CSK vs LSG: தோனியின் பவுண்டரியோடு முடிந்த முதல் இன்னிங்ஸ்... லக்னோ வெற்றிப்பெற 211 ரன்கள் இலக்கு!
உத்தப்பாவின் ஓப்பனிங் ஆட்டம் சிறப்பாக அமைந்திருப்பதால், டுப்ளிசியின் இடத்தை அவர் பூர்த்தி செய்துவிட்டார் என நெட்டிசன்கள் கமெண்ட் செய்து கொண்டாடினார்.
2022 ஐபிஎல் தொடர் கடந்த சனிக்கிழமை தொடங்கியது. இத்தொடரின் முதல் போட்டியில் நடப்பு சாம்பியன் சென்னை சூப்பர் கிங்ஸ் அணி, கொல்கத்தா நைட் ரைடர்ஸ் அணியிடம் தோல்வி அடைந்தது. இந்தப் போட்டியில் தோனி தவிர மற்ற வீரர்கள் பேட்டிங்களில் சற்று சொதப்பினர். இதனால் இரண்டாவது போட்டிக்கு முன்பாக சென்னை அணி பேட்டிங்கை சரி செய்துவிடும் என்று எதிர்ப்பார்க்கப்பட்டது.
இந்நிலையில், சென்னை சூப்பர் கிங்ஸ் அணி தன்னுடைய இரண்டாவது போட்டியில் லக்னோ சூப்பர் ஜெயிண்ட்ஸ் அணியை எதிர் கொண்டுள்ளது. இந்தப் போட்டியில் மொயின் அலி இடம் பிடித்திருக்கிறார். இந்த போட்டியில் டாஸ் வென்ற லக்னோ சூப்பர் ஜியண்ட்ஸ், ஃபீல்டிங் தேர்வு செய்தது. இதனால், பேட்டிங் களமிறங்கிய சென்னை அணி ஓப்பனர் உத்தப்பா, தொடக்கம் முதலே அதிரடி காட்டினார். 8 பவுண்டரிகள், 1 சிக்சர் என அதிரடி காட்டிய அவர் 26 பந்துகளில் அரை சதம் கடந்து அவுட்டாகி இருக்கிறார். உத்தப்பாவின் ஓப்பனிங் ஆட்டம் சிறப்பாக அமைந்திருப்பதால், டுப்ளிசியின் இடத்தை அவர் பூர்த்தி செய்துவிட்டார் என நெட்டிசன்கள் கமெண்ட் செய்து கொண்டாடினார்.
Uth🆙A 💪🏻💥
— Chennai Super Kings (@ChennaiIPL) March 31, 2022
⌨️ One word for the Super knock 👇#LSGvCSK #Yellove #WhistlePodu 🦁💛 pic.twitter.com/7MFM5uNBqN
அவரை அடுத்து களமிறங்கிய மொயின் அலி 35 ரன்களும், சிவம் தூபே 49 ரன்களும் எடுத்து அணியின் ஸ்கோரை உயர்த்தினர். ராயுடு தன் பங்கிற்கு 27 ரன்கள் எடுக்க, ஜடேஜா 17 ரன்கள் எடுக்க, தோனி 16* ரன்கள் எடுத்து கடைசி வரை ஆட்டமிழக்காமல் இருந்தார். அதிரடியாக தொடங்கிய சென்னை அணி, சிறப்பான ஸ்கோரை எட்டி இருக்கிறது.
தோனியின் கடைசி பந்து பவுண்டரியுடன் முடிந்திருக்கும் முதல் இன்னிங்ஸ் முடிவில், 7 விக்கெட்டுகள் இழப்பிற்கு 210 ரன்கள் எடுத்திருக்கிறது சென்னை அணி. இந்த சீசனில் இன்னும் இரு அணிகளும் முதல் வெற்றியைப் பதிவு செய்யாத நிலையில், இலக்கை எட்ட லக்னோ அணியும், கட்டுப்படுத்தும் முனைப்பில் சென்னை அணியும் போரடும் என தெரிகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
