CSK Vs DC: ஹாட்ரிக் தோல்வியை தவிர்க்குமா சென்னை? தோனி கேப்டனா? டெல்லியை வீழ்த்துமா சிஎஸ்கே?
IPL 2025 CSK Vs DC: சென்னை சேப்பாக்கத்தில் நடைபெற உள்ள இன்றைய லீக் போட்டியில், சிஎஸ்கே மற்றும் டெல்லி அணிகள் மோத உள்ளன.
IPL 2025 CSK Vs DC: சென்னை சேப்பாக்கத்தில் நடைபெற உள்ள இரவு 7.30 மணிக்கு தொடங்குகிறது.
சென்னை Vs டெல்லி:
அதிரடியான பேட்டிங், அட்டகாசமான பவுலிங் என நடப்பாண்டு ஐபிஎல் தொடரும் ரசிகர்களுக்கு விருந்தாக அமைந்துள்ளது. புள்ளிப்பட்டியலில் முதல் நான்கு இடங்களை பிடித்து பிளே-ஆஃப் சுற்றுக்கு முன்னேற 10 அணிகள் முனைப்பு காட்டி வருகின்றன. இந்நிலையில், இன்று நடைபெறும் லீக் போட்டியில் ருதுராஜ் கெய்க்வாட் தலைமையிலான சென்னை சூப்பர் கிங்ஸ் அணியை, அக்சர் படேல் தலைமையிலான டெல்லி கேபிடல்ஸ் அணி எதிர்கொள்கிறது. சேப்பாக்கம் மைதானத்தில் பிற்பகல் 3.30 மணிக்கு போட்டி தொடங்குகிறது. இதனை தொலைக்காட்சியில் ஸ்டார் ஸ்போர்ட்ஸ் அலைவரிசையிலும், ஒடிடியில் ஜியோ ஸ்டார் செயலியிலும் ரசிகர்கள் கண்டுகளிக்கலாம்.
ஹாட்ரிக் தோல்வியா? ஹாட்ரிக் வெற்றியா?
சென்னை அணி தனது முதல் லீக் போட்டியில் வெற்றி பெற்றாலும், கடைசியாக விளையாடிய இரண்டு போட்டிகளிலும் தோல்வியடைந்து புள்ளிப்பட்டியலில் 8வது இடத்தில் உள்ளது. அதேநேரம், டெல்லி அணி இதுவரை விளையாடிய இரண்டு போட்டிகளிலும் வென்று புள்ளிப்பட்டியலில் 2வது இடத்தில் உள்ளது. இதன் மூலம் இன்றைய போட்டியில் வென்று ஹாட்ரிக் தோல்வியை தவிர்க்க சென்னை அணியும், இன்றைய போட்டியில் வென்று ஹாட்ரிக் வெற்றியை பதிவு செய்ய டெல்லி அணியும் தீவிரம் காட்டி வருகிறது.
தோனி மீண்டும் கேப்டனா?
சென்னை அணி கேப்டன் ருதுராஜ் கெய்க்வாட் பேட்டிங் பயிற்சியின் போது ஏற்பட்ட காயம் காரணமாக அவதிப்பட்டு வருவதாக கூறப்படுகிறது. இதனால் இன்றைய போட்டியில் அவருக்கு ஓய்வளிக்கப்பட்டு, தோனி மீண்டும் கேப்டனாக செயல்படுவார் என்றும் சில தகவல்கள் தெரிவிக்கின்றன. அதேநேரம், ஏற்கனவே சென்னை அணி பேட்டிங்கில் தடுமாறி வருகிறது. ஒருவேளை இன்றைய போட்டியில் ருதுராஜ் இல்லாவிட்டால் அது சென்னை அணிக்கு பெரும் பின்னடைவாக அமையக்கூடும்.
