சென்னையில் தங்கம் விலை அதிரடி மாற்றம்! ஒரே நாளில் சவரனுக்கு ₹2400 குறைவு! இன்றைய நிலவரம் இதோ!
ஆபரணத் தங்கத்தின் விலை ஒரேநாளில் சவரனுக்கு ரூ.2400க்கு குறைந்துள்ளது.
சென்னையில் ஆபரணத் தங்கத்தின் விலை ஒரே நாளில் சவரனுக்கு ரூ.2400க்கு குறைந்தது. தங்கம் விலை காலையில் சவரனுக்கு ரூ.800 குறைந்திருந்த நிலையில் தற்போது ரூ.1600க்கு குறைந்துள்ளது.
நேற்றைய அதிரடிக்குப்பின் இன்று இரண்டு முறை குறைந்த தங்கத்தின் விலை
தங்கத்தின் விலை கடந்த வார இறுதியில், அதாவது அதாவது சனிக்கிழமையான 28-ம் தேதி அதிரடியாக விலை உயர்ந்து, ஒரு கிராம் 13,660 ரூபாய்க்கும், ஒரு சவரன் 1,09,280 ரூபாய்க்கும் விற்பனையானது. 29-ம் தேதி ஞாயிற்றுக்கிழமை என்பதால் விலையில் எந்த மாற்றமும் இல்லை.
இந்த நிலையில், இந்த வாரத்தின் முதல் நாளான 30-ம் தேதி காலையில், தங்கத்தின் விலை குறைந்தது. அதன்படி, கிராமிற்கு 60 ரூபாய் குறைந்து ஒரு கிராம் 13,600 ரூபாய்க்கும், சவரனுக்கு 480 ரூபாய் குறைந்து 1,08,800 ரூபாய்க்கும் விற்பனை செய்யப்பட்டது. ஆனால், மாலையில் சவரனுக்கு 1,360 ரூபாய் உயர்ந்து அதிர்ச்சி கொடுத்தது. அதன்படி, கிராமிற்கு 170 ரூபாய் விலை உயர்ந்து, ஒரு கிராம் 13,770 ரூபாய்க்கும், ஒரு சவரன் 1,10,160 ரூபாய்க்கும் விற்பனை செய்யப்பட்டது.
இந்த சூழலில் 31-ம் தேதி காலையிலேயே தங்கத்தின் விலை சவரனுக்கு 800 ரூபாய் குறைந்தது. அதன்படி, கிராமிற்கு 100 ரூபாய் குறைந்து, ஒரு கிராம் 13,670 ரூபாய்க்கும், ஒரு சவரன் 1,09,360 ரூபாய்க்கும் விற்பனை செய்யப்பட்டது.
இந்நிலையில், நேற்று தங்கத்தின் விலை அதிரடியாக உயர்ந்து அதிர்ச்சி கொடுத்தது. அதன்படி, தங்கத்தின் விலை நேற்று கிராமிற்கு 380 ரூபாய் உயர்ந்து, ஒரு கிராம் 14,050 ரூபாய்க்கும், சவரனுக்கு 3,040 ரூபாய் உயர்ந்து, ஒரு சவரன் 1,12,400 ரூபாய்க்கும் விற்பனை செய்யப்பட்டது. இந்த சூழலில் இன்று தங்கத்தின் விலை குறைந்துள்ளது.
தங்கத்தின் இன்றைய விலை என்ன.?
அதன்படி, தங்கம் விலை சவரனுக்கு 800 ரூபாய் குறைந்து, ஒரு சவரன் 1,11,600 ரூபாய்க்கும், கிராமிற்கு 100 ரூபாய் விலை குறைந்து, ஒரு கிராம் 13,950 ரூபாய்க்கும் விற்பனை செய்யப்படுகிறது. மாலையில் தற்போது ரூ.1600 குறைந்துள்ளது. இதன் மூலம் ஒரே நாளில் ரூ.2400 குறைந்து ஒரு சவரன் 1,10,000க்கு விற்பனை செய்யப்படுகிறது. காலையில் கிராமுக்கு ரூ.100 குறைந்திருந்த நிலையில் தற்போது ரூ.300 குறைந்து ஒரு கிராம் ரூ.13,750க்கு விற்பனையாகிறது.
வெள்ளி விலையும் குறைவு
இந்த நிலையில், வெள்ளியின் விலையும் இன்று குறைந்துள்ளது. வெள்ளியின் விலை கடந்த வார இறுதியில், அதாவது சனிக்கிழமையான 28-ம் தேதி கிராமிற்கு 5 ரூபாய் விலை உயர்ந்து, ஒரு கிராம் 250 ரூபாய்க்கு விற்கப்பட்டது. 29-ம் தேதியும் அதே விலையில் நீடித்தது. இந்த நிலையில், வெள்ளியின் விலை 30-ம் தேதி காலையிலும் மாற்றமின்றி கிராம் 250 ரூபாய் என்ற விலையிலேயே நீடித்தது. ஆனால், மாலையில் கிராமிற்கு 5 ரூபாய் விலை உயர்ந்து, ஒரு கிராம் வெள்ளி 255 ரூபாய்க்கு விற்பனை செய்யப்பட்டது.
இந்த நிலையில், 31-ம் தேதி காலையிலேயே கிராமிற்கு 5 ரூபாய் குறைந்து, ஒரு கிராம் 250 ரூபாய்க்கு விற்பனையானது. இந்த சூழலில், ஏப்ரல் 1-ம் தேதியான நேற்று வெள்ளியின் விலை கிராமிற்கு 15 ரூபாய் உயர்ந்து, ஒரு கிராம் 265 ரூபாய்க்கு விற்கப்பட்டது.
இந்த சூழலில், இன்று வெள்ளியின் விலை கிராமிற்கு 10 ரூபாய் குறைந்து, ஒரு கிராம் 255 ரூபாய்க்கு விற்பனை செய்யப்படுகிறது. அதன்படி ஒரு கிலோ பார் வெள்ளி 2 லட்சத்து 55 ஆயிரம் ரூபாய்க்கு விற்பனை செய்யப்படுகிறது.
தலைப்பு செய்திகள்
ட்ரெண்டிங் செய்திகள்
