இன்று சனிப்பெயர்ச்சி.. பலன் என்ன? இன்று சனிபகவானை எப்படி வழிபட்டால் பலன் கிடைக்கும்... ஐதீகம் என்ன?

சனி பெயர்ச்சி பலன்கள் எந்தெந்த ராசிக்காரர்களுக்கு எப்படி இருக்கும்?

சனி பெயர்ச்சி

இன்று சனிப்பெயர்ச்சி நடக்கிறது. மகர ராசியில் இருந்து கும்ப ராசிக்கு இன்று மாலை சனி பகவான் பெயர்ச்சி அடைகிறார். சனி பெயர்ச்சியையொட்டி எந்தெந்த ராசிக்காரர்கள் எப்படி வழிப்படலாம் என்று பார்க்கலாம். 

இன்று மாலை சரியாக 4.05 மணிக்கு மகர ராசியில் இருந்து கும்ப ராசிக்கு  சனி பெயர்ச்சி அடைந்தார்.  இந்த நேரத்தில் சனி பகவானை வழிபடலாம். கருப்பு துணியில் எள் கட்டி நல்லெண்ணைய் ஊற்றி 2 தீபமும், 19 அகல் தீபமும் ஏற்றி மொத்தம் 21 தீபம் ஏற்றி சனி பகவானை வழிபடலாம்.

எள் சாதம், எள் உருண்டை, நெய்வேத்தியமாக செய்து  சனி பகவானை வழிபடலாம். இப்படி வழிபாடு செய்வதன் மூலம் பரிகார பலன்கள் கிடைக்கும். மேஷம், மிதுனம், துலாம், தனுசு, மகர ராசிகளுக்கு இந்த சனி பெயர்ச்சி நல்ல பலன்களை தருகிறது. ரிஷபம், கடகம், சிம்மம், கன்னி, விருச்சிகம், கும்பம், மீனம் ராசிகளுக்கு சுமாரான பலன்களையே தரும் என ஜோதிட கணிப்பு கூறுகிறது. 

மேஷ ராசியில் 11-ம் இடத்தில் லாபஸ்தானத்தில் சனி இருக்கிறார். இதனால் அவர்களுக்கு தொட்டதெல்லாம் லாபகரமாக இருக்கும்.

ரிஷப ராசியில் 10-ம் இடத்தில் ஜீவனாஸ்தானத்துக்கு சனி பகவான் செல்கிறார். இந்த ராசிகாரர்களுக்கு தொழில் பாதிப்பு ஏற்பட வாய்ப்புள்ளதாக கணிக்கப்பட்டுள்ளது. 

மிதுன ராசியில் 9-ம் இடத்தில் பாக்கியஸ்தானத்துக்கு சனி பகவான் செல்கிறார். இந்த ராசிக்காரர்களுக்கு மரியாதை உயருவருடன், நல்லவை நடக்கும்

கடக ராசியில் அஷ்டம சனியான 8-ம் இடத்தில் சனி பகவான் இருக்கிறார். இவர்களுக்கு புது வாய்ப்புகளும் பொறுப்புகளும் சற்று தாமதமாக கிடைக்கும்.

சிம்ம ராசியில் கண்டக சனியான 7-ம் இடத்தில் சனி பகவான் இருக்கிறார். இவர்களுக்கு மருத்துவச் செலவு அதிகரிக்கும்.

கன்னி ராசியில் 6-ம் இடத்தில் ரோக ருன சப்தகுரு ஸ்தானத்திற்கு சனி பகவான் செல்கிறார். இந்த ராசிக்காரர்கள் கடன்களை வட்டியுடன் செலுத்தும் சூழல் ஏற்படலாம். 

துலாம் ராசியில் 5-ம் இடமான பூர்வீக புண்ணிய ஸ்தானத்திற்கு சனி பகவான் செல்வதால், இந்த ராசிக்காரர்களுக்கு திருமண ஏற்பாடு தீவிரமாக நடைபெற வாய்ப்புண்டு. பூர்வீக சொத்து பிரச்சனை தீரும்.

விருச்சிக ராசியில் அர்த்தாஷ்டம சனி 4-ம் இடத்தில் சனி பகவான் இருக்கிறார். இந்த ராசிக்காரர்களுக்கு தோல் தொடர்பான வியாதிகள் ஏற்படும்.

தனுசு ராசியில் 3ஆம் இடமான தைரிய வீரிய ஸ்தானத்தில் சனி பகவான் இருக்கிறார். இந்த ராசிக்காரர்கள் புதிய சொத்தை குறைந்த விலைக்கு வாங்கும் நிலை ஏற்படலாம்.

மகர ராசிக்கு 2ஆம் இடமான பாதக சனி. மருத்துவ செலவுகள் ஏற்படலாம். காதல் திருமணம் கைக்கூட வாய்ப்புண்டு.

கும்ப ராசிக்கு 1-ம் இடமான ஜென்ம சனி. பணத்திற்கு கஷ்டம் உண்டாகலாம். பொருளாதார பின்னடைவு ஏற்படலாம்.

மீன ராசிக்கு 12ஆம் இடமான விரய சனி. உடல் ஆரோக்கியத்தில் பாதிப்பு ஏற்படலாம். தொழிலில் நஷ்டம் ஏற்பட வாய்ப்புண்டு.