சென்னை Vs டெல்லி - பலம், பலவீனம்:
சென்னை அணி பந்துவீச்சில் ஓரளவிற்கு வலுவானதாகவே தெரிகிறது. குறிப்பாக நூர் அகமது, அஸ்வின் மற்றும் கலீல் அகமது ஆகியோர் அணிக்கு வலுசேர்க்கின்றனர். ஆனால், பேட்டிங் தான் சென்னை அணியின் பெரும் பலவீனமாக உள்ளது. டாப் ஆர்டர் தொடர்ந்து சொதப்புவது, துபே எதிர்பார்த்தபடி ரன் குவிக்க முடியாமல் தடுமாறுவது, ருதுராஜிற்கு கூடுதல் சுமையாக அமைந்துள்ளது. அதேநேரம், மற்ற அணிகளை போல் பெரிய ஹிட்டர்கள் யாரும் இல்லாததும் சென்னை அணிக்கு பாதகமாக தெரிகிறது.
அதேநேரம், டெல்லி அணி வலுவான கலவையுடன் பிளேயிங் லெவனை கொண்டுள்ளது.அசுதோஷ் சர்மா, டூப்ளெசிஸ், மெக்கர்க் மற்றும் கே.எல். ராகுல் ஆகியோர் பேட்டிங்கில் அசத்த, மிட்செல் ஸ்டார்க், விப்ராஜ் நிகம், குல்தீப் யாதவ் மற்றும் அக்சர் படேல் ஆகியோர் பந்துவீச்சில் மிரட்டுகின்றனர். இதனால் இன்றைய போட்டி சென்னை அணிக்கு சவால் நிறைந்ததாக இருக்கும்.
சென்னை Vs டெல்லி - நேருக்கு நேர்:
ஐபிஎல் வரலாற்றில் இரு அணிகளும் இதுவரை 30 முறை நேருக்கு நேர் மோதியுள்ளன. அதில் சென்னை அணி 19 முறையும், டெல்லி அணி 11 முறையும் வெற்றி பெற்றுள்ளன.
சேப்பாக்கம் மைதானம் எப்படி?
சேப்பாக்கம் மைதானத்தில் உள்ள ஆடுகளம் திடமானதாகவும், நன்கு தயாரிக்கப்பட்டதாகவும் இருக்கும் என்று எதிர்பார்க்கப்படுகிறது. ஆரம்பத்தில் இது பேட்டர்களுக்கு ஏற்றதாகத் தோன்றினாலும், ஆட்டம் முன்னேறும்போது அதன் உண்மையான தன்மை மாறும். கடந்த சீசனின் சராசரி ஸ்கோர் சுமார் 170 ஆக இருந்தது, ஆனால் இந்த முறை ஸ்கோர்கள் அதிகமாக இருக்கலாம்.
சுவாரஸ்யமாக, அதிக புல் இல்லாத நல்ல நீளமுள்ள பகுதிகள் சற்று பிடிப்பைக் கொண்டுள்ளன, இதனால் சுழற்பந்து வீச்சாளர்கள் தாக்கத்தை ஏற்படுத்துகிறார்கள். சுமார் 160-170 ஸ்கோர் சமமாகக் கருதப்படுகிறது, அதே நேரத்தில் 185 க்கு அருகில் உள்ள எதுவும் போட்டியை வென்றெடுக்க உதவும்.
உத்தேச பிளேயிங் லெவன்:
சென்னை சூப்பர் கிங்ஸ் (CSK) : ரச்சின் ரவீந்திரா, ராகுல் திரிபாதி, ருதுராஜ் கெய்க்வாட் (கேப்டன்), விஜய் சங்கர், ரவீந்திர ஜடேஜா, எம்.எஸ். தோனி , ஜேமி ஓவர்டன், ரவிச்சந்திரன் அஷ்வின், நூர் அகமது, மதீஷா பத்திரனா, கலீல் அகமது.
டெல்லி கேபிடல்ஸ் (DC) : ஜேக் ஃப்ரேசர்-மெக்குர்க், ஃபாஃப் டு பிளெசிஸ், அபிஷேக் போரல், கே.எல். ராகுல் (வி.கே.), அக்சர் படேல் (கேட்ச்), டிரிஸ்டன் ஸ்டப்ஸ், விப்ராஜ் நிகாம், மிட்செல் ஸ்டார்க், குல்தீப் யாதவ், மோகித் சர்மா, முகேஷ் குமார்.
தலைப்பு செய்திகள்
ட்ரெண்டிங் செய்திகள்
