Rasi Palan Today Oct 20: சிம்மத்துக்கு தடைகள் உடையும்; கன்னிக்கு பொறுமை தேவை: உங்கள் ராசிக்கு என்ன பலன்?

Rasi Palan Today, October 20: அக்டோபர் மாதம் 20ஆம் நாள் ஞாயிற்றுக் கிழமையான இன்று எந்தெந்த ராசியினருக்கு என்னென்ன பலன்கள் மற்றும் நல்ல நேரம் குறித்து விரிவாக காணலாம்.

ராசிபலன்

Source : abp

இன்றைய ராசி பலன்கள்: Rasi Palan Today October 20, 2024: 

 அன்பார்ந்த வாசகர்களே இன்றைய நாளில் உங்கள் ராசிக்கு எப்படி இருக்க போகிறது என்று பார்க்கலாம்....

மேஷ ராசி

 

குடும்ப உறுப்பினர்களின் எண்ணங்களை அறிந்து செயல்படுவீர்கள். பிரபலமானவர்களின் அறிமுகம் கிடைக்கும். மற்றவர்களுக்கு ஆதரவான பணிகளை செய்து மகிழ்வீர்கள். பொருளாதாரம் தொடர்பான நெருக்கடிகள் குறையும். வியாபாரப் பணிகளில் புதுவிதமான யுக்திகளை கையாளுவீர்கள். உத்தியோகத்தில் திறமைக்கேற்ற பாராட்டுகள் கிடைக்கும். ஜெயம் நிறைந்த நாள்.

 

ரிஷப ராசி

 

புதிய முடிவுகளில் ஒருமுறைக்கு இருமுறை சிந்தித்துச் செயல்படுவது நல்லது. தோற்றப்பொலிவில் மாற்றங்கள் ஏற்படும். வித்தியாசமான சிந்தனைகள் மூலம் மாற்றங்கள் உண்டாகும். தற்பெருமை எண்ணங்களை குறைத்து செயல்படுவது நன்மை அளிக்கும். பலம் மற்றும் பலவீனங்களை அறிந்து கொள்வீர்கள். வரவு நிறைந்த நாள்.

 

மிதுன ராசி

 

கேளிக்கைகள் செயல்பாடுகளில் ஈடுபாடு உண்டாகும். புதிய இலக்குகளால் அலைச்சல் ஏற்படும். வாகனம் மற்றும் மனை தொடர்பான வியாபாரத்தில் லாபம் அதிகரிக்கும். குடும்ப உறுப்பினர்கள் விருப்பங்களை நிறைவேற்றி வைப்பீர்கள். ஆரோக்கியம் சார்ந்த விஷயங்களில் விழிப்புணர்வுடன் இருக்கவும். சோர்வு மறையும் நாள்.

 

 கடக ராசி

 

மாணவர்களுக்கு கல்வியில் மேன்மையான வாய்ப்புகள் கிடைக்கும். தனிப்பட்ட திறமைகளை வெளிப்படுத்துவீர்கள். மனதில் புதுவிதமான சிந்தனைகள் ஏற்படும். பணியில் பொறுப்புகள் படிப்படியாக குறையும். பிள்ளைகளின் செயல்பாடுகள் மனதிற்கு மகிழ்ச்சியை ஏற்படுத்தும். கலை சார்ந்த துறையில் இருப்பவர்களுக்கு கற்பனைத்திறன் மேம்படும். தெளிவு பிறக்கும் நாள்.

 

 சிம்ம ராசி

 

வியாபாரத்தில் பொருட்களை கையாளும் பொழுது கவனம் வேண்டும். கால்நடைகளின் மூலம் மேன்மை அடைவீர்கள். பழைய நினைவுகளின் மூலம் மகிழ்ச்சியான தருணங்கள் உண்டாகும். மூட்டு மற்றும் முதுகு எலும்பு தொடர்பான பிரச்சனைகள் குறையும். தொழில் தொடர்பான முதலீடுகள் அதிகரிக்கும். கல்வி தொடர்பான பணிகளில் இருப்பவர்களுக்கு தடைகள் அகலும். ஆடம்பர பொருட்களின் மீது ஆர்வம் அதிகரிக்கும். உழைப்பு மேம்படும் நாள்.

 

 கன்னி ராசி

 

உயர் பொறுப்பில் இருப்பவர்களின் ஆதரவு கிடைக்கும். கூட்டாளிகளை பற்றிய புரிதல் ஏற்படும். சுபகாரிய பேச்சுவார்த்தைகளில் பொறுமை வேண்டும். வர்த்தக துறைகளில் நிபுணர்களின் ஆலோசனைகள் கிடைக்கும். அரசாங்கம் தொடர்பான காரியங்களில் பதற்றமின்றி செயல்படவும். வெளியூர் வேலைவாய்ப்புகளில் எதிர்பார்ப்புகள் நிறைவேறும். களிப்பு நிறைந்த நாள்.

