Udhayanidhi wishes Ajith : ”ஒன்றிணைந்து செயல்படுவோம்” அஜித்தை அழைத்த உதயநிதி!கொண்டாடும் AK ரசிகர்கள்

துபாய் கார் பந்தயத்தில் கலந்து கொள்ளவுள்ள நடிகர் அஜித் குமாருக்கு துணை முதலமைச்சர் உதயநிதி ஸ்டாலின் பாராட்டியுள்ளார். ஒன்றிணைந்து செயல்படுவோம் என அஜித்துக்கு வாழ்த்து தெரிவித்துள்ளார் உதயநிதி.

கார் ரேஸிங்கில் அதிக ஈடுபாடு கொண்ட நடிகர் அஜித் கடந்த சில ஆண்டுகளாக சிகிச்சை, படப்பிடிப்பு என வலம் வந்தார். தற்போது மீண்டும் கார் ரேஸிங் வேலைகளில் தீவிரமாக ஈடுபட்டு வருகிறார். இதற்காக ‘அஜித்குமார் ரேஸிங்’ என்ற ஒரு அணியையும் உருவாக்கியுள்ளார். இந்தநிலையில் துபாயில் நடைபெறவுள்ள GT3 கோப்பை கார் பந்தய போட்டிகளில் கலந்துகொள்ளவிருக்கிறார். அவர் பயிற்சி செய்யும் வீடியோ சமூக வலைதளங்களில் வெளியாகி வைரலாகி வருகிறது. ஏற்கனவே 2004ல் F3 சாம்பியன்ஷிப் மற்றும் 2010ல் ஃபார்முலா 2 சாம்பியன்ஷிப் போட்டிகளில் அஜித் கலந்து கொண்டார். 

நடிகர் அஜித்துக்கு திரைத்துறையினரும், ரசிகர்களும் வாழ்த்துகளை தெரிவித்து வருகின்றனர். அந்தவகையில் துணை முதலமைச்சரும், விளையாட்டுத்துறை அமைச்சருமான உதயநிதி ஸ்டாலின் அஜித்துக்கு வாழ்த்து தெரிவித்துள்ளார். இதுதொடர்பான அவரது பதிவில், ‘உலக அளவில் சிறப்புக்குரிய 24H Dubai 2025 & The European 24H Series Championship - Porsche 992 GT3 Cup Class கார் பந்தயத்தில் பங்கேற்கவுள்ள நடிகரும், நண்பருமான திரு.அஜித்குமார் சார் அவர்களுக்கு எங்களுடைய மனமார்ந்த வாழ்த்துகளைத் தெரிவித்துக் கொள்கிறோம். நம்முடைய 
@SportsTN_
(SDAT) Logo-வை ‘அஜித்குமார் ரேசிங்’ யூனிட்டின், கார், ஹெல்மெட் மற்றும் பந்தயம் தொடர்பான உபகரணங்களில் காட்சிப்படுத்தப்பட்டுள்ளதை அறிந்து மட்டற்ற மகிழ்ச்சி அடைந்தோம். இதன்மூலம், தமிழ்நாடு விளையாட்டு மேம்பாட்டுத்துறையை உலக அரங்கில் பெருமைப்படுத்தி, ஊக்குவித்துள்ள அஜித் சாருக்கு 
@SportsTN_
சார்பாக எங்களது நன்றியைத் தெரிவித்துக்கொள்கிறோம். மேலும், மாண்புமிகு முதலமைச்சர் 
@mkstalin
அவர்கள் தலைமையிலான நமது #திராவிட_மாடல் அரசு செயல்படுத்தி வரும் பல்வேறு மக்கள் நலத்திட்டங்கள் - #Formula4 Chennai Racing Street Circuit போன்ற முன்னெடுப்புகளை வாழ்த்திய அஜித் சாருக்கு எங்கள் அன்பும், நன்றியும். விளையாட்டுத்துறையில் தமிழ்நாட்டை உலக அரங்கில் உயர்த்திட ஒன்றிணைந்து செயல்படுவோம். கார்பந்தய போட்டியில் வென்று தமிழ்நாட்டுக்கு நீங்கள் பெருமை சேர்த்திட வாழ்த்துகள் அஜித் சார்” என தெரிவித்துள்ளார்.