Poco M8 Power: 3 நாட்கள் நிற்கும் சார்ஜ்.. போகோ நிறுவனத்தில் அசத்தல் ஸ்மார்ட்போன் இதோ!
போகோ எம்8 பவர் ஸ்மார்ட்போனின் பின்புறம் 50 எம்பி திறன் கொண்ட இரட்டை கேமராக்கள். செல்பி கேமரா 8 மெகா பிக்ஸல் ஆகியவையும் இடம்பெறும் என தெரிவிக்கப்பட்டுள்ளது.
போகோ நிறுவனம் விரைவில் தனது பட்ஜெட் மாடல் ஸ்மார்ட்போனை சந்தையில் அறிமுகம் செய்யவுள்ள நிலையில் அந்த போனில் 3 நாட்கள் சார்ஜ் நிற்கும் என தெரிவிக்கப்பட்டுள்ளது.
போகோ நிறுவனம்
தொழில்நுட்ப வசதிகள் பெருகி வரும் இந்த காலக்கட்டத்தில் பல நிறுவனங்கள் பல்வேறு வசதிகளுடன் கூட ஸ்மார்ட்போன்களை சந்தையில் அறிமுகம் செய்து வருகிறது. அதில் பட்ஜெட் மாடல் ஸ்மார்ட்போன்களை விற்பனைக்கு கொண்டு வருவதில் போகோ நிறுவனமும் ஒன்றாகும். நாம் பொதுவாக போன் வாங்க சென்றால் சார்ஜ் நன்றாக நிற்குமா என்று தான் பார்ப்போம். அப்படியான நிலையில் ஆகஸ்ட் 4ம் தேதி போகோ நிறுவனம் தனது அடுத்த மாடல் ஸ்மார்ட் போனை அறிமுகம் செய்யவுள்ளது. இந்திய நேரப்படி அன்று மதியம் 12 மணிக்கு வெளியாகும் இந்த ஸ்மார்ட்போன் ஃபிளிப்கார்ட் மூலம் விற்பனைக்கு வரவுள்ளது.
போகோ எம்8 பவர் மாடல் சிறப்புகள்
இந்த மாடலுக்கு போகோ எம்8 பவர் என பெயரிடப்பட்டுள்ளது. இது போகோ எம்8 மாடலில் அப்டேட் வெர்ஷனாக பார்க்கப்படுகிறது. இந்த மாடல் போன் 2026 ஜனவரி மாதம் தான் இந்தியாவில் அறிமுகம் செய்யப்பட்டது. வாடிக்கையாளர்களிடையே நல்ல வரவேற்பு கிடைத்ததால் அடுத்த வெர்ஷனை அந்நிறுவனம் அறிமுகம் செய்யவுள்ளது.
இந்த போனில் பேட்டரி தான் ஹைலைட் ஆக இருக்கும் என தெரிவிக்கப்பட்டுள்ளது. ஒருமுறை சார்ஜ் செய்தால் இன்டர்நெட் பயன்படுத்தாமல் 3 நாட்கள் வரை இந்த ஸ்மார்ட்போனை நாம் பயன்படுத்த முடியும் என போக்கோ நிறுவனம் தெரிவித்துள்ளது.
மேலும் வெளியாகியுள்ள தகவலின்படி, போக்கோ எம்8 பவர் ஸ்மார்ட்போனில் 45 வாட் வயர்ட் ஃபாஸ்ட் சார்ஜிங் இடம்பெறவுள்ளது. பேட்டரி திறன் 8000 mAh ஆக இருக்கும் என கூறப்பட்டுள்ளது. அதுமட்டுமல்லாமல் ஆண்ட்ராய்டு 16ஐ அடிப்படையாக கொண்ட ஹைப்பர் ஓஎஸ் 2 மூலம் இந்த பேட்டரி திறன் மேலும் மேம்படும் என தெரிவிக்கப்பட்டுள்ளது.
இதனைத் தவிர இந்த POCO M8 Power ஸ்மார்ட்போனில் 120Hz ரெஃப்ரெஷ் ரேட் மற்றும் 1,800 நிட்ஸ் வரையிலான உச்சபட்ச பிரகாசத்துடன் கூடிய 6.9 இன்ச் முழு HD+ AMOLED டிஸ்ப்ளேவைக் கொண்டிருக்கும் என சொல்லப்படுகிறது. இதில், 4nm தொழில்நுட்பத்தில் உருவாக்கப்பட்ட குவால்காமின் ஸ்னாப்டிராகன் 4 ஜென் 4 சிப்செட் மற்றும் அட்ரினோ 710 GPU ஆகியவை இடம்பெற வாய்ப்புள்ளது. 8GB ரேம் மற்றும் 256 GB மெமரி திறன் போன்றவையும் வழங்கப்படலாம்.
இந்த போகோ எம்8 பவர் ஸ்மார்ட்போனின் பின்புறம் 50 எம்பி திறன் கொண்ட இரட்டை கேமராக்கள். செல்பி கேமரா 8 மெகா பிக்ஸல் ஆகியவையும் இடம்பெறும் என தெரிவிக்கப்பட்டுள்ளது. டைப் சி சார்ஜ் போர்டு, 5ஜி சப்போர்ட் இரட்டை சிம் ஸ்லாட் ஆகியவையும் எதிர்பார்க்கலாம் என சொல்லப்பட்டுள்ளது. இந்த ஸ்மார்ட் போனின் விலை ரூ.20 ஆயிரம் முதல் ரூ.27 ஆயிரம் வரை இருக்கலாம் என கூறப்பட்டுள்ளது.
தலைப்பு செய்திகள்
ட்ரெண்டிங் செய்திகள்
