Madurai Muthu Help Handicap People | லாரான்ஸ், பாலா வரிசையில்.. நடிகர் மதுரை முத்து!

நடிகர்கள் ராகவா லாரன்ஸ், பாலா வரிசையில் நகைச்சுவை நடிகர் மதுரை முத்துவும் தனது சொந்த ஊரான மதுரையை சேர்ந்த 100 தவழும் மாற்றுத்திறனாளிகளுக்கு நலத்திட்ட உதவிகளை செய்து அசத்தியுள்ளார்.

சமீப காலமாக நடிகர்கள் ராகவா லாரன்ஸ், பாலா உள்ளிட்டோர் மக்களுக்கு பல்வேறு உதவிகளை செய்து மக்கள் மத்தியில் மிளிர்கின்றனர். இந்நிலையில் இந்த வரிசையில் தற்போது நகைச்சுவை நடிகர் முத்துவும் களத்தில் இறங்கியுள்ளார்.மதுரை மாவட்டத்தை சேர்ந்த 100 தவழும் மாற்றுத்திறனாளிகளுக்கு உதவிடும் வகையில் மதுரையை சேர்ந்த  நகைச்சுவை நடிகரான மதுரை முத்து தனது நண்பர்களுடன் இணைந்து பல்வேறு நலத்திட்ட உதவிகளை வழங்கும் நிகழ்ச்சி மதுரை காந்தி அருங்காட்சியக கூடத்தில் நடைபெற்றது. 

இந்த நலத்திட்ட உதவிகள் வழங்கும் நிகழ்வில் மதுரை மாவட்டத்தை சேர்ந்த 100 தவழும் வகை மாற்றுத்திறனாளிகளுக்கு 1 லட்சம் மதிப்பிலான ஒரு மாதத்திற்கு தேவையான அரிசி, உடை, சமையல் பொருட்கள் மற்றும் தலைக்கவசம் ஆகிய நலத்திட்ட உதவிகளை மதுரை முத்து மற்றும் அவரது நண்பர்களுடன் இணைந்து வழங்கியுள்ளார்.

 இதனைத்தொடர்ந்து  மாற்றுத்திறனாளிகளை மகிழ்விக்கும் வகையில் மேடையில் சினிமா பாடல்கள், மதுரை முத்துவின் காமெடி, மற்றும் பல்வேறு கலைநிகழ்ச்சிகள் நடத்தப்பட்டுள்ளது.

இதுபோன்ற உதவிகளை செய்வதால் இரவில் நிம்மதியான உறக்கம் வருகிறது என மதுரை முத்து கூறியுள்ளது மக்கள் மத்தியில் பாராட்டுகளை பெற்றுள்ளது