Instagram - Reels App:இன்ஸ்டாகிராம் ரீல்ஸுக்கென பிரத்யேக ஆப் அறிமுகம் - மெட்டாவின் புதிய திட்டம்?
Instagram - Reels App: இன்ஸ்டாகிராம் ரீல்ஸுக்கென பிரத்யேக ஆப் அறிமுகம் செய்ய மெட்டா திட்டமிட்டுள்ளதாக தெரிகிறது.
இன்ஸ்டாகிராம் ரீல்ஸுக்கென பிரத்யேக ஒரு செயலி அறிமுகம் செய்ய மெட்டா திட்டமிட்டு வருவதாக தகவல் வெளியாகியுள்ளது. டிக்-டாக்குக்குப் போட்டியாக தனி ஆப் அறிமுகம் செய்யும் திட்டம் குறித்து மெட்டா அலோசித்து வருகிறதாம்.
மெட்டா இன்ஸ்டாகிராம்:
சமூக வலைதளத்தின் வளர்ச்சி என்பது நாளுக்கு நாள் கணிக்க முடியாததாக மாறிவருகிறது. தகவல் பரிமாற்றத்தில் தொடங்கியது தொழில், ப்ளாக் என அதன் வளர்ச்சி நீண்டுகொண்டிருக்கிறது. ஃபேஸ்புக் மெசேஜிங் தளமாக தொடங்கப்பட்டது. இன்று அதன் பரிணாமம் வேறொன்றாக இருக்கிறது. மெட்டா அறிமுகம் செய்த இன்ஸ்டாகிராம் பிரபலமான வீடியோ ஷேரிங் தளமாக மாறிவிட்டது. பலரும் ரீல்ஸ் பார்ப்பதை விரும்புகின்றனர். தகவல், பொழுதுப்போக்கு என ரீல்ஸ் என்பது மிக முக்கியமான இடத்தைப் பிடித்திருக்கிறது எனலாம். ஒரு நாளில் ரீல்ஸ் பார்க்காமல் இருப்பவர்கள் சிலர் என்ற நிலைதான்.
மெட்டா நிறுவனம் வாட்ஸ் அப், இன்ஸ்டாகிட்ராம், ஃபேஸ்புக் உள்ளிட்ட மூன்று சமூக வலைதளங்களிலும் தொழில்நுட்ப வசதிகளை மேம்படுத்துவதோடு, மூன்றிலும் ஒரே மாதிரியான வசதிகள் இருக்க வேண்டும் என்ற நோக்கத்தோடுபல்வேறு அப்டேட்களை வழங்கி வருகிறது.
டிக்-டாக் - இன்ஸ்டாகிராம் ரீல்ஸ்:
மெட்டா நிறுவனம் ரீஸ்ல் அறிமுகம் செய்வதற்கு முன்பே, டிக் -டாக் என்ற ஷார்ட் வீடியோ ஆப் பிரபலமாயிருந்த்தது. உலகம் முழுவதும் டிக் டாக் பயன்பாடு அதிகரித்தது. அதன்பிறகு, சில பாதுகாப்பு காரணங்களுக்காக இந்தியா, அமெரிக்கா ஆகிய சில நாடுகளில் டிக்- டாக் தடை செய்யப்பட்டது. யூடியூப் ஷார்ட்ஸ், இன்ஸ்டாகிராம், ஃபேஸ்புக் ரீல்ஸுக்கு அனைவரும் மாறினர். டிக் - டாக் வீடியோ உருவாக்கியவர்கள் இன்ஸ்டாகிராம் ரீல்ஸுக்கு மாறினர். வீடியோ கன்டெண்ட் எடுப்பதும் அதற்கான ஆடியன்ஸ் அதிகரிக்க தொடங்கியது. ரீல்ஸ் வசதியில் பல்வேறு அப்டேட்களை இன்ஸ்டாகிராம் வெளியிட்டது. ரீல்ஸ் வீடியோவின் நேரம் அதிகரிப்பது, ஃபில்டர் என பயனர்களின் வசதிக்காக அப்டேட் வழங்கியது.
இன்ஸ்டாகிராம் ரீல்ஸ் பிரத்யேக ஆப்:
டிக் டாக் செயலுக்கு போட்டியாக, வீடியோ கன்டெண்ட்களுக்கு என பிரத்யேக ஆப் ஒன்றை உருவாக்கும் முடிவில் மெட்டா, இன்ஸ்டாகிராம் இருப்பதாக செய்தி வெளியாகியுள்ளது. வீடியோ கன்டெண்ட்களுக்குப் பார்வையாளர்களின் வரவேற்பு அதிகரித்து கொண்டே இருப்பதால், புதிய ஆப் கொண்டுவருவது சிறந்ததாக இருக்கும் என இன்ஸ்டாகிராம் தலைமை நிர்வாக குழுவில் ஆலோசனை செய்யபட்டுள்ளது.
2020 ம் ஆகஸ்ட் மாதம் இன்ஸ்டாகிராம் தளத்தில் ரீல்ஸ் என்ர குறுகிய நேர வீடியோ முறை அறிமுகம் செய்யப்பட்டது. அதிலிருந்து இன்ஸ்டாகிராம் பயனர்கள் ஸ்க்ரால் செய்யும் நேரம் 20 சதவீதம் அதிகரித்துள்ளதாக தெரிவிக்கப்பட்டுள்ளது.
இன்ஸ்டாகிராம் ரீல்ஸுக்கென ஒரு ஆப் அறிமுகம் செய்யப்பட்டால் அதற்கென பார்வையாளர்கள் இருப்பார்கள் என்றும், இண்டர்நெட் ட்ராபிக் அதிகரிக்கும் என எதிர்பார்க்கப்படுகிறது. ரீல்ஸ், ஷார் வீடியோ ஃபார்மெட் விரும்பி பார்ப்பவர்கள் பயன்படுத்தும் வகையில் உருவாக்கலாம் என்று திட்டமிட்டுள்ளார்களாம்.
தலைப்பு செய்திகள்
ட்ரெண்டிங் செய்திகள்
