Bank Holidays March 2024: பேங்க் போறீங்களா? மார்ச் மாதத்தில் எந்தெந்த நாட்களில் விடுமுறை தெரியுமா? நோட் பண்ணிக்கோங்க!

மார்ச் 2024 மாதத்தில் நாடு முழுவதும் எத்தனை நாட்கள் வங்கிகளுக்கு விடுமுறை என்பதை கீழே விரிவாக காணலாம்.

வங்கி விடுமுறை

Bank Holidays March 2024: மார்ச் மாதத்தில் நாடு முழுவதும் எத்தனை நாட்கள் வங்கிகளுக்கு விடுமுறை என்பதை இந்த தொகுப்பில் அறியலாம்.

வங்கிகள் விடுமுறை:

வார இறுதி மற்றும் விழாக்காலங்களில் வங்கிகளுக்கு பொது விடுமுறை அளிப்பது வழக்கம். அந்த வகையில், மார்ச் மாதத்தில் மட்டும் 14 நாட்களுக்கு வங்கிகள் இயங்காது என அறிவிக்கப்பட்டுள்ளது. சில விடுமுறை நாடு முழுவதும் அனைத்து வங்கிகளுக்கும் பொதுவாக வழங்கப்பட்டாலும், சில பகுதிகளில் சில நாட்கள் உள்ளூர் விடுமுறையும் வழங்கப்படுகிறது. அதேநேரம், அனைத்து வங்கிகளுக்குமான ஆன்லைன் சேவை தடையின்றி தொடரும் என தெரிவிக்கப்பட்டுள்ளது.

உள்ளூர் விடுமுறை:

மார்ச் மாதத்தின் வார இறுதி விடுமுறையை தாண்டி, சிறப்பு தினங்களாக அனுசரிக்கப்படும்  புத்தாண்டு, பொங்கல் பண்டிகைக்கு வங்கிகள் மூடப்பட்டிருக்கும். ஆனால், குறிப்பிட்ட சில பகுதிகளுக்கு மட்டுமே உள்ளூர் விடுமுறையாக அறிவிக்கப்படும். உதாரணமாக, மார்ச் 29ஆம் தேதி புனித வெள்ளியை முன்னிட்டு கேரளா, ஆந்திரா, தெலங்கானா உள்ளிட்ட மாநிலங்கிள்ல வங்கிகள் மூடப்படும். ஆனால், அதே பண்டிகைக்காக மற்ற மாநிலங்களில் வங்கிகள் மூடப்படாது.

விடுமுறை தின பட்டியல்:

• மார்ச் 1: சாப்சார் குட் விழா (மிசோரம் வங்கிகளுக்கு மட்டும் விடுமுறை)
• மார்ச் 3: ஞாயிற்றுகிழமை
• மார்ச் 8: மகா சிவராத்திரி (டெல்லி, பீகார், ராஜஸ்தான், தமிழ்நாடு, திரிபுரா, மேற்கு வங்கம், மிசோரம், அசாம், மணிப்பூர், மேகாலயா,  நாகலாந்து, கோவா ஆகிய இடங்களை தவிர மற்ற இடங்களில் பெரும்பாலும் வங்கிகளுக்கு விடுமுறை)
• மார்ச் 9: இரண்டாவது சனிக்கிழமை
• மார்ச் 10: ஞாயிற்றுகிழமை
• மார்ச் 22: பீகார் திவாஸ் (பீகார் மாநிலத்தில் மட்டும் வங்கிகளுக்கு விடுமுறை)
• மார்ச் 23: நான்காவது சனிக்கிழமை
• மார்ச் 24: ஞாயிற்று கிழமை
• மார்ச் 25: ஹோலி பண்டிகை (கர்நாடாக, ஓடிசா, தமிழ்நாடு, மணிப்பூர், கேரளா, நாகலாந்து, பீகாரை  தவிர்த்து மற்ற இடங்களில்  வங்கிகளுக்கு விடுமுறை)
• மார்ச் 26: ஹோலி பண்டிகை (ஓடிசா, மணிப்பூர், பீகார் மாநிலங்களில் மட்டும் வங்கிகளுக்கு விடுமுறை)
• மார்ச் 27: ஹோலி பண்டிகை (பீகாரில் மட்டும் வங்கிகளுக்கு விடுமுறை)
• மார்ச் 29: புனித வெள்ளி (திரிபுரா, அசாம், ராஜஸ்தான், ஜம்மு, ஹிமாச்சல் பிரதேசத்தை தவிர மற்ற மாநிலங்களில் வங்கிகளுக்கு விடுமுறை)
• மார்ச் 31: ஞாயிற்றுகிழமை

தமிழ்நாடு விடுமுறை பட்டியல்:

தமிழ்நாட்டை பொறுத்தவரையில் வழக்கமாக வழங்கப்படும் ஞாயிற்றுக்கிழமை விடுமுறையை தாண்டி கூடுதலாக மூன்று நாட்கள் விடுமுறை அளிக்கப்பட்டுள்ளது. அதன்படி, மார்ச் 9ஆம் தேதி இரண்டாவது சனிக்கிழமை, மார்ச் 23ஆம் தேதி நான்காவது சனிக்கிழமை, மார்ச் 29ஆம் தேதி புனித வெள்ளி ஆகிய நாட்களில் வங்கிகளுக்கு விடுமுறை அளிக்கப்பட்டுள்ளது. 

கடந்த மாதத்திலும் தமிழகத்தில் 4  நாட்கள் வங்கிகளுக்கு கூடுதல் விடுமுறை வழங்கப்பட்டது குறிப்பிடத்தக்கது. இதையடுத்து, வங்கி விடுமுறை தினங்களை மனதில் கொண்டு அதற்கேற்றவாறு, தங்களுக்கான பணிகளை திட்டமிட்டுக்கொள்ளுமாறு பொதுமக்கள் கேட்டுக்கொள்ளப்படுகின்றனர்.