விண்டேஜ் கார்.. திருமண நாளில் மனைவிக்கு தோனி கொடுத்த அசத்தல் பரிசு!

சமூக ஊடகங்களில் பலர் இந்த தம்பதியினரின் 11ஆவது ஆண்டு விழாவுக்கு வாழ்த்து கூறினார்கள். ஆனால், தோனியின் இந்த சிறப்பு பரிசு சாக்ஷிக்கு அந்த நாளை இன்னும் சிறப்பானதாக மாற்றியிருக்கிறது.

தோனி - சாக்‌ஷி - கார்

11 ஆம் ஆண்டு திருமண நாளை முன்னிட்டு மகேந்திர சிங் தோனி, தனது மனைவிக்கு விண்டேஜ் கார் ஒன்றை பரிசாக அளித்துள்ளார்.

மகேந்திர சிங் தோனி மற்றும் அவரது மனைவி சாக்ஷி ஆகியோர் தங்களது 11வது திருமண ஆண்டு விழாவை இன்று கொண்டாடி வருகின்றனர். இந்தியாவின் முன்னாள் கேப்டன் தனது ஆண்டுவிழாவை முன்னிட்டு தனது மனைவிக்கு விண்டேஜ் காரை பரிசாக வழங்கியுள்ளார். சாக்ஷியும், தோனியும் 2010 ஆம் ஆண்டு இதே நாளில் திருமணம் செய்து கொண்டனர்.

தோனியின் மனைவி தனது இன்ஸ்டாகிராம் பக்கத்தில் காரின் புகைப்படத்தை பகிர்ந்துள்ளார். காரின் பிராண்ட் தெரியவில்லை என்றாலும், அது ஒரு வோக்ஸ்வாகன் பீட்டில் 1961 போல் தெரிகிறது. சாக்ஷி படத்தைப் பகிர்ந்துகொண்டு, "திருமண நாள் பரிசுக்கு நன்றி" என்று எழுதியுள்ளார்.

எம்.எஸ்.தோனி ஆட்டோமொபைல்களின் பெரிய ரசிகர் என்பது அனைவருக்கும் தெரியும். அவரிடம் நிறைய கார்கள் மற்றும் பைக்குகள் உள்ளன. அவரின் சில கார்களில் ஃபெராரி 500 ஜி.டி.ஓ, ஹம்மர் எச்2, கவாசாகி நிஞ்ஜா எச் 2, ஹார்லி-டேவிட்சன் பேட்பாய், ஸ்கார்பியோ போன்றவை அடங்கும். தற்போது, இந்த விண்டேஜ் காரும், தோனி கார் கலெக்‌ஷனில் சேர்ந்துள்ளது.

சென்னை சூப்பர் கிங்ஸ் அணி, தோனி மற்றும் ஷாக்‌ஷிக்கு திருமண நாள் வாழ்த்து கூறியுள்ளது.

 

The love that we #Yellove! 💛
Super happy anniversary to our King and Queen! 😍#WhistlePodu 🦁
@msdhoni @SaakshiSRawat pic.twitter.com/aPu3VwpzAC

— Chennai Super Kings - Mask P😷du Whistle P🥳du! (@ChennaiIPL) July 4, 2021

சமூக ஊடகங்களில் பலர் இந்த தம்பதியினரின் 11ஆவது ஆண்டு விழாவுக்கு வாழ்த்து கூறினார்கள். ஆனால், தோனியின் இந்த சிறப்பு பரிசு சாக்ஷிக்கு அந்த நாளை இன்னும் சிறப்பானதாக மாற்றியிருக்கிறது.

கொரோனா அதிகரித்து வருவதால் இந்தியன் பிரீமியர் லீக் (ஐ.பி.எல்) ஒத்திவைக்கப்பட்ட பின்னர் தோனி தனது நேரத்தை அனுபவித்து வருகிறார். அவர் தனது குடும்பத்தினருடன் தனது ராஞ்சி பண்ணை வீட்டில் நேரத்தை செலவிட்டு வருகிறார். சென்னை சூப்பர் கிங்ஸின் (சி.எஸ்.கே) கேப்டனாக இருக்கும் தோனி வழக்கமாக தனது செல்லப்பிராணிகளுடன் நேரத்தை செலவிடுவதைக் காணலாம்.