத்தின் விலை சவரனுக்கு 40 ஆயிரம் ரூபாய் வரை கடக்க வாய்ப்புள்ளது என்றார். மீண்டும் தங்கம் விலை உயருமா, அல்லது குறையுமா என்பதை அடுத்தடுத்த நாட்களில் தெரிய வரும்" என்றார்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)