IPL 2026 CSK vs RR: தோனி இல்லாத சிஎஸ்கே முதலில் பேட்டிங்! ராஜநடை போடுமா ராஜஸ்தான்? ஜடேஜாவா? சாம்சனா?

IPL 2026 CSK vs RR: ஐபிஎல் தொடரில் சென்னை சூப்பர் கிங்ஸ் அணி ராஜஸ்தான் அணிக்கு எதிரான போட்டியில் முதலில் பேட்டிங் செய்கிறது.

ரியான் பராக்- ருதுராஜ்

Source : TWITTER

ஐபிஎல் தொடரின் 19வது சீசன் விறுவிறுப்பாக நடந்து வருகிறது. இந்த தொடரில் முன்னாள் சாம்பியன்களான சென்னை சூப்பர் கிங்ஸ் - ராஜஸ்தான் ராயல்ஸ் அணிகள் இருவரும் மோதுகின்றனர்.

சிஎஸ்கே முதலில் பேட்டிங்:

பல்வேறு மாற்றங்களுடன் இரு அணிகளும் இந்த முறை களமிறங்குகின்றனர். சென்னை அணி முழுக்க முழுக்க இளம் பட்டாளத்துடன் களமிறங்குகிறது. அதேபோல, ராஜஸ்தான் ராயல்ஸ் அணியும் இளைஞர்கள் பட்டாளத்துடன் களமிறங்குகின்றனர். இந்த போட்டியில் டாஸ் வென்ற ராஜஸ்தான் ராயல்ஸ் அணி முதலில் பந்துவீச்சைத் தேர்வு செய்தது. இதையடுத்து, சென்னை அணி முதலில் பேட்டிங் செய்கிறது.

தோனி இல்லாத ஆட்டம்:

காயம் காரணமாக எம்.எஸ்.தோனி நீண்ட இடைவெளிக்கு பிறகு போட்டியைத் தவறவிவிடுகிறார். கவுகாத்தியில் நடந்து வரும் இந்த போட்டியில்  சென்னை அணிக்காக பேட்டிங்கில் கேப்டன் ருதுராஜ் கெய்க்வாட், புதிய பலமாக இணைந்துள்ள சாம்சன், இளம் வீரர் ஆயுஷ் மாத்ரே, ஷிவம் துபே உள்ளனர்.

சாம்சன் - ஜடேஜா:

அதேபோல, ராஜஸ்தான் அணியும் பலமாகவே களமிறங்குகிறது. அந்த அணிக்கு பலமாக கேப்டன் ரியான் பராக் உள்ளனர். ஜெய்ஸ்வால், வைபவ் சூர்வயன்ஷி பேட்டிங்கில் அசத்த காத்துள்ளனர். இவர்களுடன் மிடில் ஆர்டரில் அசத்த ஹெட்மெயர் உள்ளனர். குறிப்பாக, சென்னை அணியின் தூணாகவும், முன்னாள் கேப்டனாகவும் பொறுப்பு வகித்த ஜடேஜா ராஜஸ்தான் அணியின் புதிய பலமாக இணைந்துள்ளார். 

ராஜஸ்தான் அணியின் முன்னாள் கேப்டன் சஞ்சு சாம்சன், சென்னை அணியின் முன்னாள் கேப்டன்  ஜடேஜா தற்போது எதிரெதிர் அணியில் ஆடுவது ஒரு சுவாரஸ்யமான நிகழ்வாக கருதப்படுகிறது.

சென்னை அணியில் இன்று பேட்டிங்கில் பலமாக மேத்யூ ஷார்ட் களமிறங்குகிறார். பந்துவீச்சில் ஓவர்டன், நூர், மேட் ஹென்றி பலமாக களமிறங்குகின்றனர். ராஜஸ்தான் அணிக்காக ப்ரிஜேஷ் சர்மா இன்று அறிமுகமாகிறார்.

அணி விவரம்:

சென்னை அணிக்காக ருதுராஜ் கெய்க்வாட் தலைமையில் சஞ்சு சாம்சன், ஆயுஷ் மாத்ரே, மேத்யூ ஷார்ட், ஷிவம் துபே, ஜேமி ஓவர்டன், நூர் அகமது, மேட் ஹென்றி, அன்சுல் கம்போஜ், கலீல் அகமது இடம்பிடித்தனர்.

ராஜஸ்தான் ராயல்ஸ் அணியில் வைபவ் சூர்யவன்ஷி, ஜெய்ஸ்வால், ரியான் பராக், துருவ் ஜுரல், ஷிவம் ஹெட்மயர், ஜடேஜா, ஜோப்ரா ஆர்ச்சர், பர்கர், சந்தீப் சர்மா, ரவி பிஷ்னோய், பிரிஜேஷ் சர்மா களமிறங்குகின்றனர்.

பந்துவீச்சு:

சென்னை அணிக்கு பந்துவீச்சு பலமாக கலீல் அகமது, அன்சுல் கம்போஜ், மேஹட் ஹென்றி, ஓவர்டன், நூர் அகமது உள்ளனர். ராஜஸ்தான் அணிக்கு பந்துவீச்சு பலமாக ஆர்ச்சர், சந்தீப் சர்மா, ப்ரிஜேஷ் சர்மா, ஜடேஜா உள்ளனர்.

தோனியின் அனுபவமும், வழிநடத்தலும் இல்லாதது சென்னைக்கு பலவீனமாக இருக்கும். இரு அணியிலும் பந்துவீச்சு, பேட்டிங் பலமாக இருப்பதால் இந்த போட்டி விறுவிறுப்பாக இருக்கும் என்று கருதப்படுகிறது.