Kia Seltos: டாப் 3 போதாது..! புதுசா 2 வேரியண்ட்களை இறக்கிய கியா - 28 ADAS அம்சங்கள் - புது செல்டோஸ் எப்படி?
Kia Seltos SUV: இந்திய ஆட்டோமொபைல் சந்தையில் மிட்-சைஸ் எஸ்யுவி பிரிவில் முன்னணியில் உள்ள , செல்டோஸ் மாடலுக்கு கியா நிறுவனம் புதியதாக இரண்டு வேரியண்ட்களை அறிமுகப்படுத்தியுள்ளது.
Kia Seltos SUV: கியா செல்டோஸ் மாடலின் புதிய வேரியண்ட்கள் தொடர்பான விவரங்களை இந்த தொகுப்பில் அறியலாம்.
டாப் 3 போதாது - கியா:
இந்திய ஆட்டோமொபைல் சந்தையில் மிட்-சைஸ் எஸ்யுவி பிரிவானது மிகவும் போட்டித்தன்மை மிக்கதாக உள்ளது. இருப்பினும் க்ரேட்டா மற்றும் விக்டோரிஸ் மாடல்களை தொடர்ந்து, கடந்த மார்ச் தொடங்கி மே மாதம் வரையிலான விற்பனையில் கியா செல்டோஸ் மூன்றாவது இடத்தை பிடித்துள்ளது. புள்ளி விவரங்களின்படி, செல்டோஸ் ஒவ்வொரு மாதமும் சராசரியாக 10 யூனிட்கள் என 3 மாதங்களில் 32 ஆயிரத்து 204 யூனிட்களை விற்பனை செய்துள்ளது. ஆனால், இந்த விற்பனையை மேலும் ஊக்குவிப்பதற்காக புதியதாக இரண்டு வேரியண்களை தென்கொரிய நிறுவனம் அறிமுகப்படுத்தியுள்ளது. அவை முறையே TX (O) மற்றும் X-Line (O) என குறிப்பிடப்படுகின்றன.
செல்டோஸ் புதிய வேரியண்ட்களின் விவரங்கள்:
ஜிடிஎக்ஸ் (ஓ) மற்றும் எக்ஸ்-லைன் (ஓ) ஆகிய புதிய வேரியன்ட்களால் செல்டோஸ் மிட்சைஸ் எஸ்யூவி லைன் - அப் விரிவுபடுத்தப்பட்டுள்ளது. இவற்றின் விலை ரூ. 2,156,900 (எக்ஸ்-ஷோரூம்) முதல் தொடங்குகிறது. புதிய வேரியன்ட்களின் மிகப்பெரிய சிறப்பம்சம், இந்த செக்மென்ட்டிலேயே முன்னணியில் உள்ள ADAS F+ தொகுப்பு வழங்கப்பட்டு இருப்பதாகும். இதில் 28-க்கும் மேம்பட்ட பாதுகாப்பு அம்சங்கள் அடங்கியுள்ளன. இந்த அப்டேட்டின் மூலம், 2026 கியா செல்டோஸ் ஆனது மேம்பட்ட பாதுகாப்பு, அதிநவீன தொழில்நுட்பம் மற்றும் வசதியை" வழங்கும் என்று கியா பெருமிதம் தெரிவித்துள்ளது.
ADAS F+ பாதுகாப்பு அம்சங்கள்:
செல்டோஸில் புதியதாக இணைக்கப்பட்டுள்ள ADAS F+ பேக்கேஜ் ஆனது ஃப்ரண்ட் கொலிசன் அவாய்டன்ஸ் அசிஸ்ட் - ஜங்க்சன் க்ராஸ்ஸிங், ஃப்ரண்ட் கொலிசன் அவாய்டன்ஸ் அசிஸ்ட் - லேன் சேஞ்ச் ஆன் - கமிங், ஃப்ரண்ட் கொலிசன் அவாய்டன்ஸ் அசிஸ்ட் - லேன் சேஞ்ச் சைட், எவாசிவ் ஸ்டியரிங் அசிஸ் உடன் கூடிய ஃப்ரண்ட் கொலிசன் அவாய்டன்ஸ் அசிஸ்ட், நேவிகேஷன் பேஸ்ட் ஸ்மார்ட் க்ரூஸ் கன்ட்ரோல் ஜோன், நேவிகேஷன் பேஸ்ட் ஸ்மார்ட் க்ரூஸ் கன்ட்ரோல் கர்வ் மற்றும் ட்ரைவிங் அசிஸ்ட் ஆகிய பாதுகாப்பு அம்சங்கள் இணைக்கப்பட்டுள்ளன.
செல்டோஸில் அப்க்ரேட் செய்யப்பட்ட அம்சங்கள்
புதிய கியா செல்டோஸ் GTX (O) மற்றும் X-லைன் (O) வேரியண்ட்டுகளில், கனெக்டட் கார் நேவிகேஷன் காக்பிட், 85-க்கும் மேற்பட்ட அம்சங்களுடன் கூடிய கியா கனெக்ட் 2.0, பிராந்திய மொழிகளில் குரல் வழி வசதி, விண்ட்ஷீல்டில் ஒளியைப் பாய்ச்சும் ஹெட்-அப் டிஸ்ப்ளே (HUD), டிஜிட்டல் சாவி, AQI டிஸ்ப்ளேவுடன் கூடிய ஸ்மார்ட் ஏர் பியூரிஃபையர், முன் மற்றும் பின் கேமராவுடன் கூடிய ஸ்மார்ட் டாஷ்கேம் (மொபைல் செயலியுடன்), அனைத்து பவர் விண்டோக்களுக்கும் ஒன்-டச் ஆட்டோ அப்/டவுன் வசதி மற்றும் ரெயின் சென்சிங் வைப்பர்கள் ஆகிய அம்சங்களும் பொருத்தப்பட்டுள்ளன.
செல்டோஸ் இன்ஜினில் மாற்றமில்லை:
செல்டோஸில் இன்ஜின் அடிப்படையில் எந்த மாற்றங்களும் மேற்கொள்ளப்படவில்லை. புதிய GTX (O) மற்றும் X-Line (O) வேரியண்ட்கள், 1.5-லிட்டர் டர்போ-பெட்ரோல் மற்றும் 1.5-லிட்டர் டீசல் இன்ஜின் ஆப்ஷன்களுடன் தொடர்ந்து வழங்கப்படுகின்றன. இந்த எஸ்யுவி, கியாவின் K3 ப்ளாட்ஃபார்மை அடிப்படையாகக் கொண்டே தொடர்கிறது. தேசிய அளவிலான பாதுகாப்பு பரிசோதனையில் 5-ஸ்டார் ரேட்டிங்கை பெற்றுள்ளது குறிப்பிடத்தக்கது. செல்டோஸ் மாடலின் மொத்த விலைவரம்பானது ரூ.14.15 லட்சத்தில் தொடங்கி ரூ.25.20 லட்சம் ரூபாய் வரை நீள்கிறது.
தலைப்பு செய்திகள்
ட்ரெண்டிங் செய்திகள்
