மேலும் அறிய

Watch Video: “தோனிதான் முதல் சாய்ஸ்.. எதற்கு தெரியுமா?” - பயிற்சி களத்தில் நியூசி., வீரர் டெவன் கான்வே

ஐபிஎல் போட்டிகள் தொடங்க இன்னும் 7 நாட்களே உள்ள நிலையில் ரசிகர்கள் இடையே பெரும் எதிர்ப்பார்ப்பு எழுந்துள்ளது.

By : ABP NADU | Updated at : 19 Mar 2022 11:53 PM (IST)

தோனி

2022-ம் ஆண்டிற்கான ஐபிஎல் தொடர் வரும் 26-ம் தேதி மும்பையில் தொடங்குகிறது. முதல் போட்டியில் சென்னை சூப்பர் கிங்ஸ் அணி கொல்கத்தா நைட் ரைடர்ஸ் அணியை எதிர்த்து விளையாடுகிறது. ஐபிஎல் போட்டிகள் தொடங்க இன்னும் 7 நாட்களே உள்ள நிலையில் ரசிகர்கள் இடையே பெரும் எதிர்ப்பார்ப்பு எழுந்துள்ளது.

முதலாவது ஐபிஎல் தொடர் வரை 2021-ம் ஆண்டு ஐபிஎல் தொடர் வரை மகேந்திர சிங் தோனி அனைத்து ஐபிஎல் தொடர்களிலும் விளையாடியுள்ளார். இந்நிலையில், இந்த ஆண்டு நடைபெறும் ஐபிஎல் தொடரில் தோனியின் தலைமையின் கீழ் விளையாட இருக்கும் சென்னை அணி சூரத்தில் தீவிர பயிற்சி மேற்கொண்டிருக்கிறது. தீவிரமாக பயிற்சி எடுத்து கொள்ளும் வீரர்கள், இந்த முறையும் கோப்பையை கைப்பற்றும் முனைப்பில் களமிறங்குவார்கள் என தெரிகிறது. இந்நிலையில், பயிற்சி களத்தில் சென்னை சூப்பர் கிங்ஸ் அணியில் புதிதாக இணைந்திருக்கும் வீரர் டெவன் கான்வே பேசும் வீடியோ வெளியாகி இருக்கிறது.

வீடியோவைக் காண:

The one with "I'm gonna go with Mahi bhai first!" 💛#WhistlePodu #Yellove 🦁 pic.twitter.com/YBTevDUJZK
— Chennai Super Kings (@ChennaiIPL) March 19, 2022

இந்த வீடியோவில், பயிற்சி களத்தில் இருக்கும் வீரர்கள் கால்பந்து விளையாடுவதாக தெரிகிறது. அப்போது, இரு அணிகளாக பிரிந்திருக்கும் வீரர்களுக்கு கான்வேயும், சாண்ட்னரும் கேப்டன்களாக நியமிக்கப்படுகின்றனர். அப்போது அணி வீரரை தேர்வு செய்யுமாறு கான்வேயிடம் சொல்லப்படுகிறது. அதற்கு அவர், “முதலில் நான் தோனியை தேர்வு செய்கிறேன்” என சொல்கிறார். அதற்கு அணி வீரர்கள் கைத்தட்டுகின்றனர். இந்த வீடியோவை சிஎஸ்கே ரசிகர்கள் அதிகம் பகிர்ந்து வருகின்றனர்.

சென்னை சூப்பர் கிங்ஸ் விளையாடும் போட்டிகளின் அட்டவனை விபரம் இதோ: