Rasipalan Today Nov 12: சிம்மம் வாதங்கள் வேண்டாம்! கன்னிக்கு லாபம் - உங்கள் ராசிக்கான பலன்?

Rasi Palan Today, November 12: இன்று எந்தெந்த ராசியினருக்கு என்னென்ன பலன்கள் குறித்து விரிவாக காணலாம்.

ராசிபலன்

Source : abp

இன்றைய ராசி பலன்கள்: Rasi Palan Today November 12, 2024: 

 அன்பார்ந்த வாசகர்களே இன்றைய நாளில் உங்கள் ராசிக்கு எப்படி இருக்க போகிறது என்று பார்க்கலாம்....

மேஷ ராசி

 

வியாபாரத்தில் உழைப்புக்கு ஏற்ற லாபம் உண்டாகும். உறவினர்களின் வழியில் மகிழ்ச்சியான செய்திகள் கிடைக்கும். உபரி வருமானம் குறித்த எண்ணங்கள் மேம்படும். பிற மொழி பேசும் மக்களின் அறிமுகம் உண்டாகும். நீண்ட நேரம் கண்விழிப்பதை தவிர்ப்பது நல்லது. தம்பதிகளுக்கு இடையே அனுசரித்துச் செல்லவும். ஆதாயம் நிறைந்த நாள்.

 

ரிஷப ராசி

 

எதையும் சமாளிக்கும் பக்குவம் மனதளவில் பிறக்கும். நண்பர்களின் எண்ணங்களை புரிந்து கொள்வீர்கள். எதிர்பார்த்திருந்த சில ஒப்பந்தங்கள் சாதகமாகும். சவாலான வேலைகளையும் சாதாரணமாக செய்து முடிப்பீர்கள். சமூகப் பணிகளில் மதிப்பு அதிகரிக்கும். விலை உயர்ந்த பொருட்களின் சேர்க்கை ஏற்படும். வெளியூர் பயணங்களில் இருந்துவந்த தாமதங்கள் மறையும். சுகம் நிறைந்த நாள்.

 

மிதுன ராசி

 

முன்னேற்றம் குறித்த சிந்தனைகள் அதிகரிக்கும். சில அனுபவங்களால் புதிய பாதைகள் புலப்படும். பிரபலமானவர்களின் ஒத்துழைப்பு கிடைக்கும். வீடு, வாகனங்களை சரி செய்வீர்கள். வேலையாட்கள் மாற்றம் குறித்த எண்ணங்கள் மேம்படும். திறமைக்கு உண்டான மதிப்பு கிடைக்கும். புதிய முயற்சிகளில் மாறுபட்ட அனுபவம் ஏற்படும். அசதி மறையும் நாள்.

 

 கடக ராசி

 

திட்டமிட்ட காரியங்களில் சாதகமான பலன்கள் கிடைக்கும். எதிர்பாலின மக்களால் நன்மை உண்டாகும். உடன்பிறந்தவர்கள் ஒத்துழைப்பாக இருப்பார்கள். உத்தியோகத்தில் உயர்வான சூழல் ஏற்படும். புதிய துறை சார்ந்த எண்ணங்கள் அதிகரிக்கும். தர்ம காரியங்களில் ஈடுபாடு ஏற்படும். கவலை மறையும் நாள்.

 

 சிம்ம ராசி

 

நினைத்த காரியங்கள் நிறைவேறுவதில் தாமதம் ஏற்படும். பயனற்ற விவாதங்களை குறைத்துக் கொள்ளவும். உத்தியோகத்தில் பொறுப்புகள் அதிகரிக்கும். எதிர்பாராத சில இடமாற்றங்களால் சஞ்சலங்கள் ஏற்படும். நிலுவையில் இருந்துவந்த பணிகளை செய்து முடிப்பீர்கள். கொடுக்கல், வாங்கல் விஷயங்களில் சற்று கவனம் வேண்டும். தாமதம் நிறைந்த நாள்.

 

 கன்னி ராசி

 

திட்டமிட்ட காரியங்கள் கைகூடும். நெருக்கமானவர்கள் இடத்தில் அன்பு அதிகரிக்கும். நீண்ட நாள் பிரச்சனைகளுக்கு தீர்வு கிடைக்கும். போட்டிகளில் எதிர்பார்த்த முடிவுகள் கிடைக்கும். மனதளவில் இருந்துவந்த கவலைகள் நீங்கி புத்துணர்ச்சியுடன் செயல்படுவீர்கள். தந்தையுடன் இருந்துவந்த கருத்து வேறுபாடுகள் மறையும். உடல் ஆரோக்கியம் மேம்படும். லாபம் நிறைந்த நாள்.

 

 துலாம் ராசி

 

கல்வியில் இருந்துவந்த ஆர்வமின்மை குறையும். தம்பதிகளுக்குள் புரிதல் மேம்படும். கலைஞர்களுக்கு கற்பனை திறன் அதிகரிக்கும். விவசாயத்தில் நல்ல லாபம் கிடைக்கும். எதிர்பாராத சில உதவிகள் சாதகமாகும். உயர் பதவியுடன் கூடிய இடமாற்றம் கிடைக்கும். நண்பர்களுக்கிடையே புரிதல் அதிகரிக்கும். புகழ் நிறைந்த நாள்.

 

விருச்சிக ராசி

 

தேவைகளை நிறைவேற்றிக் கொள்வதற்கான சூழல் அமையும். நீண்ட நாள் பிரார்த்தனைகளை நிறைவேற்றுவீர்கள். கமிஷன் தொடர்பான பணிகளில் ஆதாயம் உண்டாகும். பணி நிமித்தமான செயல்களில் சற்று கவனம் வேண்டும். வாடிக்கையாளர்களின் ரசனைகளை புரிந்து கொள்வீர்கள். மனதளவில் புதுமையான சிந்தனைகள் அதிகரிக்கும். ஆக்கப்பூர்வமான நாள்.

 

தனுசு ராசி

 

பழக்கவழக்கங்களில் மாற்றம் உண்டாகும். வீட்டினை மனதிற்கு பிடித்த விதத்தில் மாற்றி அமைப்பீர்கள். உறவினர்களிடத்தில் இருந்துவந்த கருத்து வேறுபாடுகள் மறையும். பேச்சுக்களில் அனுபவம் வெளிப்படும். தவறிப்போன சில பொருட்கள் கிடைக்கும். வியாபாரத்தில் முன்னேற்றம் ஏற்படும். உற்பத்தி துறைகளில் புதிய வாய்ப்புகள் அமையும். நன்மை நிறைந்த நாள்.

 

மகர ராசி

 

செயல்பாடுகளில் அனுபவ அறிவு வெளிப்படும். உடன்பிறந்தவர்கள் பக்கபலமாக இருப்பார்கள். விருந்தினர்களின் வருகையால் மகிழ்ச்சி உண்டாகும். வியாபாரத்தில் கொள்முதல் அதிகரிக்கும். பணி சார்ந்த சில சூட்சுமங்களை புரிந்து கொள்வீர்கள். மனதளவில் இருந்துவந்த தயக்கம் குறையும். செலவு நிறைந்த நாள்.

 

கும்ப ராசி

 

உடல் ஆரோக்கியம் மேம்படும். ஆடை, ஆபரண சேர்க்கை உண்டாகும். பணிபுரியும் இடத்தில் புதிய வாய்ப்புகள் கிடைக்கும். பற்கள் தொடர்பான பிரச்சனைகள் குறையும். கொள்கை பிடிப்பு குணம் அதிகரிக்கும். மற்றவர்களிடத்தில் அதிக உரிமைகளை எடுத்துக் கொள்வதை தவிர்க்கவும். மற்றவர்களின் தேவைகளை நிறைவேற்றி வைப்பீர்கள். சிந்தனை மேம்படும் நாள்.

 

மீன ராசி

 

மனதிற்கு மகிழ்ச்சியான செய்திகள் கிடைக்கும். கால்நடை பணிகளில் சற்று கவனம் வேண்டும். வித்தியாசமான கனவுகளால் குழப்பம் உண்டாகும். செயல்திறனில் ஒருவிதமான சோர்வு வெளிப்படும். மறதி தொடர்பான பிரச்சனைகள் ஏற்பட்டு நீங்கும். கணவன், மனைவிக்கிடையே நெருக்கம் அதிகரிக்கும். உத்தியோகத்தில் மதிப்பும், மரியாதையும் அதிகரிக்கும். பரிசு கிடைக்கும் நாள்.