 

 துலாம் ராசி

 

எதிர்பாராத செலவுகள் மூலம் நெருக்கடியான சூழ்நிலை உண்டாகும். குடும்பத்தில் தேவையற்ற வாதங்களை தவிர்ப்பது நல்லது. சிந்தனைப் போக்கில் கவனம் வேண்டும். பழைய நினைவுகள் மற்றும் பிரச்சனைகளின் மூலம் மனவருத்தங்கள் நேரிடும். தனிப்பட்ட விஷயங்களை மற்றவர்களிடம் பகிர்வதை தவிர்க்கவும். பொதுமக்கள் பணிகளில் சிந்தித்துச் செயல்படவும். சிந்தித்து செயல்படவேண்டிய நாள்.

 

விருச்சிக ராசி

 

ஆரோக்கிய பிரச்சனைகள் குறைந்து புத்துணர்ச்சி பெறுவீர்கள். உயர் அதிகாரிகளின் ஆதரவு கிடைக்கும். கூட்டாளிகளின் மூலம் ஆதரவான சூழ்நிலை ஏற்படும். உடனிருப்பவர்கள் பற்றிய புரிதலும், வாழ்க்கை பற்றிய தெளிவும் ஏற்படும். மனதிற்கு பிடித்த விலை உயர்ந்த பொருட்களை வாங்கி மகிழ்வீர்கள். நண்பர்களின் ஒத்துழைப்பு மனதிற்கு மகிழ்ச்சியை ஏற்படுத்தும். திறமை வெளிப்படும் நாள்.

 

தனுசு ராசி

 

வெளி வட்டாரத்தில் செல்வாக்கு அதிகரிக்கும். போட்டிகளில் ஈடுபட்டு வெற்றி அடைவீர்கள். நீண்ட நாட்களாக நிலுவையில் இருந்துவந்த பிரச்சனைகளுக்கு தீர்வு கிடைக்கும். எதிர்பார்த்த சில உதவிகள் கிடைக்கும். உத்தியோகத்தில் முயற்சிக்கேற்ப முன்னேற்றம் ஏற்படும். ஆராய்ச்சி பணிகளில் சாதகமான சூழல் உண்டாகும். தனவரவுகளில் இருந்துவந்த இழுபறியான சூழல் அகலும். லாபம் நிறைந்த நாள்.

 

மகர ராசி

 

நீண்ட நாட்களாக மனதை உறுத்தி கொண்டிருந்த விஷயங்களுக்கு தெளிவு கிடைக்கும். மாணவர்களுக்கு உயர்கல்வி தொடர்பான புரிதல் அதிகரிக்கும். உடைமைகளில் விழிப்புணர்வு வேண்டும். மனதில் கற்பனை தொடர்பான சிந்தனைகள் மேம்படும். பிள்ளைகளின் எதிர்காலம் தொடர்பான சிந்தனைகள் மனதில் உண்டாகும். வழக்கு பணிகளில் இருந்துவந்த காலதாமதங்கள் குறையும். தன்னம்பிக்கை வேண்டிய நாள்.

 

கும்ப ராசி

 

புதிய முயற்சிகளில் எதிர்பார்த்த முடிவுகள் காலதாமதமாக கிடைக்கும். வெளிவட்டாரத்தில் மதிப்பும், மரியாதையும் அதிகரிக்கும். பயணங்களின் மூலம் அலைச்சல்கள் ஏற்பட்டாலும் புதுவிதமான அனுபவம் கிடைக்கும். தேவையற்ற பேச்சுக்களை குறைத்துக்கொள்வது நல்லது. செயல்பாடுகளில் மந்தத்தன்மையும், ஒருவிதமான உடல் சோர்வும் ஏற்பட்டு நீங்கும். பணி நிமித்தமான முயற்சிகள் ஈடேறும். ஆர்வம் நிறைந்த நாள்.

 

மீன ராசி

 

உத்தியோகத்தில் இருப்பவர்களுக்கு எதிர்பாராத இடமாற்றம் உண்டாகும். உடன்பிறந்தவர்களிடம் சூழ்நிலைக்கு ஏற்றவாறு அனுசரித்துச் செல்வது நல்லது. மறைமுகமாக இருந்துவந்த எதிர்ப்புகள் விலகும். கணவன், மனைவிக்கிடையே அன்யோன்யம் அதிகரிக்கும். ஆரோக்கிய செயல்பாடுகளில் சற்று கவனத்துடன் இருக்க வேண்டும். நெருக்கமானவர்களிடம் விட்டுக்கொடுத்துச் செல்வது நல்லது. யோகம் நிறைந்த நாள்.