One Plus 16: 9000 mAh பேட்டரி, கேம் பிரியர்களுக்கு அசத்தலான ஸ்மார்ட்போனை வெளியிட்ட ஒன்பிளஸ் நிறுவனம்!
ஒன்பிளஸ் நிறுவனம் வாடிக்கையாளர்களின் தேவையை கருத்தில் கொண்டு அவ்வப்போது அப்டேட்டுகளுடன் கூடிய ஸ்மார்ட்போனை சந்தையில் அறிமுகம் செய்வது வழக்கம்.
ஒன்பிளஸ் நிறுவனம் நீண்ட பேட்டரி பேக்கப், கேமிங் செயல்திறன் கொண்ட ஒன்பிளஸ் 16 ஸ்மார்ட்போனை அறிமுகம் செய்துள்ளது. இந்த ஸ்மார்ட்போன் தற்போது சீனாவில் அறிமுகம் செய்யப்பட்டுள்ள நிலையில் விரைவில் இந்தியாவுக்கு விற்பனைக்கு வரும் எதிர்பார்க்கப்படுகிறது.
ஒன் பிளஸ் 16 ஸ்மார்ட்போன்
இந்திய சந்தையில் ஒன் பிளஸ் நிறுவனத்தின் ஸ்மார்ட்போன்கள் முக்கியமான இடத்தைப் பிடித்துள்ளது. வாடிக்கையாளர்களின் தேவையை கருத்தில் கொண்டு அவ்வப்போது அப்டேட்டுகளுடன் கூடிய ஸ்மார்ட்போனை சந்தையில் அறிமுகம் செய்வது வழக்கம். அப்படியாக 185Hz கேமிங் ரெகெஃப்ரெஷ் ரேட், குவால்காமின் ஸ்னாப்டிராகன் 8 எலைட் எக்ஸ்ட்ரீம் ஜென் 6 பிளாட்ஃபார்ம், 9,000 mAh பேட்டரி, 200 MP முதன்மை கேமரா மற்றும் 100 வாட்ஸ் வயர்டு ஃபாஸ்ட் சார்ஜிங் ஆகிய அம்சங்களுடன் கூடிய ஒன்பிளஸ் 16 களமிறக்கப்பட்டிருகிறது.
Oneplus 16 is here guys 🔥 Are you waiting for it in India ? https://t.co/EAI902CLvM
— Tech Swami (Aman Nayyar) (@techswami_yt) October 13, 2026
சீனாவில் இதன் விலை இந்திய மதிப்பில் ரூ.85,850 ஆக நிர்ணயிக்கப்பட்டுள்ளது. இந்திய சந்தையில் மதிப்பு குறைய வாய்ப்புள்ளது. அதுபோல அறிமுக சலுகையாக சில தள்ளுபடிகளும் கிடைக்க வாய்ப்புள்ளது. இந்த ஸ்மார்ட்போன் அதிகப்பட்ட விலை ரூ.1.21 லட்சம் வரை இருக்கலாம் என தெரிவிக்கப்பட்டுள்ளது. இந்த மாடலில் 12 GB ரேம், 256 GB ரோம், 12 GB ரேம் - 512 GB ரோம், 16 GB ரேம் - 512 GB ரோம், 16 GB ரேம் - 1 TB ரோம் என 4 வேரியண்ட்களில் கிடைக்கிறது. ஒன்பிளஸ் 16 ஸ்மார்ட்போன் டார்க் ஃபாரஸ்ட் மற்றும் மார்ஷியன் மாஸ்டர்பீஸ் ஆகிய சூப்பரான இரண்டு வண்ணங்களில் கிடைக்கிறது.
200 எம்பி பிரைமரி கேமரா ஆப்ஷன்
8.45 மிமீ முதல் 8.55 மிமீ தடிமன் கொண்ட இந்த ஸ்மார்ட்போன்கள் 220 கிராம் எடையில் இருக்கும் என தெரிவிக்கப்பட்டுள்ளது. மேலும் இதில் விண்ட் சேஸர் கேம் கெர்னல் மற்றும் கிளேசியர் கூலிங் சிஸ்டம் ஆகியவையும் இடம்பெற்றுள்ளன. அதுமட்டுமல்லாமல் ஜி3 நெட்வொர்க் சிப், பி4 டிஸ்ப்ளே சிப் மற்றும் கேமிங்கிற்கான டி3 டச் சிப் ஆகியவையும் இடம்பெற்றுள்ளது. பின்புறத்தில் 3 கேமராக்கள் உள்ளது. முதன்மை கேமரா 200 எம்பி, அடுத்த அல்ட்ரா வைட் கேமரா 50 எம்பி, 3x ஆப்டிகல் ஜூம் கொண்ட 50MP பெரிஸ்கோப் டெலிஃபோட்டோ கேமரா ஆகியவை இடம்பெற்றுள்ளது.
இதனைத் தவிர 50 MP திறன் கொண்ட ஆட்டோ ஃபோகஸ் முன்பக்க கேமரா 4கே தரத்தில் வீடியோ பதிவும் செய்கிறது. இன்-டிஸ்ப்ளே கைரேகை சென்சார், ஸ்டீரியோ ஸ்பீக்கர்கள் ஆகியவையும் இடம்பெற்றுள்ளது. இதன் புகைப்படம் மற்றும் அறிமுக வீடியோ ஸ்மார்ட்போன் பிரியர்களை கவர்ந்துள்ளது.
தலைப்பு செய்திகள்
ட்ரெண்டிங் செய்திகள்
