Creta Rival: டர்போ பெட்ரோல் & ADAS உடன் க்ரேட்டாவை அடிக்க வருகிறது நிசானின் SUV - ஜுலை 9ம் தேதி லாஞ்ச்
Creta Rival Nissan Tekton: இந்திய ஆட்டோமொபைல் சந்தையில் மிட்-சைஸ் எஸ்யுவி பிரிவில் ஆதிக்கம் செலுத்தி வரும் க்ரேட்டாவிற்கு போட்டியாக, நிசானின் டெக்டான் வரும் ஜுலை 9ம் தேதி சந்தைப்படுத்தப்பட உள்ளது.
Creta Rival Nissan Tekton: நிசானின் டெக்டான் எஸ்யுவியில் டர்போ பெட்ரோல் இன்ஜின் ஆப்ஷன் இடம்பெற உள்ளது கவனத்தை ஈர்த்துள்ளது.
க்ரேட்டாவிற்கு போட்டியாக வரும் நிசானின் டெக்டான்
ரெனால்ட் டஸ்டரின் காரை அடிப்படையாக கொண்டு உருவாக்கப்பட்டுள்ள, நிசான் டெக்டானை உள்ளூர் சந்தையில் அறிமுகப்படுத்துவதற்கான தேதி இறுதி செய்யப்பட்டுள்ளது. அதன்படி, இந்த நடுத்தர அளவு எஸ்யூவி, 2026 ஜூலை 9 அன்று இந்தியாவில் அறிமுகமாக உள்ளது. தொடர்ந்து அடுத்த சில மாதங்களில் விற்பனைக்கும் கொண்டு வரப்படும் என கூறப்படுகிறது. டெரானோ மற்றும் கிக்ஸ் மாடல்களுக்குப் பிறகு, மிகவும் போட்டி நிறைந்த மிட்-சைஸ் எஸ்யூவி பிரிவில் இந்த பிராண்டின் மூன்றாவது முயற்சியாக டெக்டான் கொண்டுவரப்படுகிறது. டஸ்டரிலிருந்து இதை வேறுபடுத்திக் காட்டுவதற்காக, நிசான் பேட்ரோல் எஸ்யூவியிலிருந்து பல வடிவமைப்பு அம்சங்களை பின்பற்றியுள்ளது.
நிசான் டெக்டான் - டிசைன் விவரங்கள்
டெக்டானின் முன்பக்கத் தோற்றம் ரெனால்ட் டஸ்டரிலிருந்து முற்றிலும் மாறுபட்டதாக உள்ளது. இரண்டு க்ரோம் பட்டைகளுடன் கூடிய அகலமான க்ரில், கனெக்டட் எல்இடி டிஆர்எல்களுடன் கூடிய எல்இடி முகப்பு விளக்குகள் மற்றும் டூயல்-டோன் பம்பர் ஆகியவை வழங்கப்பட உள்ளன. செதுக்கப்பட்ட பானட்டில் 'TEKTON' என்ற பெயர் பொறிக்கப்பட்டுள்ளது. பக்கவாட்டுத் தோற்றம் ரெனால்ட் டஸ்டரை மிகவும் ஒத்திருந்தாலும், இந்த புதிய நிசான் மிட்-சைச் எஸ்யூவி, தன்னைத் தனித்துக் காட்டுவதற்காகப் புதிதாக வடிவமைக்கப்பட்ட அலாய் வீல்களை பயன்படுத்துகிறது.
பின்புறத்தில், இந்த எஸ்யூவி கூரையில் பொருத்தப்பட்ட ஸ்பாய்லர், கனெக்டட் எல்இடி டெயில்லேம்ப்கள், ஒரே வண்ணத்தில் அமைந்த டெயில்கேட் மற்றும் இரட்டை வண்ண பின்புற பம்பர் ஆகியவற்றைக் கொண்டிருக்கும். அளவீடுகளை பொறுத்தவரை நிசான் டெக்டான், டஸ்டரைப் போலவே 4,343 மிமீ நீளம், 1,815 மிமீ அகலம் மற்றும் 1,659 – 1,701 மிமீ உயரம் கொண்டிருக்கும் என எதிர்பார்க்கப்படுகிறது. வீல்பேஸ் 2,657 மிமீ, க்ரவுண்ட் க்ளியரன்ஸ் 212 மிமீ மற்றும் பூட் ஸ்பேஸ் 518 லிட்டர் என மாற்றங்கள் இருக்காது என எதிர்பார்க்கப்படுகிறது.
நிசான் டெக்டான் - உட்புறம் மற்றும் அம்சங்கள்
புதிய நிசான் டெக்டான், புதிய கேபின் தீம், புதிதாக வடிவமைக்கப்பட்ட டேஷ்போர், புதிய ட்ரிம்கள் மற்றும் அப்ஹோல்ஸ்டரி ஆகியவற்றைப் பெறும் என எதிர்பார்க்கப்படுகிறது. இருப்பினும் 10.1 இன்ச் டச்ஸ்க்ரீன் இன்ஃபோடெயின்மென்ட் சிஸ்டம், 10.25 இன்ச் TFT இன்ஸ்ட்ரூமென்ட் க்ளஸ்டர், பவர் மற்றும் வென்டிலேட்டட் முன் இருக்கைகள், ஆட்டோமேட்டிக் க்ளைமேட் கண்ட்ரோல், லெவல் 2 ADAS மற்றும் பல அம்சங்கள் ரெனால்ட் டஸ்டரில் இருந்து அப்படியே வழங்கப்பட வாய்ப்புள்ளது.
நிசான் டெக்டான் - பவர்ட்ரெயின்
புதிய நிசான் மிட்சைஸ் எஸ்யூவியில், ரெனால்ட் டஸ்டரில் இருந்து பெறப்பட்ட 1.0L டர்போ பெட்ரோல் (100bhp/160Nm) மற்றும் 1.3L டர்போ பெட்ரோல் (163bhp/280Nm) இன்ஜின்கள் இடம்பெறும் என எதிர்பார்க்கப்படுகிறது. பிற்காலத்தில், உயர் ரக மாடல்கள் பிரத்தியேகமாக 1.8L பெட்ரோல் இன்ஜின் கொண்ட ஹைப்ரிட் பவர்டிரெய்னுடன் வழங்கப்படலாம். உள்ளூர் சந்தையில் இந்த காரின் விலையானது 11 லட்சத்தில் தொடங்கி 19 லட்சம் ரூபாய் வரை நீளக்கூடும். இதன் போட்டியாளரான க்ரேட்டாவானது ரூ.10.79 லட்சம் தொடங்கி ரூ.20.05 லட்சம் வரையிலான விலை வரம்பை கொண்டுள்ளது.
Before You Go
Tirupati laddu to ayodhya: அயோத்தி ராமருக்கு ஏழுமலையானின் GIFT! | Ayodhya Ram Temple | ttd
தலைப்பு செய்திகள்
ட்ரெண்டிங் செய்திகள்
